ಕೋಲ್ಕೊತಾ : ಪ್ರವಾಸಿ ಶ್ರೀಲಂಕಾ ತಂಡದ ವಿರುದ್ಧ ನಡೆದ ಏಕ ದಿನ ಸರಣಿಯ (INDvsSL ODI) ಎರಡನೇ ಪಂದ್ಯದಲ್ಲಿ ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡ 4 ವಿಕೆಟ್ಗಳ ವಿಜಯ ಸಾಧಿಸಿತು. ಈ ಗೆಲುವಿನ ಮೂಲಕ ಭಾರತ ಬಳಗ ಮೂರು ಪಂದ್ಯಗಳ ಸರಣಿಯನ್ನು ಇನ್ನೂ ಒಂದು ಹಣಾಹಣಿ ಬಾಕಿ ಇರುವಂತೆಯೇ ವಶಪಡಿಸಿಕೊಂಡಿತು. ಈ ಗೆಲುವಿನ ಜತೆಗೆ ಭಾರತ ತಂಡ ಅಂತಾರಾಷ್ಟ್ರೀಯು ಏಕ ದಿನ ಮಾದರಿಯಲ್ಲಿ ಆಸ್ಟ್ರೇಲಿಯಾ ತಂಡದ ದಾಖಲೆಯೊಂದನ್ನು ಸರಿಗಟ್ಟಿತು.
ಜನವರಿ 12ರ ವಿಜಯ ಭಾರತ ತಂಡಕ್ಕೆ ಒಡಿಐ ಮಾದರಿಯಲ್ಲಿ ಲಂಕಾ ವಿರುದ್ಧ ಲಭಿಸಿದ 95ನೇ ಜಯವಾಗಿದೆ. ಇದು ತಂಡವೊಂದರ ವಿರುದ್ಧ ದೊರೆತ ಗರಿಷ್ಠ ವಿಜಯದ ದಾಖಲೆಯಾಗಿದೆ. ಆದರೆ, ಸದ್ಯಕ್ಕೆ ಭಾರತ ತಂಡ ಈ ಸಾಧನೆಯನ್ನು ಆಸ್ಟ್ರೇಲಿಯಾ ತಂಡದ ಜತೆಗೆ ಹಂಚಿಕೊಂಡಿದೆ. ಕಾಂಗಾರೂ ಬಳಗ ನ್ಯೂಜಿಲೆಂಡ್ ವಿರುದ್ಧ 95 ವಿಜಯ ದಾಖಲಿಸುವ ಮೂಲಕ ಈ ಹಿಂದೆ ದಾಖಲೆ ಮಾಡಿತ್ತು.
ಲಂಕಾ ವಿರುದ್ಧದ ಎರಡನೇ ಪಂದ್ಯದಲ್ಲಿ ಭಾರತ ತಂಡದ ಗೆಲುವಿಗೆ 216 ರನ್ಗಳು ಬೇಕಾಗಿದ್ದವು. ಆದರೆ, ಅಗ್ರ ಕ್ರಮಾಂಕದ ಬ್ಯಾಟರ್ಗಳು ವೈಫಲ್ಯ ಎದುರಿಸಿದ ಕಾರಣ ಟೀಮ್ ಇಂಡಿಯಾ ಪಾಳಯದಲ್ಲಿ ಆತಂಕ ಮನೆ ಮಾಡಿತು. ಬಳಿಕ ಕೆ .ಎಲ್ ರಾಹುಲ್ ಅಜೇಯ 64 ರನ್ ಬಾರಿಸುವ ಮೂಲಕ ಗೆಲುವು ತಂದುಕೊಟ್ಟರು.
ಇದನ್ನೂ ಓದಿ | IND VS SL | ಲಂಕಾ ವಿರುದ್ಧ ಮೂರು ವಿಕೆಟ್ ಕಿತ್ತು ವಿಶೇಷ ಸಾಧನೆ ಮಾಡಿದ ಕುಲ್ದೀಪ್ ಯಾದವ್!