ಬೆಂಗಳೂರು: ನೆದರ್ಲ್ಯಾಂಡ್ಸ್ ವಿರುದ್ಧದ ವಿಶ್ವ ಕಪ್ ಪಂದ್ಯದಲ್ಲಿ ಭಾರತ ತಂಡದ 9 ಆಟಗಾರರು ಬೌಲಿಂಗ್ ಮಾಡುವ ಮೂಲಕ ಭಾರತ ತಂಡದ ಪರ ಹೊಸ ಸಾಧನೆ ಮಾಡಿದರು. ವಿಶ್ವ ಕಪ್ ಕ್ರಿಕೆಟ್ ಇತಿಹಾಸದಲ್ಲಿ ಭಾರತ ತಂಡದ ಪರವಾಗಿ ಇಷ್ಟೊಂದು ಬೌಲರ್ಗಳನ್ನು ಬಳಸಿದ ಮೊದಲ ಪಂದ್ಯ ಎಂಬ ಖ್ಯಾತಿ ಪಡೆಯಿತು. ವಿಕೆಟ್ ಕೀಪರ್ ಕೆ. ಎಲ್ ರಾಹುಲ್ ಹಾಗೂ ಶ್ರೇಯಸ್ ಅಯ್ಯರ್ ಇಬ್ಬರನ್ನು ಹೊರತುಪಡಿಸಿ ಭಾರತ ತಂಡ ಉಳಿದೆಲ್ಲರೂ ಬೌಲಿಂಗ್ ಮಾಡಿದರು. ಗಮನಾರ್ಹವಾಗಿ ರೋಹಿತ್ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ತಲಾ ಒಂದು ವಿಕೆಟ್ ಕೂಡ ಉರುಳಿಸಿದರು.
Only Virat Kohli fans are allowed to like this tweet 🫶🥹.https://t.co/OrUaC0YZp3
— Cricket_dude (@Hatedguy123) November 12, 2023
ಭಾರತದ ವಿಶ್ವ ಕಪ್ ಇತಿಹಾಸದಲ್ಲಿ ಪಂದ್ಯವೊಂದರಲ್ಲಿ 9 ಆಟಗಾರರು ಬೌಲಿಂಗ್ ಮಾಡಿರಲಿಲ್ಲ. ಆದರೆ, ಒತ್ತಡವೇ ಇಲ್ಲದ ಪಂದ್ಯದಲ್ಲಿ ನಾಯಕ ರೋಹಿತ್ ಶರ್ಮಾ ಈ ಪ್ರಯತ್ನವನ್ನು ಮಾಡಿದರು. ಅವರು ಆರಂಭಿಕ ಬ್ಯಾಟರ್ ಶುಭ್ಮನ್ ಗಿಲ್ ಹಾಗೂ ಮಧ್ಯಮ ಕ್ರಮಾಂಕದ ಆಟಗಾರ ಸೂರ್ಯಕುಮಾರ್ ಯಾದವ್ ಅವರಿಂದಲೂ ಬೌಲಿಂಗ್ ಮಾಡಿಸಿದರು. ಅವರಿಬ್ಬರು ಯಾವುದೇ ವಿಕೆಟ್ ಪಡೆಯಲಿಲ್ಲ. ಆದರೆ, ಟೀಮ್ ಇಂಡಿಯಾದ ಪರವಾಗಿ ಹೊಸ ದಾಖಲೆ ಬರೆದರು.
India’s bowling had us like 😂
— Punjab Kings (@PunjabKingsIPL) November 12, 2023
📸 Courtesy: BCCI#INDvNED #CWC23 #ViratKohli #RohitShama pic.twitter.com/0924s0RfwD
ಹೆಚ್ಚುವರಿ ಬೌಲಿಂಗ್ ಆಯ್ಕೆ
ನಾಯಕ ರೋಹಿತ್ ಶರ್ಮಾ ಮತ್ತು ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ವಿಕೆಟ್ ಬೌಲಿಂಗ್ನಲ್ಲಿ ಗಮನಾರ್ಹ ಕೊಡುಗೆಗಳನ್ನು ನೀಡುವುದರೊಂದಿಗೆ ಭಾರತವು ನೆದರ್ಲ್ಯಾಂಡ್ಸ್ ವಿರುದ್ಧ ಹೆಚ್ಚುವರಿ ಬೌಲಿಂಗ್ ಆಯ್ಕೆಗಳೊಂದಿಗೆ ಪ್ರಯೋಗ ನಡೆಸಿತು. ಶುಭ್ಮನ್ ಗಿಲ್ ಮತ್ತು ಸೂರ್ಯಕುಮಾರ್ ಯಾದವ್ ಕೂಡ ಬೆಂಗಳೂರಿನಲ್ಲಿ ತಮ್ಮ ಬೌಲಿಂಗ್ ಸಾಮರ್ಥ್ಯ ಪ್ರದರ್ಶಿಸಿದರು. ಗ್ರೂಪ್ ಹಂತದ ಕೊನೆಯ ಪಂದ್ಯದಲ್ಲಿ 4 ವಿಕೆಟ್ ನಷ್ಟಕ್ಕೆ 410 ರನ್ ಗಳಿಸಿದ ನಂತರ ಭಾರತವು ಡಚ್ ತಂಡವನ್ನು 250 ರನ್ಗಳಿಗೆ ಆಲೌಟ್ ಮಾಡುವಲ್ಲಿ ಯಶಸ್ವಿಯಾದಾಗ ಕೊಹ್ಲಿ ಮತ್ತು ರೋಹಿತ್ ದೀರ್ಘ ಕಾಲದ ಬಳಿಕ ವಿಕೆಟ್ ಪಡೆದ ಖ್ಯಾತಿ ಗಿಟ್ಟಿಸಿಕೊಂಡರು. ಇದೇ ವೇಳೆ ನ್ಯೂಜಿಲ್ಯಾಂಡ್ ವಿರುದ್ಧದ ಸೆಮಿಫೈನಲ್ ಪಂದ್ಯಕ್ಕೆ ಮೊದಲು ಹೆಚ್ಚುವರಿ ಬೌಲಿಂಗ್ ಆಯ್ಕೆಯನ್ನೂ ಭಾರತ ಪರಿಗಣಿಸಿತು.
India experimented with their bowling combinations on the way to a solid 160-run win 💪#CWC23 | #INDvNEDhttps://t.co/D0Dsm4fVkX
— ICC (@ICC) November 12, 2023
ಕೊಹ್ಲಿ ಪಡೆದ ವಿಕೆಟ್ಗಿಂತ ಪತ್ನಿ ಅನುಷ್ಕಾ ಸಂಭ್ರಮವೇ ಟ್ರೆಂಡ್ ಆಯಿತು
ಭಾರತ ತಂಡದ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ (Virat kohli ) ರನ್ ಗಳಿಕೆ ಮೂಲಕ ಹಲವು ದಾಖಲೆಗಳನ್ನು ಸೃಷ್ಟಿಸಿದ್ದಾರೆ. ಹೀಗಾಗಿ ಅವರನ್ನು ಕಿಂಗ್ ಕೊಹ್ಲಿ ಎಂದೇ ಕರೆಯುತ್ತಾರೆ. ಇಂಥ ಆಟಗಾರ ಬೌಲಿಂಗ್ ಮಾಡಿ ಒಂದು ವಿಕೆಟ್ ಪಡೆದಾಗ ಅವರ ಅಭಿಮಾನಿಗಳಿಗೆ ಆಗುವ ಸಂಭ್ರಮ ಅಷ್ಟಿಷ್ಟಲ್ಲ. ಅಂತೆಯೇ ಚಿನ್ನಸ್ವಾಮಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ನೆದರ್ಲ್ಯಾಂಡ್ಸ್ ವಿರುದ್ಧದ ವಿಶ್ವ ಕಪ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ವಿಕೆಟ್ ಪಡೆದಾಗ ದೊಡ್ಡ ಸಂಭ್ರಮವೇ ಕಂಡು ಬಂತು . ಅವರು ಪಡೆದ ಆ ಒಂದು ವಿಕೆಟ್ ಭಾರತದ ಕ್ರಿಕೆಟ್ ಅಭಿಮಾನಿಗಳ ಮನವನ್ನು ತಣಿಸಿದೆ. ಆದರೆ, ಈ ವಿಕೆಟ್ ಬಳಿಕ ಅತ್ಯಂತ ಹೆಚ್ಚು ಸುದ್ದಿಗೆ ಗ್ರಾಸವಾಗಿದ್ದು ಅವರ ಪತ್ನಿ ಅನುಷ್ಕಾ ಶರ್ಮಾ. ಗ್ಯಾಲರಿಯಲ್ಲಿ ಕುಳಿತು ಮ್ಯಾಚ್ ನೋಡುತ್ತಿದ್ದ ಅವರು ಜೋರಾಗಿ ಚಪ್ಪಾಳೆ ತಟ್ಟಿ, ಮನದುಂಬಿ ನಗುತ್ತಾ ಸಂಭ್ರಮಿಸಿದರು. ಈ ದೃಶ್ಯ ಪಂದ್ಯದ ನೇರ ಪ್ರಸಾರದ ಕ್ಯಾಮೆರಾಗಳ ಕಣ್ಣಿಗೆ ಬಿತ್ತು. ವಿರಾಟ್ ಪಡೆದ ವಿಕೆಟ್ಗಿಂತ ಆ ವಿಡಿಯೊ ದೊಡ್ಡ ಸುದ್ದಿಯಾಯಿತು.
ಈ ಸುದ್ದಿಯನ್ನೂ ಓದಿ : Rohit Sharma : ನಿನಗೊಂದು ವಿಕೆಟ್, ನನಗೊಂದು ವಿಕೆಟ್; ರೋಹಿತ್- ಕೊಹ್ಲಿ ಹಂಚಿಕೆ ಸೂತ್ರ!