Fifa Ranking 2024: ಫಿಫಾ ಶ್ರೇಯಾಂಕದಲ್ಲಿ ಭಾರೀ ಕುಸಿತ ಕಂಡ ಭಾರತ

ದುಬೈ: ಕಳೆದ ವರ್ಷ ಫಿಫಾ ಶ್ರೇಯಾಂಕದಲ್ಲಿ(Fifa Ranking 2024) ಅಗ್ರ ನೂರರಲ್ಲಿ ಸ್ಥಾನ ಸಂಪಾದಿಸಿದ್ದ ಭಾರತ(fifa ranking 2024 india) ಈ ಬಾರಿಯ ಶ್ರೇಯಾಂಕದಲ್ಲಿ ಭಾರಿ ಕುಸಿತ ಕಂಡಿದೆ. ಇದಕ್ಕೆ ಕಾರಣ ಎಎಫ್​ಸಿ ಏಶ್ಯನ್ ಕಪ್​ನಲ್ಲಿ ತೋರಿದ ಕಳಪೆ ಪ್ರದರ್ಶನ.

ನೂತನ ಶ್ರೇಯಾಂಕದಲ್ಲಿ ಭಾರತೀಯ ಪುರುಷರ ಫುಟ್ಬಾಲ್​ ತಂಡ(indian football team) 15 ಸ್ಥಾನಗಳ ಕುಸಿತ ಕಂಡು 117ನೇ ಸ್ಥಾನ ಪಡೆದಿದೆ. ಕಳೆದ ತಿಂಗಳು ದೋಹಾದಲ್ಲಿ ನಡೆದಿದ್ದ ಎಎಫ್​ಸಿ ಏಶ್ಯನ್ ಕಪ್​ನಲ್ಲಿ ಭಾರತ ಮೊದಲ ಸುತ್ತಿನಲ್ಲೇ ಸೋತು ಕೂಟದಿಂದ ನಿರ್ಗಮಿಸಿತ್ತು. ಭಾರತವು ಆಸ್ಟ್ರೇಲಿಯಾ, ಉಝ್ಬೇಕಿಸ್ತಾನ ಹಾಗೂ ಸಿರಿಯಾ ವಿರುದ್ಧ ಪಂದ್ಯಗಳನ್ನು ಆಡಿತ್ತು. ಆದರೆ ಈ ಪಂದ್ಯಗಳಲ್ಲಿ ಕನಿಷ್ಠ ಒಂದು ಗೋಲು ಕೂಡ ಗಳಿಸಲು ಸಾಧ್ಯವಾಗಿರಲಿಲ್ಲ. ಈ ಕಳಪೆ ಪ್ರದರ್ಶನದ ಕಾರಣ ಶ್ರೇಯಾಂಕದಲ್ಲಿ ಕುಸಿತ ಕಂಡಿದೆ. ಭಾರತವನ್ನು ಹೊರತುಪಡಿಸಿ ಈ ಗುಂಪಿನಲ್ಲಿದ್ದ ಎಲ್ಲ ತಂಡಗಳು ಅಂತಿಮ-16ರ ಸುತ್ತು ತಲುಪಿದ್ದವು.

2021ರ ಬಳಿಕ ಭಾರತ ಶ್ರೇಯಾಂದಲ್ಲಿ ಕಂಡ ದೊಡ್ಡ ಕುಸಿತ ಇದಾಗಿದೆ. ಭಾರತವು ಈ ಹಿಂದೆ ಮುಖ್ಯ ಕೋಚ್ ಇಗೊಗ್ ಸ್ಟಿಮ್ಯಾಕ್ ಕೋಚಿಂಗ್​ನಲ್ಲಿ 107ನೇ ರ‍್ಯಾಂಕಿಗೆ ಕುಸಿದಿತ್ತು. ಖತರ್ ತಂಡ 31 ಸ್ಥಾನ ಮೇಲಕ್ಕೇರಿ 37ನೇ ಸ್ಥಾನಕ್ಕೆ ಬಂದು ನಿಂತಿದೆ. ಜೋರ್ಡನ್ 17 ಸ್ಥಾನ ಭಡ್ತಿ ಪಡೆದು 70ನೇ ಸ್ಥಾನ ಅಲಂಕರಿಸಿದೆ. ಕಳೆದ ವರ್ಷ ಸುನೀಲ್​ ಚೇಟ್ರಿ ಸಾರಥ್ಯದ ಭಾರತ ಫುಟ್ಬಾಲ್​ ತಂಡ ಉತ್ತಮ ಪ್ರದರ್ಶನ ತೋರುವ ಮೂಲಕ ಹಲವು ಟೂರ್ನಿಗಳನ್ನು ಗೆದ್ದಿತ್ತು. ಇದೀಗ ಮತ್ತೆ ಸೋಲಿನ ಸುಳಿಗೆ ಸಿಲುಕಿದೆ.

ಇದನ್ನೂ ಓದಿ ಮುಂದಿನ ವರ್ಷ ಕೇರಳದಲ್ಲಿ ನಡೆಯಲಿದೆ ಭಾರತ-ಅರ್ಜೆಂಟೀನಾ ಫುಟ್ಬಾಲ್​ ಪಂದ್ಯ

ಒಲಿಂಪಿಕ್ಸ್​ಗೆ ಅರ್ಹತೆ ಪಡೆದ ಅರ್ಜೆಂಟೀನಾ

ಫಿಫಾ ವಿಶ್ವಕಪ್ ಫುಟ್ಬಾಲ್(fifa world cup) ಚಾಂಪಿಯನ್​ ಅರ್ಜೆಂಟೀನಾ(Argentina football) ತಂಡ ಇದೇ ವರ್ಷ ಪ್ಯಾರಿಸ್​ನಲ್ಲಿ(Paris Olympics 2024) ನಡೆಯುವ ಒಲಿಂಪಿಕ್ಸ್​ ಕ್ರೀಡಾಕೂಟಕ್ಕೆ ಅರ್ಹತೆ ಗಿಟ್ಟಿಸಿಕೊಂಡಿದೆ. ಬಲಿಷ್ಠ ಬ್ರೆಝಿಲ್ ತಂಡವನ್ನು 1-0 ಅಂತರದಿಂದ ಮಣಿಸಿ ಈ ಸಾಧನೆ ತೋರಿದೆ. ಸೋಲು ಕಂಡ ಬ್ರೆಝಿಲ್ ಒಲಿಂಪಿಕ್ಸ್​ಗೆ ಅರ್ಹತೆ ಪಡೆಯುವಲ್ಲಿ ವಿಫಲವಾಯಿತು. ರಿಯೊ ಡಿ ಜನೈರೊ ಹಾಗೂ ಟೋಕಿಯೊದಲ್ಲಿ ನಡೆದ ಒಲಿಂಪಿಕ್ಸ್​ನಲ್ಲಿ ಬ್ರೆಝಿಲ್ ಚಿನ್ನದ ಪದಕ ಗೆದ್ದುಕೊಂಡಿತ್ತು.

ದಕ್ಷಿಣ ಅಮೆರಿಕದ ಒಲಿಂಪಿಕ್ಸ್ ಅರ್ಹತಾ ಪಂದ್ಯದಲ್ಲಿ ಜೇವಿಯರ್ ಮಸ್ಕರಾನೊರಿಂದ ತರಬೇತಿ ಪಡೆದಿರುವ ಅಂಡರ್-23 ಅರ್ಜೆಂಟೀನಾ ತಂಡದ ಪರ ಲುಸಿಯಾನೊ ಗೊಂಡೌ 78ನೇ ನಿಮಿಷದಲ್ಲಿ ಏಕೈಕ ಗೋಲು ಗಳಿಸಿ ತಂಡಕ್ಕೆ ಸ್ಮರಣೀಯ ಗೆಲುವು ತಂದುಕೊಟ್ಟರು. ಅರ್ಜೆಂಟೀನಾ ತನ್ನ ಅಂತಿಮ ಗ್ರೂಪ್ ಅಭಿಯಾನವನ್ನು 3 ಪಂದ್ಯಗಳಲ್ಲಿ ಐದು ಅಂಕವನ್ನು ಗಳಿಸುವ ಮೂಲಕ ಅಂತ್ಯಗೊಳಿಸಿದೆ.

ಅರ್ಜೆಂಟೀನಾ ಫುಟ್ಬಾಲ್​ ತಂಡ 2004ರ ಅಥೆನ್ಸ್ ಒಲಿಂಪಿಕ್ಸ್ ಹಾಗೂ 2008ರ ಬೀಜಿಂಗ್ ಒಲಿಂಪಿಕ್ಸ್​ನಲ್ಲಿ ಚಿನ್ನದ ಪದಕ ಜಯಿಸಿತ್ತು. 2008ರ ಬೀಜಿಂಗ್​ ಒಲಿಂಪಿಕ್ಸ್​ನಲ್ಲಿ ಲಿಯೋನೆಲ್​ ಮೆಸ್ಸಿ ನಾಯಕತ್ವದಲ್ಲಿ ಅರ್ಜೆಂಟೀನಾ ಚಿನ್ನ ಜಯಿಸಿತ್ತು. ಹಾಲಿ ಫಿಫಾ ವಿಶ್ವಕಪ್ ಚಾಂಪಿಯನ್​ ಆಗಿರುವ ಅರ್ಜೆಂಟೀನಾ ತಂಡದ ಸಾಮರ್ಥ್ಯವನ್ನು ನೋಡುವಾಗ ಒಲಿಂಪಿಕ್ಸ್​ನಲ್ಲಿಯೂ ಚಿನ್ನ ಗೆಲ್ಲುವ ನೆಚ್ಚಿನ ತಂಡವಾಗಿ ಕಾಣಿಸಿಕೊಂಡಿದೆ.