ನವದೆಹಲಿ: ಚೈನಾಮನ್ ಖ್ಯಾತಿಯ ಎಡಗೈ ಸ್ಪಿನ್ನರ್ ಕುಲ್ದೀಪ್ ಯಾದವ್(Kuldeep Yadav) ಅವರು ಸಣ್ಣ ಪ್ರಮಾಣದ ಗಾಯಕ್ಕೆ ತುತ್ತಾಗಿದ್ದಾರೆ. ಹೀಗಾಗಿ ಮುನ್ನಚ್ಚರಿಕೆಯ ಕ್ರಮವಾಗಿ ಡೆಲ್ಲಿ ಕ್ಯಾಪಿಟಲ್ಸ್(delhi capitals) ಕುಲದೀಪ್ಗೆ ವಿಶ್ರಾಂತಿ ನೀಡಲು ಶಿಫಾರಸು ಮಾಡಿದೆ. ರಾಜಸ್ಥಾನ ರಾಯಲ್ಸ್ ವಿರುದ್ಧದ ಪಂದ್ಯದ ವೇಳೆ ಕುಲ್ದೀಪ್ಗೆ ಗಾಯವಾಗಿತ್ತು.
ಗಾಯದ ಸಮಸ್ಯೆಯಿಂದಾಗಿ ಕುಲ್ದೀಪ್ ಮುಂದಿನ ಕೆಲವು ಪಂದ್ಯಗಳಿಗೆ ಅಲಭ್ಯರಾಗಲಿದ್ದಾರೆ ಎಂದು ಫ್ರಾಂಚೈಸಿ ಮೂಲಗಳು ಮಾಹಿತಿ ನೀಡಿದೆ. ಕಳೆದ ಕೆಕೆಆರ್ ವಿರುದ್ಧದ ಪಂದ್ಯದಲ್ಲಿಯೂ ಕುಲ್ದೀಪ್ ಆಡಿರಲಿಲ್ಲ. ಡೆಲ್ಲಿ ತನ್ನ ಮುಂದಿನ ಪಂದ್ಯದಲ್ಲಿ ಗೆಲುವೇ ಕಾಣದ ಮುಂಬೈ ಇಂಡಿಯನ್ಸ್ ಜತೆ ಆಡಲಿದೆ. ಈ ಪಂದ್ಯ ನಾಳೆ(ಭಾನುವಾರ) ವಾಂಖೆಡೆ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯಲಿದೆ.
Kuldeep Yadav has been advised rest considering his ongoing groin niggle. (ESPN) pic.twitter.com/8priBnEElu
— Cric Point (@RealCricPoint) April 5, 2024
ಕುಲದೀಪ್ ಈ ಬಾರಿಯ ಐಪಿಎಲ್ನಲ್ಲಿ ಕೇವಲ 2 ಪಂದ್ಯಗಳನ್ನು ಮಾತ್ರ ಆಡಿ ಮೂರು ವಿಕೆಟ್ಗಳನ್ನು ಉರುಳಿಸಿದ್ದಾರೆ. ಇತ್ತೀಚೆಗೆ ಇಂಗ್ಲೆಂಡ್ ವಿರುದ್ಧ ಕೊನೆಗೊಂಡಿದ್ದ ತವರಿನ ಐದು ಟೆಸ್ಟ್ ಪಂದ್ಯಗಳ ಸರಣಿಯಲ್ಲಿ ಒಟ್ಟು 19 ವಿಕೆಟ್ಗಳನ್ನು ಪಡೆದಿದ್ದರು. ಕಳೆದ ವರ್ಷ ಭಾರತದ ಆತಿಥ್ಯದಲ್ಲಿ ನಡೆದಿದ್ದ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿಯೂ ಕುಲ್ದೀಪ್ ಉತ್ತಮ ಪ್ರದರ್ಶನ ತೋರಿದ್ದರು.
ಇದನ್ನೂ ಓದಿ IPL 2024 Points Table: ಹಾಲಿ ಚಾಂಪಿಯನ್ ಚೆನ್ನೈಗೆ ಸೋಲುಣಿಸಿ ಅಂಕಪಟ್ಟಿಯಲ್ಲಿ ಮೇಲೇರಿದ ಹೈದರಾಬಾದ್
ಇದೇ ಜೂನ್ 1ರಿಂದ ಪ್ರತಿಷ್ಠಿತ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿ ಕೂಡ ಆರಂಭಗೊಳ್ಳಲಿದೆ. ಪ್ರಧಾನ ಸ್ಪಿನ್ನರ್ ಆಗಿರುವ ಕಾರಣ ಕುಲ್ದೀಪ್ ಆರೋಗ್ಯದ ಮೇಲೆ ಬಿಸಿಸಿಐ ಕೂಡ ನಿಗಾವಹಿಸಿದೆ. ಐಪಿಎಲ್ ಆಡುತ್ತಿರುವ ಕೇಂದ್ರ ಗುತ್ತಿಗೆಗೆ ಒಳಪಟ್ಟ ಯಾವುದೇ ಭಾರತೀಯ ಆಟಗಾರ ಗಾಯಗೊಂಡೆ ತಕ್ಷಣ ಫ್ರಾಂಚೈಸಿಗಳು ಎನ್ಸಿಎಗೆ ವರದಿ ಮಾಡುವುದು ಕಡ್ಡಾಯವಾಗಿದೆ. ಡೆಲ್ಲಿ ಆಡಿದ 4 ಪಂದ್ಯಗಳಲ್ಲಿ ಕೇವಲ ಒಂದು ಪಂದ್ಯ ಮಾತ್ರ ಗೆದ್ದಿದೆ.
Kuldeep Yadav with Mumbai Indians' Players.pic.twitter.com/Q5rF75Hzfb
— CricketGully (@thecricketgully) April 5, 2024
ಅಂಕಪಟ್ಟಿ
ಶುಕ್ರವಾರ ನಡೆದ ಐಪಿಎಲ್(IPL 2024) ಪಂದ್ಯದಲ್ಲಿ ಬಲಿಷ್ಠ ಹಾಗೂ ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್(Chennai Super Kings) ತಂಡವನ್ನು ಮಗುಚಿ ಹಾಕುವ ಮೂಲಕ ಸನ್ರೈಸರ್ಸ್ ಹೈದರಾಬಾದ್(Sunrisers Hyderabad) ತಂಡ 2 ಸ್ಥಾನಗಳ ಏರಿಕೆ ಕಂಡು 5ನೇ ಸ್ಥಾನಕ್ಕೇರಿದೆ. ಚೆನ್ನೈ ಸೋಲು ಕಂಡರೂ ಕೂಡ 3ನೇ ಸ್ಥಾನದಲ್ಲೇ ಮುಂದುವರಿದಿದೆ.
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ಕೋಲ್ಕೊತಾ ನೈಟ್‌ ರೈಡರ್ಸ್ | 3 | 3 | 0 | 6 (+2.518) |
| ರಾಜಸ್ಥಾನ್ ರಾಯಲ್ಸ್ | 3 | 3 | 0 | 6 (+1.249) |
| ಚೆನ್ನೈ ಸೂಪರ್ ಕಿಂಗ್ಸ್ | 3 | 2 | 1 | 4 (+0.976) |
| ಲಕ್ನೋ ಸೂಪರ್ ಜೈಂಟ್ಸ್ | 3 | 2 | 1 | 4(+0.483) |
| ಹೈದರಾಬಾದ್ | 4 | 2 | 2 | 4 (+0.409) |
| ಪಂಜಾಬ್ | 4 | 2 | 2 | 4 (-0.220) |
| ಗುಜರಾತ್ | 4 | 2 | 2 | 4 (-0.580) |
| ಆರ್ಸಿಬಿ | 4 | 1 | 3 | 2 (-0.876) |
| ಡೆಲ್ಲಿ ಕ್ಯಾಪಿಟಲ್ಸ್ | 4 | 1 | 3 | 2 (-1.347) |
| ಮುಂಬೈ ಇಂಡಿಯನ್ಸ್ | 3 | 0 | 3 | 0 (-1.423) |