ಕೊಲೊಂಬೊ: ಕೊಲಂಬೊದ ಆರ್ ಪ್ರೇಮದಾಸ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಸೂಪರ್ 4 ಪಂದ್ಯದಲ್ಲಿ ಭಾರತವನ್ನು 213 ರನ್ಗಳಿಗೆ ಆಲೌಟ್ ಮಾಡುವ ಮೂಲಕ ಶ್ರೀಲಂಕಾ (ind vs sl) ಏಷ್ಯಾ ಕಪ್ 2023 (Asia Cup 2023) ರಲ್ಲಿ ಇತಿಹಾಸ ನಿರ್ಮಿಸಿದೆ. ಮೊದಲು ಬ್ಯಾಟಿಂಗ್ ಮಾಡಿದ ಪ್ರವಾಸಿ ತಂಡ ರೋಹಿತ್ ಶರ್ಮಾ (Rohit Sharma) ಮತ್ತು ಶುಭ್ಮನ್ ಗಿಲ್ (Shubhman Gill) ಅವರ ಬ್ಯಾಟಿಂಗ್ ಮೂಲಕ ಉತ್ತಮ ಆರಂಭ ಪಡೆಯಿತು. ಆದರೆ, ಆ ಬಳಿ ಯುವ ಬೌಲರ್ ದುನಿತ್ ವೆಲ್ಲಾಲಗೆ ಬೌಲಿಂಗ್ಗೆ ಕುಸಿತ ಕಂಡಿತು. 10 ಓವರ್ಗಳಲ್ಲಿ 40 ರನ್ಗಳಿಗೆ 5 ವಿಕೆಟ್ ಕಬಳಿಸುವ ಮೂಲಕ ಏಕದಿನ ಕ್ರಿಕೆಟ್ನಲ್ಲಿ 5 ವಿಕೆಟ್ ಪಡೆದ ಶ್ರೀಲಂಕಾದ ಅತ್ಯಂತ ಕಿರಿಯ ಆಟಗಾರ ಎಂಬ ಹೆಗ್ಗಳಿಕೆಗೆ ಅವರು ಪಾತ್ರರಾದರು.
☝ Shubman Gill
— ICC (@ICC) September 12, 2023
☝ Virat Kohli
☝ Rohit Sharma
A stunning spell from Dunith Wellalage sees India's top three back in the hut 🪄#INDvSL 📝: https://t.co/wrkCBdraLq pic.twitter.com/vOlTAJKSZT
ಚರಿತ್ ಅಸಲಂಕಾ 18 ರನ್ ನೀಡಿ 4 ವಿಕೆಟ್ ಪಡೆದರೆ, ಮಹೇಶ್ ತೀಕ್ಷಣಾ (41ಕ್ಕೆ 1 ವಿಕೆಟ್ ಪಡೆದರು) ಅಕ್ಷರ್ ಪಟೇಲ್ ಅವರನ್ನು ಔಟ್ ಮಾಡುವ ಮೂಲಕ ಭಾರತ 49.1 ಓವರ್ಗಳಲ್ಲಿ ಭಾರತ 213 ರನ್ಗಳಿಗೆ ಆಲೌಟ್ ಆಯಿತು.
ಎಲ್ಲ ವಿಕೆಟ್ ಸ್ಪಿನ್ ಬೌಲಿಂಗ್ಗೆ
ಅಕ್ಷರ್ ಪಟೇಲ್ ಕೊನೆಯಲ್ಲಿ ಮಹೀಶ್ ತೀಕ್ಷಣ ಎಸೆತಕ್ಕೆ ಔಟಾಗುವ ಮೂಲಕ ಭಾರತ ತಂಡ ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ತನ್ನ ಎಲ್ಲಾ 10 ವಿಕೆಟ್ಗಳನ್ನು ಸ್ಪಿನ್ ಬೌಲರ್ಗಳಿಎ ಕಳೆದುಕೊಂಡು ಇತಿಹಾಸ ಸೃಷ್ಟಿಸಿತು. ವೆಲ್ಲಾಲಗೆ, ಅಸಲಂಕಾ ಮತ್ತು ದೀಕ್ಷಾ ಎಲ್ಲರೂ ಆಫ್-ಸ್ಪಿನ್ನರ್ಗಳು. ಈ ಮೂಲಕ ಭಾರತ ಕಳಪೆ ದಾಖಲೆಯೊಂದಕ್ಕೆ ಒಳಗಾಯಿತು. 1997ರಲ್ಲಿ ಇದೇ ಮೈದಾನದಲ್ಲಿ ಶ್ರೀಲಂಕಾ ವಿರುದ್ಧ ಭಾರತ 9 ವಿಕೆಟ್ ಕಳೆದುಕೊಂಡಿತ್ತು. ಇದೀಗ 10 ವಿಕೆಟ್ ನಷ್ಟ ಮಾಡಿಕೊಂಡಿತು.
ಒಟ್ಟಾರೆಯಾಗಿ, ಸ್ಪಿನ್ನರ್ಗಳು ಏಕದಿನ ಪಂದ್ಯದಲ್ಲಿ ಎಲ್ಲಾ 10 ವಿಕೆಟ್ಗಳನ್ನು ಪಡೆದಿರುವುದು ಇದು 10 ನೇ ಬಾರಿ. 2001ರಲ್ಲಿ ಇದೇ ಮೈದಾನದಲ್ಲಿ ಜಿಂಬಾಬ್ವೆ ವಿರುದ್ಧ ನಡೆದ ಏಕದಿನ ಪಂದ್ಯದಲ್ಲಿ ಶ್ರೀಲಂಕಾದ ಸ್ಪಿನ್ನರ್ಗಳು ಈ ಸಾಧನೆ ಮಾಡಿದ್ದರು.
ವೆಲ್ಲಾಲಗೆ ಬೌಲಿಂಗ್ ಅಬ್ಬರ
ರೋಹಿತ್ ಶರ್ಮಾ, ಶುಭ್ಮನ್ ಗಿಲ್, ವಿರಾಟ್ ಕೊಹ್ಲಿ, ಹಾರ್ದಿಕ್ ಪಾಂಡ್ಯ, ಕೆಎಲ್ ರಾಹುಲ್ ಮತ್ತು ಹಾರ್ದಿಕ್ ಪಾಂಡ್ಯ ಅವರ ವಿಕೆಟ್ಗಳನ್ನು ಪಡೆದ ವೆಲ್ಲಾಲಗೆ ಅವರು ಭಾರತೀಯ ಬ್ಯಾಟಿಂಗ್ ಬಲವನ್ನು ಕುಗ್ಗಿಸಿದರು.
ಪಂದ್ಯದ ಬಳಿಕ ಮಾತನಾಡಿದ ಅವರು “ನನ್ನ ತರಬೇತುದಾರರು ಮತ್ತು ಮ್ಯಾನೇಜ್ಮೆಂಟ್ಗೆ ವಿಶೇಷವಾಗಿ ನನ್ನ ಸ್ಪಿನ್ ಬೌಲಿಂಗ್ ಕೋಚ್ಗೆ ಧನ್ಯವಾದ ಹೇಳಲು ಬಯಸುತ್ತೇನೆ. ನಾನು ನನ್ನ ಸಾಮಾನ್ಯ ಬೌಲಿಂಗ್ ಎಸೆಯಲು ಪ್ರಯತ್ನಿಸಿದೆ ಎಂದು ಹೇಳಿದ್ದಾರೆ.
ನನ್ನ ಕನಸಿನ ವಿಕೆಟ್ ಕೊಹ್ಲಿಯ ವಿಕೆಟ್ ಆಗಿತ್ತು. ಅದು ಸುಲಭವಲ್ಲ. ಆದರೂ ವಿಕೆಟ್ ಪಡೆದುಕೊಂಡೆವು ಎಂದು ಅವರು ಹೇಳಿದ್ದಾರೆ.