ಚೆನ್ನೈ: ಸತತ ಹ್ಯಾಟ್ರಿಕ್ ಗೆಲುವಿನೊಂದಿಗೆ ಮುನ್ನುಗುತ್ತಿದ್ದ ಕೋಲ್ಕತ್ತಾ ನೈಟ್ ರೈಡರ್ಸ್(Kolkata Knight Riders) ತಂಡದ ಈ ಅಜೇಯ ಓಟಕ್ಕೆ ಚೆನ್ನೈ ಸೂಪರ್ ಕಿಂಗ್ಸ್(Chennai Super Kings) ಬ್ರೇಕ್ ಹಾಕಿದೆ. ಚೆನ್ನೈ ಈ ಗೆಲುವಿನ ಮೂಲಕ 6 ಅಂಕ ಗಳಿಸಿ ಅಂಕಪಟ್ಟಿಯಲ್ಲಿ(IPL 2024 Points Table) 4ನೇ ಸ್ಥಾನಕ್ಕೇರಿದೆ. ಕೆಕೆಆರ್ ಹಿಂದಿನಂತೆ 2ನೇ ಸ್ಥಾನದಲ್ಲಿಯೇ ಮುಂದುವರಿದಿದೆ. ಕೆಕೆಆರ್ ಗೆಲುವು ಸಾಧಿಸುತ್ತಿದ್ದರೆ ಅಗ್ರಸ್ಥಾನಕ್ಕೇರಬಹುದಿತ್ತು. ಆದರೆ ಸೋಲಿನಿಂದ ಇದು ಸಾಧ್ಯವಾಗಲಿಲ್ಲ. ಲಕ್ನೋ ಸೂಪರ್ ಜೈಂಟ್ಸ್ ತಂಡ ಮೂರನೇ ಸ್ಥಾನದಲ್ಲೇ ಉಳಿದಿದೆ.
ಇಂದಿನ ಪಂದ್ಯ
ಇಂದು ನಡೆಯುವ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ಮತ್ತು ಬಲಿಷ್ಠ ಸನ್ರೈಸರ್ಸ್ ಹೈದರಾಬಾದ್ ತಂಡಗಳು ಸೆಣಸಾಟ ನಡೆಸಲಿದೆ. ಹೈದರಾಬಾದ್ ಗೆದ್ದರೆ ಅಂಕಪಟ್ಟಿಯಲ್ಲಿ ಚೆನ್ನೈ ತಂಡವನ್ನು ಹಿಂದಿಕ್ಕಿ 4ನೇ ಸ್ಥಾನ ಪಡೆಯಬಹುದು. ಏಕೆಂದರೆ ಹೈದರಾಬಾದ್ ತಂಡದ ರನ್ರೇಟ್ ಉತ್ತಮವಾಗಿದೆ. ಪಂಜಾಬ್ ಗೆದ್ದರೆ ಹೈದರಾಬಾದ್ ಒಂದು ಸ್ಥಾನ ಕುಸಿತ ಕಾಣಲಿದೆ.
ನೂತನ ಅಂಕಪಪಟ್ಟಿ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ರಾಜಸ್ಥಾನ್ ರಾಯಲ್ಸ್ | 4 | 4 | 0 | 8 (+1.120) |
| ಕೆಕೆಆರ್ | 4 | 3 | 1 | 6 (+1.528) |
| ಲಕ್ನೋ ಸೂಪರ್ ಜೈಂಟ್ಸ್ | 4 | 3 | 1 | 6 (+0.775) |
| ಚೆನ್ನೈ ಸೂಪರ್ ಕಿಂಗ್ಸ್ | 5 | 3 | 2 | 4(+0.666) |
| ಹೈದರಾಬಾದ್ | 4 | 2 | 2 | 4 (+0.409) |
| ಪಂಜಾಬ್ | 4 | 2 | 2 | 4 (-0.220) |
| ಗುಜರಾತ್ | 5 | 2 | 3 | 4 (-0.797) |
| ಮುಂಬೈ | 4 | 1 | 3 | 2 (-0.704) |
| ಆರ್ಸಿಬಿ | 5 | 1 | 4 | 2 (-0.843) |
| ಡೆಲ್ಲಿ ಕ್ಯಾಪಿಟಲ್ಸ್ | 5 | 1 | 4 | 2 (-1.370) |
ಪಂದ್ಯ ಗೆದ್ದ ಚೆನ್ನೈ
ಚಿದಂಬರಂ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಚೆನ್ನೈ ತಂಡ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಕೆಕೆಆರ್ ತಂಡ ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ಗೆ 137 ರನ್ ಬಾರಿಸಿತು. ಪ್ರತಿಯಾಗಿ ಆಡಿದ ಚೆನ್ನೈ ಬಳಗ ಇನ್ನೂ 14 ಎಸೆತಗಳು ಬಾಕಿ ಇರುವಂತೆಯೇ 3 ವಿಕೆಟ್ ನಷ್ಟಕ್ಕೆ 141 ರನ್ ಬಾರಿಸಿ ಗೆಲುವು ಸಾಧಿಸಿತು. ಋತುರಾಜ್ ಗಾಯಕ್ವಾಡ್ (67 ರನ್) ಸಮಯೋಚಿತ ಅರ್ಧ ಶತಕ ಹಾಗೂ ಬೌಲರ್ಗಳ ಸಂಘಟಿತ ದಾಳಿ ಚೆನ್ನೈ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿತು.
ಇದನ್ನೂ ಓದಿ IPL 2024 : ಗೆಲುವಿನ ಹಳಿಗೆ ಮರಳಿದ ಚೆನ್ನೈ, ಕೆಕೆಆರ್ಗೆ ಮೊದಲ ಸೋಲು
They are 🔙 to winning ways 👍
— IndianPremierLeague (@IPL) April 8, 2024
Chennai Super Kings 💛 remain unbeaten at home with a complete performance 👏👏
Scorecard ▶ https://t.co/5lVdJVscV0 #TATAIPL | #CSKvKKR | @ChennaiIPL pic.twitter.com/16nzv4vt8b
ಸಾಧಾರಣ ಮೊತ್ತವನ್ನು ಬೆನ್ನಟ್ಟಲು ಹೊರಟ ಚೆನ್ನೈ ತಂಡದ ಪರ ರಚಿನ್ ರವೀಂದ್ರ ಮತ್ತೊಂದು ಬಾರಿ ವೈಫಲ್ಯ ಎದುರಿಸಿದರು. ಅವರು 15 ರನ್ ಬಾರಿಸಿ ಔಟಾದರು. ಈ ವೇಳೆ ತಂಡದ ಮೊತ್ತ 27 ಆಗಿತ್ತು. ಬಳಿಕ ಜತೆಯಾದ ಡ್ಯಾರಿಲ್ ಮಿಚೆಲ್ (25) ಋತುರಾಜ್ಗೆ ಉತ್ತಮ ಸಾಥ್ ಕೊಟ್ಟರು. ಈ ಜೋಡಿ ತಂಡದ ಮೊತ್ತವನ್ನು 97ರ ತನಕ ಕೊಂಡೊಯ್ದರು. ಹೀಗಾಗಿ ಚೆನ್ನೈಗೆ ಗೆಲುವಿನ ವಿಶ್ವಾಸ ಮೂಡಿತು. ಆದರೆ, ನರೈನ್ ಎಸೆತಕ್ಕೆ ಬೌಲ್ಡ್ ಅದ ಮಿಚೆಲ್ ನಿರಾಸೆಯಿಂದ ಹೊರನಡೆದರು. ಆ ಬಳಿಕ ಕ್ರೀಸ್ಗೆ ಬಂದ ಚೆನ್ನೈ ತಂಡದ ಆಪದ್ಭಾಂದವ ಶಿವಂ ದುಬೆ ಮುನ್ನಡೆ ಕಲ್ಪಿಸಿ ಕೊಟ್ಟರು. ಋತುರಾಜ್ ಕೊನೇ ತನಕ ಉಳಿದು ತಂಡಕ್ಕೆ ಗೆಲುವು ತಂದುಕೊಟ್ಟರು.