ಮುಂಬಯಿ: ವಡಾ ಪಾವ್ ಎಂದರೆ, ಅದರಲ್ಲೂ ಮುಂಬೈ ವಡಾ ಪಾವ್ ಎಂದರೆ ಬಾಯಲ್ಲಿ ನೀರೂರುತ್ತದೆ. ಮುಂಬೈನ ಸಾಮಾನ್ಯ ಜನರಿಂದ ಹಿಡಿದು ಕ್ರಿಕೆಟ್‌ ದಂತಕತೆ ಸಚಿನ್‌ ತೆಂಡೂಲ್ಕರ್, ಬಾಲಿವುಡ್‌ ನಟ ಅಮಿತಾಭ್‌ ಬಚ್ಚನ್‌ವರೆಗೆ ಬಹುತೇಕ ಜನರಿಗೆ ವಡಾ ಪಾವ್ ಎಂದರೆ ಪಂಚ ಪ್ರಾಣ. ಇದೀಗ ದಕ್ಷಿಣ ಆಫ್ರಿಕಾದ, ಪಂಜಾಬ್ ಕಿಂಗ್ಸ್ ತಂಡದ ವೇಗಿ ಕಗಿಸೊ ರಬಾಡ ಕೂಡ ಚಹಾ ಮತ್ತು ವಡಾ ಪಾವ್ ಸವಿದಿದ್ದಾರೆ. ಈ ಫೋಟೊವನ್ನು ಪಂಜಾಬ್ ಕಿಂಗ್ಸ್ ತನ್ನ ಟ್ವಿಟರ್ನಲ್ಲಿ ಹಂಚಿಕೊಂಡಿದೆ.
ಶನಿವಾರದ ಡಬಲ್ ಹೆಡರ್ನ ಎರಡನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಮತ್ತು ಪಂಜಾಬ್ ಕಿಂಗ್ಸ್ ತಂಡಗಳು ಮುಖಾಮುಖಿಯಾಗಲಿವೆ. ಈ ಪಂದ್ಯ ಮುಂಬಯಿಯ ವಾಂಖೇಡೆ ಸ್ಟೇಡಿಯಂನಲ್ಲಿ ನಡೆಯಲಿದೆ. ಸದ್ಯ ಮುಂಬಯಿಯಲ್ಲಿ ಬೀಡುಬಿಟ್ಟಿರುವ ಪಂಜಾಬ್ ತಂಡ ಬಿಡುವಿನ ವೇಳೆ ಮುಂಬಯಿಯ ಪ್ರಸಿದ್ಧ ವಡಾ ಪಾವ್ ಸವಿದಿದ್ದಾರೆ. ರಬಾಡ ಅವರಿಗೆ ಚಹಾ ಮತ್ತು ವಡಾ ಪಾವ್ ಎಂದರೆ ಅಚ್ಚುಮೆಚ್ಚು ಎಂದು ಟ್ವಿಟರ್ನಲ್ಲಿ ಬರೆದುಕೊಂಡಿದೆ.
ಆದರೆ ಈ ಫೋಟೊ ಕಂಡ ಕೆಲ ನೆಟ್ಟಿಗರು ಇದು ರೋಹಿತ್ ಶರ್ಮ ಅವರನ್ನು ಅವಮಾನ ಮಾಡುವ ಸಲುವಾಗಿ ಪಂಜಾಬ್ ಈ ರೀತಿ ಮಾಡಿದೆ ಎಂದು ಹೇಳಿದ್ದಾರೆ. ಆರ್ಸಿಬಿ ಮತ್ತು ಮುಂಬೈ ವಿರುದ್ಧದ ಪಂದ್ಯದ ವೇಳೆ ಕೆಲ ಆರ್ಸಿಬಿ ಅಭಿಮಾನಿಗಳು ರೋಹಿತ್ಗೆ ವಡಾ ಪಾವ್ ಎಂದು ತಮಾಷೆ ಮಾಡಿದ್ದರು. ಇದೇ ಕಾರಣಕ್ಕೆ ಇದೀಗ ಪಂಜಾಬ್ ಕೂಡ ರಬಾಡ ಅವರ ಫೋಟೊವನ್ನು ಬಳಸಿ ರೋಹಿತ್ಗೆ ಟಾಂಟ್ ನೀಡಿದೆ ಎಂದು ನೆಟ್ಟಿಗರು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ IPL 2023: ಟಿ.ನಟರಾಜನ್ ಮಗಳೊಂದಿಗೆ ಕುಶಲೋಪರಿ ನಡೆಸಿದ ಧೋನಿ; ವಿಡಿಯೊ ವೈರಲ್
ಸಂಭಾವ್ಯ ತಂಡಗಳು ಇಂತಿವೆ
ಪಂಜಾಬ್ ಕಿಂಗ್ಸ್ : ಶಿಖರ್ ಧವನ್ (ನಾಯಕ), ಪ್ರಭಸಿಮ್ರಾನ್ ಸಿಂಗ್, ಮ್ಯಾಥ್ಯೂ ಶಾರ್ಟ್, ಲಿಯಾಮ್ ಲಿವಿಂಗ್‌ಸ್ಟನ್, ಸ್ಯಾಮ್ ಕರ್ರನ್, ಜಿತೇಶ್ ಶರ್ಮಾ, ಶಾರುಖ್ ಖಾನ್, ಹರಪ್ರೀತ್ ಬ್ರಾರ್, ನೇಥನ್ ಎಲೀಸ್/ ಕಗಿಸೊ ರಬಾಡ, ರಾಹುಲ್ ಚಹರ್, ಅರ್ಷದೀಪ್ ಸಿಂಗ್.
ಮುಂಬೈ ಇಂಡಿಯನ್ಸ್:ರೋಹಿತ್ ಶರ್ಮಾ (ನಾಯಕ), ಇಶಾನ್ ಕಿಶನ್, ತಿಲಕ್ ವರ್ಮಾ, ಸೂರ್ಯಕುಮಾರ್ ಯಾದವ್, ಟಿಮ್ ಡೇವಿಡ್, ಕ್ಯಾಮೆರಾನ್ ಗ್ರೀನ್, ನೆಹಾಲ್ ವಧೇರಾ, ಅರ್ಜುನ್ ತೆಂಡೂಲ್ಕರ್, ಪಿಯೂಷ್ ಚಾವ್ಲಾ, ಜೇಸನ್ ಬೆಹ್ರೆನ್‌ಡಾರ್ಫ್, ರೈಲೀ ಮೆರೆಡಿತ್.