ಚೆನ್ನೈ: ಕೆಕೆಆರ್(Kolkata Knight Riders) ವಿರುದ್ಧದ ಪಂದ್ಯದಲ್ಲಿ ಚೆನ್ನೈ(Chennai Super Kings) ತಂಡದ ಸ್ಟಾರ್ ಆಲ್ರೌಂಡರ್ ರವೀಂದ್ರ ಜಡೇಜಾ(Ravindra Jadeja) ಅವರು ಮೂರು ಕ್ಯಾಚ್ ಹಿಡಿಯುವ ಮೂಲಕ ಐಪಿಎಲ್ನಲ್ಲಿ(IPL 2024) ಅತ್ಯಧಿಕ ಕ್ಯಾಚ್ ಪಡೆದ ಆಟಗಾರರ ಪಟ್ಟಿಯಲ್ಲಿ 4ನೇ ಸ್ಥಾನಕ್ಕೇರಿದ್ದಾರೆ. ಈ ಮೂಲಕ 4ನೇ ಸ್ಥಾನಿಯಾಗಿದ್ದ ರೋಹಿತ್ ಶರ್ಮ ಅವರನ್ನು ಹಿಂದಿಕ್ಕಿದ್ದಾರೆ.
ಈ ಪಂದ್ಯಕ್ಕೂ ಮುನ್ನ ಜಡೇಜಾ 98 ಕ್ಯಾಚ್ಗಳನ್ನು ಪಡೆದಿದ್ದರು. ಶತಕದ ಕ್ಯಾಚ್ ಪೂರ್ತಿಗೊಳಿಸಲು ಅವರಿಗೆ 2 ಕ್ಯಾಚ್ಗಳ ಅವಶ್ಯಕತೆ ಇತ್ತು. ಕೆಕೆಆರ್ ವಿರುದ್ಧ ಒಟ್ಟು ಮೂರು ಕ್ಯಾಚ್ ಪಡೆದು 101 ಕ್ಯಾಚ್ ಹಿಡಿದ ಸಾಧನೆ ಮಾಡಿದರು. ಸದ್ಯ 4ನೇ ಸ್ಥಾನಿಯಾಗಿರುವ ಅವರು ಮುಂದಿನ ಪಂದ್ಯಗಳಲ್ಲಿ ಮೂರು ಕ್ಯಾಚ್ ಪಡೆದರೆ ಕೈರಾನ್ ಪೊಲಾರ್ಡ್(103 ಕ್ಯಾಚ್) ದಾಖಲೆಯನ್ನು ಮುರಿಯಲಿದ್ದಾರೆ.
The first player with 100 catches, 1000+ runs and 100+ wickets in the IPL 🏆
— ESPNcricinfo (@ESPNcricinfo) April 9, 2024
Take a bow, Ravindra Jadeja 👏 #IPL2024 #CSKvKKR pic.twitter.com/VdBlf6gRMI
ಐಪಿಎಲ್ನಲ್ಲಿ ಅತ್ಯಧಿಕ ಕ್ಯಾಚ್ ಹಿಡಿದ ದಾಖಲೆ ಆರ್ಸಿಬಿ ತಂಡದ ವಿರಾಟ್ ಕೊಹ್ಲಿ ಹೆಸರಿನಲ್ಲಿದೆ. ವಿರಾಟ್ ಅವರು ಒಟ್ಟು 110* ಕ್ಯಾಚ್ ಪಡೆದಿದ್ದಾರೆ. ಮಾಜಿ ಆಟಗಾರ ಸುರೇಶ್ ರೈನಾ 109 ಕ್ಯಾಚ್ಗಳೊಂದಿಗೆ ದ್ವಿತೀಯ ಸ್ಥಾನ ಪಡೆದಿದ್ದಾರೆ. ರೋಹಿತ್ ಶರ್ಮ ಭರ್ತಿ 100 ಕ್ಯಾಚ್ ಹಿಡಿದು 5ನೇ ಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ IPL 2024 Points Table: ಅಂಕಪಟ್ಟಿಯಲ್ಲಿ 4ನೇ ಸ್ಥಾನಕ್ಕೇರಿದ ಚೆನ್ನೈ; ಉಳಿದ ತಂಡದ ಸ್ಥಿತಿ ಹೇಗಿದೆ?
ಐಪಿಎಲ್ನಲ್ಲಿ ಅತಿ ಹೆಚ್ಚು ಕ್ಯಾಚ್ ಪಡೆದ ಆಟಗಾರರು
ವಿರಾಟ್ ಕೊಹ್ಲಿ-110 ಕ್ಯಾಚ್
ಸುರೇಶ್ ರೈನಾ- 109 ಕ್ಯಾಚ್
ಕೈರಾನ್ ಪೊಲಾರ್ಡ್-103 ಕ್ಯಾಚ್
ರವೀಂದ್ರ ಜಡೇಜಾ-101* ಕ್ಯಾಚ್
ರೋಹಿತ್ ಶರ್ಮ- 100* ಕ್ಯಾಚ್
ಶಿಖರ್ ಧವನ್-98 ಕ್ಯಾಚ್
ಚೆನ್ನೈಗೆ 7 ವಿಕೆಟ್ ಜಯ
ಸೋಮವಾರ ನಡೆದ ಐಪಿಎಲ್ ಪಂದ್ಯದಲ್ಲಿ ಚೆನ್ನೈ ತಂಡ ಕೆಕೆಆರ್ ವಿರುದ್ಧ 7 ವಿಕೆಟ್ ಅಂತರದ ಗೆಲುವು ಸಾಧಿಸಿ ಮತ್ತೆ ಗೆಲುವಿನ ಹಳಿಗೆ ಮರಳಿದೆ. ಚಿದಂಬರಂ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಕೆಕೆಆರ್ ತಂಡ ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ಗೆ 137 ರನ್ ಬಾರಿಸಿತು. ಜವಾಬಿತ್ತ ಚೆನ್ನೈ 14 ಎಸೆತಗಳು ಬಾಕಿ ಇರುವಂತೆಯೇ 3 ವಿಕೆಟ್ ನಷ್ಟಕ್ಕೆ 141 ರನ್ ಬಾರಿಸಿ ಗೆಲುವು ಸಾಧಿಸಿತು. ಋತುರಾಜ್ ಗಾಯಕ್ವಾಡ್ (67 ರನ್) ಸಮಯೋಚಿತ ಅರ್ಧ ಶತಕ ಹಾಗೂ ಬೌಲರ್ಗಳ ಸಂಘಟಿತ ದಾಳಿ ಚೆನ್ನೈ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿತು.
.@imjadeja set the ball rolling for @ChennaiIPL & bagged the Player of the Match award as #CSK beat #KKR at Chepauk 👏 👏
— IndianPremierLeague (@IPL) April 8, 2024
Scorecard ▶ https://t.co/5lVdJVscV0#TATAIPL | #CSKvKKR pic.twitter.com/cjMwEo83hB
ಸಾಧಾರಣ ಮೊತ್ತವನ್ನು ಬೆನ್ನಟ್ಟಲು ಹೊರಟ ಚೆನ್ನೈ ತಂಡದ ಪರ ರಚಿನ್ ರವೀಂದ್ರ ಮತ್ತೊಂದು ಬಾರಿ ವೈಫಲ್ಯ ಎದುರಿಸಿದರು. ಅವರು 15 ರನ್ ಬಾರಿಸಿ ಔಟಾದರು. ಈ ವೇಳೆ ತಂಡದ ಮೊತ್ತ 27 ಆಗಿತ್ತು. ಬಳಿಕ ಜತೆಯಾದ ಡ್ಯಾರಿಲ್ ಮಿಚೆಲ್ (25) ಋತುರಾಜ್ಗೆ ಉತ್ತಮ ಸಾಥ್ ಕೊಟ್ಟರು. ಈ ಜೋಡಿ ತಂಡದ ಮೊತ್ತವನ್ನು 97ರ ತನಕ ಕೊಂಡೊಯ್ದರು. ಹೀಗಾಗಿ ಚೆನ್ನೈಗೆ ಗೆಲುವಿನ ವಿಶ್ವಾಸ ಮೂಡಿತು. ಆದರೆ, ನರೈನ್ ಎಸೆತಕ್ಕೆ ಬೌಲ್ಡ್ ಅದ ಮಿಚೆಲ್ ನಿರಾಸೆಯಿಂದ ಹೊರನಡೆದರು. ಆ ಬಳಿಕ ಕ್ರೀಸ್ಗೆ ಬಂದ ಚೆನ್ನೈ ತಂಡದ ಆಪದ್ಭಾಂದವ ಶಿವಂ ದುಬೆ ಮುನ್ನಡೆ ಕಲ್ಪಿಸಿ ಕೊಟ್ಟರು. ಋತುರಾಜ್ ಕೊನೇ ತನಕ ಉಳಿದು ತಂಡಕ್ಕೆ ಗೆಲುವು ತಂದುಕೊಟ್ಟರು.