ಮಿರ್ಪುರ್: ಸಂಘಟಿತ ಬ್ಯಾಟಿಂಗ್ ಮತ್ತು ಬೌಲಿಂಗ್ ಪ್ರದರ್ಶನ ತೋರಿದ ಬಾಂಗ್ಲಾದೇಶ ಮಹಿಳಾ ತಂಡ ಪ್ರವಾಸಿ ಭಾರತ ವಿರುದ್ಧದ ಅಂತಿಮ ಟಿ20(INDW vs BANW 3rd T20) ಪಂದ್ಯದಲ್ಲಿ ನಾಲ್ಕು ವಿಕೆಟ್ಗಳ ಗೆಲುವು ಸಾಧಿಸಿದೆ. ಈ ಗೆಲುವಿನೊಂದಿಗೆ ಬಾಂಗ್ಲಾ ತವರಿನಲ್ಲಿ ಕ್ಲೀನ್‌ಸ್ವೀಪ್ ಅವಮಾನದಿಂದ ಪಾರಾಗಿದೆ. ಸರಣಿ 2-1 ಅಂತರದಿಂದ ಕೊನೆಗೊಂಡಿದೆ. ಜುಲೈ 16ರಿಂದ ಏಕದಿನ ಸರಣಿ ಆರಂಭಗೊಳ್ಳಲಿದೆ.
ಮಿರ್ಪುರದ ಶೇರ್‌ ‘ಎ’ ಬಾಂಗ್ಲಾ ನ್ಯಾಶನಲ್‌ ಸ್ಟೇಡಿಯಂನಲ್ಲಿ ಗುರುವಾರ ನಡೆದ ಈ ಅಂತಿಮ ಟಿ20 ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತ ಬ್ಯಾಟಿಂಗ್ ಮರೆತವರಂತೆ ಆಡಿ ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ನಷ್ಟಕ್ಕೆ 102 ರನ್ ಗಳಿಸಿತು. ಗುರಿ ಬೆನ್ನಟ್ಟಿದ ಬಾಂಗ್ಲಾ 18.2 ಓವರ್ಗಳಲ್ಲಿ ಕೇವಲ 6 ವಿಕೆಟ್ಗೆ 103 ರನ್ ಬಾರಿಸಿ ಗೆಲುವಿನ ನಗೆ ಬೀರಿತು. ದ್ವಿತೀಯ ಪಂದ್ಯದಲ್ಲಿ 95ರಷ್ಟು ಕಡಿಮೆ ಸ್ಕೋರ್‌ ದಾಖಲಿಸಿಯೂ ಈ ಪಂದ್ಯವನ್ನು ಉಳಿಸಿಕೊಂಡ ಭಾರತದ ಅದೃಷ್ಟ ಇಲ್ಲಿ ಕೈ ಹಿಡಿಯಲಿಲ್ಲ. ಬಾಂಗ್ಲಾ ಆಟಗಾರ್ತಿಯರು ಭಾರತೀಯ ಬೌಲರ್ಗಳ ದಾಳಿಯನ್ನು ಸಮರ್ಥವಾಗಿ ಎದುರಿಸಿ ಮೇಲುಗೈ ಸಾಧಿಸಿದರು.
ಈ ಪಂದ್ಯದಲ್ಲಿಯೂ ಭಾರತದ ಬ್ಯಾಟಿಂಗ್ ತೀರಾ ಕಳಪೆ ಮಟ್ಟದದಿಂದ ಕೂಡಿತ್ತು. ಆರಂಭಿಕ ಆಟಗಾರ್ತಿ ಸ್ಮೃತಿ ಮಂಧಾನ(Smriti Mandhana)(1), ಶಫಾಲಿ ವರ್ಮ(11) ಅಗ್ಗಕ್ಕೆ ಔಟಾಗಿ ಆರಂಭಿಕ ಆಘಾತ ನೀಡಿದರು. ನಾಯಕಿ ಹರ್ಮನ್ ಪ್ರೀತ್ ಕೌರ್(Harmanpreet Kaur)(40) ಮತ್ತು ಜೆಮಿಮಾ ರೋಡ್ರಿಗಸ್(28) ಅವರು ನಡೆಸಿದ ಜವಾಬ್ದಾರಿಯುವ ಬ್ಯಾಟಿಂಗ್ ನರೆವಿನಿಂದ ತಂಡ ನೂರರ ಗಡಿ ದಾಟಿತು. ಉಳಿದಂತೆ ಯಾವ ಆಟಗಾರ್ತಿಯರು ನಿರೀಕ್ಷಿತ ಮಟ್ಟದ ಬ್ಯಾಟಿಂಗ್ ತೋರ್ಪಡಿಸುವಲ್ಲಿ ಯಶಸ್ಸು ಕಾಣಲಿಲ್ಲ. ಬೌಲಿಂಗ್ನಲ್ಲಿ ದೇವಿಕಾ ವೈದ್ಯ ಅವರು 4 ಓವರ್ಗೆ 16 ರನ್ ಬಿಟ್ಟು ಕೊಟ್ಟು 2 ವಿಕೆಟ್ ಪಡೆದರು.
ಇದನ್ನೂ ಓದಿ ಸೂರ್ಯಕುಮಾರ್, ಹರ್ಮನ್ಪ್ರೀತ್ ಕೌರ್ಗೆ ವಿಸ್ಡನ್ ಗೌರವ
Bangladesh win the 3rd T20I by 4 wickets.
— BCCI Women (@BCCIWomen) July 13, 2023
Congratulations to #TeamIndia on winning the T20I series 2️⃣-1️⃣ 👏👏
Details – https://t.co/oQCRpGtQu9 pic.twitter.com/o6h4TtqYJD
ಸಣ್ಣ ಮೊತ್ತವನ್ನು ಬೆನ್ನಟ್ಟಿದ ಬಾಂಗ್ಲಾ ಕೂಡ 12 ರನ್ಗೆ ಮೊದಲ ವಿಕೆಟ್ ಕಳೆದುಕೊಂಡು ಸಂಕಷ್ಟ ಎದುರಿಸಿತು. ಆದರೆ ಶಮೀಮಾ ಸುಲ್ತಾನಾ(Shamima Sultana) ಅವರು ನಿಂತು ಆಡುವ ಮೂಲಕ ತಂಡಕ್ಕೆ ಆಸರೆಯಾದರು. 46 ಎಸೆತಗಳಿಂದ 42 ರನ್ ಬಾರಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಬೌಲಿಂಗ್ನಲ್ಲಿ ರಬೇಯಾ ಖಾನ್ ಕೇವಲ 16 ರನ್ ನೀಡಿ 3 ವಿಕೆಟ್ ಕಿತ್ತು ಭಾರತಕ್ಕೆ ಆಘಾತವಿಕ್ಕಿದರು.