ನವದೆಹಲಿ: ಹಲವು ಜನ್ಮ ದಿನಾಂಕದ ಪ್ರಮಾಣ ಪತ್ರಗಳನ್ನು ಇಟ್ಟುಕೊಂಡ ಆರೋಪದ ಮೇಲೆ ದೇಶೀಯ ಕ್ರಿಕೆಟ್‌ನಲ್ಲಿ ಜಮ್ಮು ಮತ್ತು ಕಾಶ್ಮೀರ ಪರ ಆಡುವ ಕ್ರಿಕೆಟಿಗ ವಂಶಜ್ ಶರ್ಮಾ(Vanshaj Sharma) ಅವರನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ಎರಡು ವರ್ಷಗಳ ಕಾಲ ನಿಷೇಧ ಮಾಡಿದೆ. ನಿಷೇಧ ಶಿಕ್ಷೆಯಿಂದಾಗಿ ವಂಶಜ್ ಇನ್ನು 2 ವರ್ಷಗಳ ಕಾಲ ಬಿಸಿಸಿಐ ಬ್ಯಾನರ್ ಅಡಿಯಲ್ಲಿ ನಡೆಯುವ ಯಾವುದೇ ಪಂದ್ಯವನ್ನು ಆಡುವಂತಿಲ್ಲ.
ವಂಶಜ್ ಶರ್ಮಾ ಅವರು ಆಟಗಾರರ ಐಡಿ 17026ಯ ಪ್ರಕಾರ ಬಿಸಿಸಿಐಗೆ ಬಹು ಜನನ ಪ್ರಮಾಣಪತ್ರಗಳನ್ನು ಸಲ್ಲಿಸಿದ್ದರು. ಆದರೆ ಅವರ ಬಳಿ ಇನ್ನೂ ಕೂಡ ಜನ್ಮ ದಿನಾಂಕದ ಪ್ರಮಾಣ ಪತ್ರಗಳು ಕಂಡು ಬಂದ ಕಾರಣ ಅವರನ್ನು ಅಕ್ಟೋಬರ್ 27 ರಿಂದ ಜಾರಿಗೆ ಬರುವಂತೆ ಎರಡು ವರ್ಷಗಳ ಅವಧಿಗೆ ಎಲ್ಲ ಬಿಸಿಸಿಐ ಪಂದ್ಯಾವಳಿಗಳಲ್ಲಿ ಭಾಗವಹಿಸುವುದನ್ನು ನಿಷೇಧಿಸಲಾಗಿದೆ ಎಂದು ಜಮ್ಮು ಮತ್ತು ಕಾಶ್ಮೀರ ಕ್ರಿಕೆಟ್ ಸಂಸ್ಥೆ ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಿದೆ. ನಿಷೇಧ ಮುಗಿಯುವ ತನಕ ಅವರು ಬಿಸಿಸಿಐ ಬ್ಯಾನರ್ ಅಡಿಯಲ್ಲಿ ನಡೆಯುವ ಎಲ್ಲ ಪಂದ್ಯಾವಳಿಗಲಿಂದ ಹೊರಗುಳಿಯಲಿದ್ದಾರೆ ಎಂದು ಜೆಕೆಸಿಎಯ ನಿರ್ವಾಹಕ ಅನಿಲ್ ಗುಪ್ತಾ ತಿಳಿಸಿದ್ದಾರೆ.
ಇದನ್ನೂ IND vs ENG: 20 ವರ್ಷಗಳ ಬಳಿಕ ಗೆಲುವು ಕಂಡೀತೇ ಭಾರತ; ಗೆದ್ದರೆ ಅಧಿಕೃತ ಸೆಮಿ ಪ್ರವೇಶ
“ವಂಶಜ್ ಅವರು ತಾವು ಸಲ್ಲಿದ ಪ್ರಮಾಣ ಪತ್ರದಲ್ಲಿ ಲೋಪ ಕಂಡು ಬಂದ ತಕ್ಷಣ ಬೇರೆ ರಾಜ್ಯಕ್ಕೆ ವಲಸೆ ಹೋಗಿ ಬಿಹಾರದ U-23 ಪುರುಷರ ತಂಡದ ಸದಸ್ಯರಾಗಿ ಅಲ್ಲಿಂದ ಅರ್ಜಿ ಸಲ್ಲಿಸಿದ್ದಾರೆ” ಎಂದು ಜೆಕೆಸಿಎಯ ಅಧಿಕಾರಿ ತಿಳಿಸಿದ್ದಾರೆ.
2021-22ರಲ್ಲಿ ವಂಶಜ್ ಜಮ್ಮು ಮತ್ತು ಕಾಶ್ಮೀರ ಕ್ರಿಕೆಟ್ ಸಂಸ್ಥೆಯಿಂದ ಮೊದಲು ನೋಂದಾಣಿ ಮಾಡಿದ್ದರು ಎಂದು ಬ್ರಿಗ್ ಗುಪ್ತಾ ಹೇಳಿದ್ದಾರೆ. ಅವರ ಡೇಟಾ ಈಗಾಗಲೇ ಬಿಸಿಸಿಐಯಲ್ಲಿ ಲಭ್ಯವಿತ್ತು ಮತ್ತು ಅಸೋಸಿಯೇಷನ್ ಇದನ್ನು ಚಾರ್ಜ್ ಮಾಡುವಾಗ ಅವರು ಬಹು ಜನನ ಪ್ರಮಾಣಪತ್ರಗಳನ್ನು ಹೊಂದಿರುವುದು ಬೆಳಕಿಗೆ ಬಂದಿದೆ. ಇದರ ಪರಿಣಾಮವಾಗಿ ಅವರು ಎರಡು ವರ್ಷಗಳ ಕಾಲ ಯಾವುದೇ ಪಂದ್ಯಾವಳಿಯಲ್ಲಿ ಭಾಗವಹಿಸದಂತೆ ಅವರಿಗೆ ನಿಷೇಧ ಶಿಕ್ಷೆ ವಿಧಿಸಲಾಗಿದೆ.
ಇದನ್ನೂ ಓದಿ Rohit Sharma: ವಿಶೇಷ ದಾಖಲೆ ಬರೆಯಲು ಸಿದ್ಧರಾದ ರೋಹಿತ್ ಶರ್ಮ
ಬಿಸಿಸಿಐ ಪ್ರೋಟೋಕಾಲ್‌ಗಳ ಪ್ರಕಾರ, ಮಂಡಳಿಯು ಈಗಾಗಲೇ ಅವರೊಂದಿಗೆ ನೋಂದಾಯಿಸಲ್ಪಟ್ಟಿರುವ ಮತ್ತು ಜನ್ಮ ದಿನಾಂಕವನ್ನು ಸರಿಯಾಗಿ ನೀಡಿದಲ್ಲಿ ಅವರು ಯಾವುದೇ ನಿಷೇಧವನ್ನು ಎದುರಿಸುವುದಿಲ್ಲ ಮತ್ತು ವಯೋಮಾನದ ಕ್ರಿಕೆಟ್ ಆಡಲು ಅವಕಾಶ ನೀಡಲಾಗುತ್ತದೆ. ಇದನ್ನು ವಾಲಂಟರಿ ಡಿಸ್ಕ್ಲೋಸರ್ ಸ್ಕೀಮ್ ಎಂದು ಕರೆಯಲಾಗುತ್ತದೆ. ಆದಾಗ್ಯೂ, ಕ್ರಿಕೆಟಿಗನು ವಂಚನೆಯನ್ನು ಮಾಡಿದ್ದರೆ ಮತ್ತು ಮರೆಮಾಚುವುದನ್ನು ಮುಂದುವರಿಸಿ ಸಿಕ್ಕಿಬಿದ್ದಾಗ ಅವರನ್ನು ನಿಷೇಧಿಸಲಾಗುವುದು.
24×7 ಸಹಾಯವಾಣಿ
ಬಿಸಿಸಿಐನ ಕಾರ್ಯದರ್ಶಿ ಜಯ್ ಶಾ ಅವರು ಮಾತನಾಡಿ “ಕ್ರಿಕೆಟ್‌ನಲ್ಲಿ ವಯಸ್ಸಿನ ವಂಚನೆಯ ಬಗ್ಗೆ ಬಿಸಿಸಿಐ ಶೂನ್ಯ-ಸಹಿಷ್ಣು ವಿಧಾನವನ್ನು ಹೊಂದಿದೆ. ಈ ಬೆದರಿಕೆಯನ್ನು ಎದುರಿಸಲು ನಾವು 24×7 ಸಹಾಯವಾಣಿಯನ್ನು ಮೀಸಲಿಟ್ಟಿದ್ದೇವೆ, ಆದರೆ ಮಂಡಳಿಯು ಒಂದು ವ್ಯವಸ್ಥೆಯನ್ನು ಸಹ ಹೊಂದಿದೆ. ಅದರ ನೋಂದಾಯಿತ ಆಟಗಾರರು ಸಲ್ಲಿಸಿದ ದಾಖಲೆಗಳನ್ನು ಸಂಪೂರ್ಣವಾಗಿ ಪರಿಶೀಲಿಸುತ್ತದೆ. ಸ್ವಯಂಪ್ರೇರಿತ ಬಹಿರಂಗಪಡಿಸುವಿಕೆಯ ಯೋಜನೆಯು ವಂಚನೆ ಮಾಡಿದವರಿಗೆ ಮುಂದೆ ಬಂದು ತಮ್ಮ ಅಪರಾಧವನ್ನು ಒಪ್ಪಿಕೊಳ್ಳಲು ಅವಕಾಶವನ್ನು ಒದಗಿಸುತ್ತದೆ” ಎಂದು ಹೇಳಿದ್ದಾರೆ.