IPL 2024 Points Table: ಕನ್ನಡಿಗ ರಾಹುಲ್ ಸಾರಥ್ಯದ ಲಕ್ನೋಗೆ ಗೆಲುವು; ಅಂಕಪಟ್ಟಿಯಲ್ಲಿ ಭಾರೀ ಕುಸಿತ ಕಂಡ ಆರ್ಸಿಬಿ

Abhilash B C

8 ತಿಂಗಳುಗಳು ago

ಲಕ್ನೋ: ಕನ್ನಡಿಗ ಕೆ.ಎಲ್ ರಾಹುಲ್ ಸಾರಥ್ಯದ ಲಕ್ನೋ ಸೂಪರ್ ಜೈಂಟ್ಸ್(Lucknow Super Giants) ತಂಡ ನಿನ್ನೆ(ಶನಿವಾರ) ನಡೆದ ಐಪಿಎಲ್ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್(Punjab Kings) ವಿರುದ್ಧ ಗೆಲುವು ಸಾಧಿಸಿ ಅಂಕಪಟ್ಟಿಯಲ್ಲಿ(IPL 2024 Points Table) ಬರೋಬ್ಬರಿ 5 ಸ್ಥಾನಗಳ ಪ್ರಗತಿ ಸಾಧಿಸಿದೆ. ಆರ್ಸಿಬಿ 2 ಸ್ಥಾನಗಳ ಕುಸಿತ ಕಂಡು 7ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದೆ. ಈ ಗೆಲುವಿಗೂ ಮುನ್ನ ಲಕ್ನೋ ಕೊನೆಯ ಸ್ಥಾನಿಯಾಗಿತ್ತು. ಆದರೆ, ಒಂದೇ ಒಂದು ಗೆಲುವಿನಿಂದ ಈಗ 5ನೇ ಸ್ಥಾನ ಪಡೆದಿದೆ. ಜತೆಗೆ ರನ್ ರೇಟ್ ಕೂಡ ಉತ್ತಮವಾಗಿಸಿಕೊಂಡಿದೆ. ಸೋಲು ಕಂಡ ಪಂಜಾಬ್ ಕೂಡ ಒಂದು ಸ್ಥಾನ ಕುಸಿತ ಕಂಡಿದೆ.

ಅಂಕಪಟ್ಟಿ

ತಂಡ	ಪಂದ್ಯ	ಗೆಲುವು	ಸೋಲು	ಅಂಕ
ಚೆನ್ನೈ ಸೂಪರ್ ಕಿಂಗ್ಸ್	2	2	0	4 (+1.979)
ಕೋಲ್ಕೊತಾ ನೈಟ್‌ ರೈಡರ್ಸ್	2	2	0	4 (+1.047)
ರಾಜಸ್ಥಾನ್ ರಾಯಲ್ಸ್	2	2	0	4 (+0.800)
ಸನ್ರೈಸರ್ಸ್ ಹೈದರಾಬಾದ್	2	1	0	2(+0.675)
ಲಕ್ನೋ ಸೂಪರ್ ಜೈಂಟ್ಸ್	2	1	1	2‌ (+0.025)
ಪಂಜಾಬ್	3	1	2	2 (-0.337)
ಆರ್ಸಿಬಿ	3	1	2	2 (-0.711)
ಗುಜರಾತ್‌ ಟೈಟಾನ್ಸ್	2	0	2	2 (-1.425)
ಡೆಲ್ಲಿ ಕ್ಯಾಪಿಟಲ್ಸ್	2	0	2	0 (0.528)
ಮುಂಬೈ ಇಂಡಿಯನ್ಸ್	2	0	2	0 (-0.925)

ಬ್ಯಾಟಿಂಗ್ ಹಾಗೂ ಬೌಲಿಂಗ್ನಲ್ಲಿ ಸಂಘಟಿತ ಪ್ರದರ್ಶನ ನೀಡಿದ ಲಕ್ನೊ ಸೂಪರ್ ಜೈಂಟ್ಸ್ (Lacknow Supre Gainst) ತಂಡ ಐಪಿಎಲ್ 17ನೇ ಆವೃತ್ತಿಯ (IPL 2024) 11ನೇ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ (Punjab Kinsg) ವಿರುದ್ಧ ಅಮೋಘ 21 ರನ್ಗಳ ಗೆಲುವು ದಾಖಲಿಸಿದೆ. ತನ್ನ ಮೊದಲ ಪಂದ್ಯದಲ್ಲಿ ರಾಜಸ್ಥಾನ್ ವಿರುದ್ಧ ಸೋತಿದ್ದ ಲಕ್ನೊ ತಂಡ ಈ ಮೂಲಕ ಗೆಲುವಿನ ಹಳಿಗೆ ಮರಳಿದೆ. ಅತ್ತ ಪಂಜಾಬ್ ತಂಡ ಸತತ ಎರಡು ಸೋಲಿನ ಸುಳಿಗೆ ಸಿಲುಕಿತು.

ಇದನ್ನೂ ಓದಿ IPL 2024 : ಪಂಜಾಬ್ ವಿರುದ್ಧ 21 ರನ್ಗಳ ಭರ್ಜರಿ ಜಯ ದಾಖಲಿಸಿದ ಲಕ್ನೊ

ಇಲ್ಲಿನ ಭಾರತ ರತ್ನ ಅಟಲ್ ಬಿಹಾರಿ ವಾಜಪೇಯಿ ಏಕನಾ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಲಕ್ನೊ ತಂಡ ಮೊದಲು ಬ್ಯಾಟ್ ಮಾಡಿ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ಗೆ 199 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಪಂಜಾಬ್ ತಂಡ ತನ್ನ ಪಾಲಿನ ಓವರ್ಗಳು ಮುಕ್ತಾಯಗೊಂಡಾಗ 5 ವಿಕೆಟ್ಗೆ 178 ರನ್ ಬಾರಿಸಿ ಸೋಲೊಪ್ಪಿಕೊಂಡಿತು.

𝙀𝙛𝙛𝙤𝙧𝙩𝙡𝙚𝙨𝙨 𝘽𝙖𝙩𝙩𝙞𝙣𝙜

Krunal Pandya with the finishing touches 👌👌

His cameo is helping #LSG reach a good total 💪

Watch the match LIVE on @JioCinema and @StarSportsIndia 💻📱#TATAIPL | #LSGvPBKS | @LucknowIPL pic.twitter.com/UkIo5FOIDd
— IndianPremierLeague (@IPL) March 30, 2024

ಬೃಹತ್ ಮೊತ್ತದ ಗುರಿಯನ್ನು ಪಡೆದ ಪಂಜಾಬ್ ತಂಡ ಉತ್ತಮ ಪ್ರದರ್ಶನ ನೀಡಿತು. ನಾಯಕ ಶಿಖರ್ ಧವನ್ (70) ಹಾಗೂ ಜಾನಿ ಬೈರ್ಸ್ಟೋವ್ (42) ಮೊದಲ ವಿಕೆಟ್ಗೆ 102 ನ್ ಬಾರಿಸಿದರು. ಅವರಿಬ್ಬರು ಕ್ರೀಸ್ನಲ್ಲಿ ಇರುವ ತನಕ ಗೆಲುವು ಪಂಜಾಬ್ಗೆ ಎಂದು ನಿರೀಕ್ಷಿಸಲಾಗಿತ್ತು. ಆದರೆ, ಆ ಬಳಿಕ ಸತತವಾಗಿ ವಿಕೆಟ್ ಕಳೆದುಕೊಂಡ ಪಂಜಾಬ್ ಸೋಲಿನ ಸುಳಿಗೆ ಸಿಲುಕಿತು. ಆ ಬಳಿಕ ಪ್ರಭ್ಸಿಮ್ರಾನ್ ಸಿಂಗ್ (19) ಹಾಗೂ ಕೊನೆಯಲ್ಲಿ ಲಿವಿಂಗ್ ಸ್ಟನ್ (ಅಜೇಯ 28 ರನ್) ಬಾರಿಸಿದರು.