ಜೈಪುರ: ಸತತ ನಾಲ್ಕು ಗೆಲುವಿನೊಂದಿಗೆ ಅಜೇಯ ಓಟ ಮುಂದುವರಿಸಿದ್ದ ರಾಜಸ್ಥಾನ್ ರಾಯಲ್ಸ್ನ(Rajasthan Royals) ಈ ಓಟಕ್ಕೆ ಗುಜರಾತ್ ಟೈಟಾನ್ಸ್ ತಂಡ ಬ್ರೇಕ್ ಹಾಕುವಲ್ಲಿ ಯಶಸ್ಸು ಸಾಧಿಸಿದೆ. ಗುಜರಾತ್(Gujarat Titans) ಈ ಗೆಲುವಿನ ಮೂಲಕ ಅಂಕಪಟ್ಟಿಯಲ್ಲಿ(IPL 2024 Points Table) ಒಂದು ಸ್ಥಾನಗಳ ಪ್ರಗತಿ ಸಾಧಿಸಿದೆ. ಪಂಬಾಬ್ ಕಿಂಗ್ಸ್ ಒಂದು ಸ್ಥಾನ ಕುಸಿತ ಕಂಡಿದೆ.
ನೂತನ ಅಂಕಪಟ್ಟಿ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ರಾಜಸ್ಥಾನ್ ರಾಯಲ್ಸ್ | 5 | 4 | 1 | 8 (+0.871) |
| ಕೆಕೆಆರ್ | 4 | 3 | 1 | 6 (+1.528) |
| ಲಕ್ನೋ ಸೂಪರ್ ಜೈಂಟ್ಸ್ | 4 | 3 | 1 | 6 (+0.775) |
| ಚೆನ್ನೈ ಸೂಪರ್ ಕಿಂಗ್ಸ್ | 5 | 3 | 2 | 4(+0.666) |
| ಹೈದರಾಬಾದ್ | 5 | 3 | 2 | 6 (+0.344) |
| ಗುಜರಾತ್ | 6 | 3 | 3 | 6 (-0.637) |
| ಪಂಜಾಬ್ | 5 | 2 | 3 | 4 (-0.196) |
| ಮುಂಬೈ | 4 | 1 | 3 | 2 (-0.704) |
| ಆರ್ಸಿಬಿ | 5 | 1 | 4 | 2 (-0.843) |
| ಡೆಲ್ಲಿ ಕ್ಯಾಪಿಟಲ್ಸ್ | 5 | 1 | 4 | 2 (-1.370) |
ರೋಚಕ ಗೆಲುವು
ಜೈಪುರದ ಮಾನ್ಸಿಂಗ್ ಸ್ಟೇಡಿಯಂನಲ್ಲಿ ಬುಧವಾರ ನಡೆದ ರೋಚಕ ಐಪಿಎಲ್(IPL 2024) ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ರಾಜಸ್ಥಾನ್ ರಾಯಲ್ಸ್, ನಾಯಕ ಸಂಜು ಸ್ಯಾಮ್ಸನ್(68) ಮತ್ತು ರಿಯಾನ್ ಪರಾಗ್(74) ಅವರ ವಿಸ್ಫೋಟಕ ಬ್ಯಾಟಿಂಗ್ ಹಾಗೂ ಅರ್ಧಶತಕದ ನೆರವಿನಿಂದ ನಿಗದಿತ 20 ಓವರ್ಗಳಲ್ಲಿ 3 ವಿಕೆಟ್ಗೆ 196 ರನ್ ಬಾರಿಸಿತು. ಜವಾಬಿತ್ತ ಗುಜರಾತ್ ತಂಡ ದಿಟ್ಟ ಬ್ಯಾಟಿಂಗ್ ಹೋರಾಟ ನಡೆಸಿ ಭರ್ತಿ 20 ಓವರ್ ಆಡಿ 7 ವಿಕೆಟ್ ನಷ್ಟಕ್ಕೆ 199 ರನ್ ಬಾರಿಸಿ ಗೆಲುವಿನ ನಗೆ ಬೀರಿತು.
ಇದನ್ನೂ ಓದಿ IPL 2024 : ಶೇನ್ ವಾರ್ನ್ ದಾಖಲೆ ಮುರಿದ ಯಜ್ವೇಂದ್ರ ಚಹಲ್
WHAT. A. WIN 🔥🔥
— IndianPremierLeague (@IPL) April 10, 2024
The pair of R & R has done it against #RR 👏👏
Rahul Tewatia & Rashid Khan pull off a famous win in Jaipur 👏👏
Scorecard ▶️ https://t.co/1HcL9A97Ch#TATAIPL | #RRvGT pic.twitter.com/eImggsoNKB
ಬೃಹತ್ ಮೊತ್ತವನ್ನು ಬೆನ್ನಟ್ಟಿದ ಗುಜರಾತ್ ತಂಡಕ್ಕೆ ಆರಂಭಿಕ ಆಟಗಾರ ಸಾಯಿ ಸುದರ್ಶನ್ ಮತ್ತು ನಾಯಕ ಶುಭಮನ್ ಗಿಲ್ ಬಿರುಸಿನ ಬ್ಯಾಟಿಂಗ್ ಮೂಲಕ ಉತ್ತಮ ಆರಂಭ ಒದಗಿಸಿದರು. ಗಿಲ್ ಮತ್ತು ಸಾಯಿ ಮೊದಲ ವಿಕೆಟ್ಗೆ 64 ರನ್ ಒಟ್ಟುಗೂಡಿಸಿದರು. ಆರಂಭಿಕನಾಗಿ ಕಣಕ್ಕಿಳಿದ ಗಿಲ್ 2 ಸಿಕ್ಸರ್ ಮತ್ತು 6 ಬೌಂಡರಿ ನೆರವಿನಿಂದ 72 ರನ್ ಬಾರಿಸಿದರು. ಇವರ ಜತೆಗಾರ ಸಾಯಿ ಸುರ್ದಶನ್ 35 ರನ್ ಗಳಿಸಿದರು. ಇನ್ನೇನು ಗುಜರಾತ್ ಸೋಲುತ್ತದೆ ಎನ್ನುವಷ್ಟರಲ್ಲಿ ಅಂತಿಮ ಹಂತದಲ್ಲಿ ರಾಹುಲ್ ತೆವಾಟಿಯ ಮತ್ತು ರಶೀದ್ ಖಾನ್ ಶಕ್ತಿ ಮೀರಿ ಬ್ಯಾಟಿಂಗ್ ನಡೆಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು. 12 ಎಸೆತಗಳಲ್ಲಿ ಗೆಲುವಿಗೆ 35 ರನ್ ಗಳಿಸುವ ಸವಾಲನ್ನು ಮೆಟ್ಟಿ ನಿಂತರು. ತೆವಾಟಿಯ 11 ಎಸೆತಗಳಿಂದ 22 ರನ್ ಬಾರಿಸಿದರೆ, ರಶೀದ್ ಖಾನ್ 11 ಎಸೆತಗಳಲ್ಲಿ ಅಜೇಯ 24 ರನ್ ಚಚ್ಚಿದರು.