ಬೆಂಗಳೂರು: ಇಂದು(ಭಾನುವಾರ) ಐಪಿಎಲ್(IPL 2024) ಅಭಿಮಾನಿಗಳಿಗೆ ದಿನವಿಡೀ ಕ್ರಿಕೆಟ್ ಮನರಂಜನೆ ಸಿಗಲಿದೆ. ಇಂದು ಡಬಲ್ ಹೆಡರ್ ಪಂದ್ಯಗಳು ನಡೆಯಲಿವೆ. ಅದು ಕೂಡ ಬಲಿಷ್ಠ ತಂಡಗಳ ನಡುವೆ. ಹಗಲು ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್(Kolkata Knight Riders) ಮತ್ತು ಕನ್ನಡಿಗ ಕೆ.ಎಲ್ ರಾಹುಲ್ ಸಾರಥ್ಯದ ಲಕ್ನೋ ಸೂಪರ್ ಜೈಂಟ್ಸ್(Lucknow Super Giants) ಮುಖಾಮುಖಿಯಾದರೆ, ರಾತ್ರಿಯ ಪಂದ್ಯದಲ್ಲಿ 5 ಬಾರಿ ಚಾಂಪಿಯನ್ ಪಟ್ಟ ಅಲಂಕರಿಸಿರುವ ಚೆನ್ನೈ ಸೂಪರ್ ಕಿಂಗ್ಸ್(Chennai Super Kings) ಮತ್ತು ಮುಂಬೈ ಇಂಡಿಯನ್ಸ್(Mumbai Indians) ಕಾದಾಟ ನಡೆಸಲಿದೆ.
ಬದ್ಧ ವೈರಿಗಳ ನಡುವಿನ ಕಾದಾಟ
ಐಪಿಎಲ್‌ನ(IPL 2024) ಅತ್ಯಂತ ಯಶಸ್ವಿ ಮತ್ತು ಬದ್ಧ ಎದುರಾಳಿ ತಂಡಗಳೆಂದೇ ಗುರುತಿಸಿಕೊಂಡಿರುವ ಮುಂಬೈ ಇಂಡಿಯನ್ಸ್(CSK vs MI) ಮತ್ತು ಚೆನ್ನೈ ಸೂಪರ್ ಕಿಂಗ್ಸ್(Chennai Super Kings) ತಂಡಗಳ ಸೆಣಾಟಕ್ಕೆ ವೇದಿಕೆಯೊಂದು ಸಿದ್ಧವಾಗಿದೆ. ಇತ್ತಂಡಗಳ ಈ ಕಾದಾಟಕ್ಕೆ ವಾಂಖೆಡೆ ಕ್ರಿಕೆಟ್ ಸ್ಟೇಡಿಯಂ ಅಣಿಯಾಗಿದೆ. ಪಂದ್ಯ ರಾತ್ರಿ 7.30ಕ್ಕೆ ಆರಂಭಗೊಳ್ಳಲಿದೆ.
💙 🤝 💛#MumbaiMeriJaan #MumbaiIndians pic.twitter.com/GELJLrI6BC
— Mumbai Indians (@mipaltan) April 13, 2024
ಧೋನಿ-ರೋಹಿತ್ ಪಂದ್ಯದ ಪ್ರಮುಖ ಆಕರ್ಷಣೆ
ಪಂದ್ಯ ಆರಂಭಕ್ಕೂ ಮುನ್ನವೇ ಉಭಯ ತಂಡಗಳ ಮಧ್ಯೆ ಕಾತರ, ರೋಷ ಎಲ್ಲವು ಹೆಚ್ಚಾಗಿದೆ. ಸಾಮಾಜಿಕ ಜಾಲತಾಣದಲ್ಲಿ ನಾವೇ ಬಲಿಷ್ಠ ಎಂದು ಕಿತ್ತಾಟ ಕೂಟ ಆರಂಭವಾಗಿದೆ. ಮಾಜಿ ನಾಯಕರಾದ ಧೋನಿ ಮತ್ತು ರೋಹಿತ್ ಶರ್ಮ ನಡುವಿನ ಫೈಟ್ ಎಂದೇ ಅಭಿಮಾನಿಗಳು ಈ ಪಂದ್ಯವನ್ನು ಬಿಂಬಿಸಿಕೊಂಡಿದ್ದಾರೆ. ಇದಕ್ಕೆ ಕಾರಣ ಧೋನಿ ಮತ್ತು ರೋಹಿತ್ ನಾಯಕತ್ವದಲ್ಲಿ ಉಭಯ ತಂಡಗಳು ಒಟ್ಟು 4 ಬಾರಿ ಫೈನಲ್ ಪಂದ್ಯದಲ್ಲಿ ಮುಖಾಮುಖಿಯಾದದ್ದು. 4 ಬಾರಿಯ ಪ್ರಶಸ್ತಿ ಕಾಳಗದಲ್ಲಿ ಮುಂಬೈ ತಂಡ ಚೈನ್ನೈ ವಿರುದ್ಧ ಮೂರು ಪಂದ್ಯಗಳನ್ನು ಗೆದ್ದಿದೆ. ಚೆನ್ನೈ ಒಂದು ಬಾರಿ ಮಾತ್ರ ಗದ್ದಿದೆ.
It's not going to be the same but its still MIvsCSK pic.twitter.com/fZDYzXQy9j
— shreyaaji🏵️ (@meinhekyu) April 13, 2024
ಲಕ್ನೋ ವಿರುದ್ಧ ಮೊದಲ ಗೆಲುವಿನ ನಿರೀಕ್ಷೆಯಲ್ಲಿ ಕೆಕೆಆರ್
ದಿನದ ಮೊದಲ ಪಂದ್ಯದಲ್ಲಿ 2ನೇ ಸ್ಥಾನಿ ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ತಂಡಗಳು ಅದೃಷ್ಟ ಪರೀಕ್ಷೆಗೆ ಇಳಿಯಲಿದೆ. ಉಭಯ ತಂಡಗಳು ಇದುವರೆಗೆ ಮೂರು ಪಂದ್ಯಗಳಲ್ಲಿ ಮುಖಾಮುಖಿಯಾಗಿದ್ದು ಈ ಮೂರೂ ಪಂದ್ಯಗಳನ್ನು ಕೂಡ ಲಕ್ನೋ ತಂಡ ಗೆದ್ದು ಬೀಗಿದೆ. ಹೀಗಾಗಿ ಕೆಕೆಆರ್ ತಂಡ ಲಕ್ನೋ ವಿರುದ್ಧ ಮೊದಲ ಗೆಲುವಿನ ನಿರೀಕ್ಷೆಯಲ್ಲಿದೆ. ಈ ಪಂದ್ಯದಲ್ಲಿ ಲಕ್ನೋ ತಂಡ ವಿಶೇಷ ಜೆರ್ಸಿಯಲ್ಲಿ ಕಣಕ್ಕಿಳಿಯಲಿದೆ.
ಇದನ್ನೂ ಓದಿ IPL 2024 Points Table: ಪಂಜಾಬ್ ವಿರುದ್ಧ ಗೆದ್ದು ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಉಳಿಸಿಕೊಂಡ ರಾಜಸ್ಥಾನ್
ಭಾರತದ ಅತ್ಯಂತ ಪ್ರಸಿದ್ಧ ಫುಟ್ಬಾಲ್ ತಂಡವಾದ ATK ಮೋಹನ್ ಬಗಾನ್(Mohun Bagan) ತಂಡದ ಜೆರ್ಸಿಯಲ್ಲಿ ಲಕ್ನೋ ತಂಡ ಕಣಕ್ಕಿಳಿಯಲಿದೆ. ಐತಿಹಾಸಿಕ ಫುಟ್ಬಾಲ್ ಕ್ಲಬ್‌ಗೆ ಗೌರವ ಸೂಚಿಸುವ ಉದ್ದೇಶದಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ತಂಡದ ಮಾಲಿಕ ಸಂಜೀವ್ ಗೋಯೆಂಕಾ ತಿಳಿಸಿದ್ದಾರೆ. ಸಂಜೀವ್ ಗೋಯೆಂಕಾ ಅವರು ಮೋಹನ್ ಬಗಾನ್ ತಂಡದ ಮಾಲಿಕರೂ ಆಗಿದ್ದಾರೆ. ಟ್ರೇಡಿಂಗ್ ಮೂಲಕ ರಾಜಸ್ಥಾನ್ ತಂಡದಿಂದ ಲಕ್ನೋ ಸೇರಿದ ದೇವದತ್ತ ಪಡಿಕ್ಕಲ್ ಅವರು ಆಡಿದ 5 ಪಂದ್ಯಗಳಲ್ಲಿಯೂ ಒಂದಂಕಕ್ಕೆ ಸೀಮಿತರಾಗಿದ್ದರು. ಹೀಗಾಗಿ ಈ ಪಂದ್ಯದಲ್ಲಿ ಇವರಿಗೆ ಸ್ಥಾನ ಸಿಗುವುದು ಅನುಮಾನ ಎನ್ನಲಾಗಿದೆ.