ಬ್ಯಾಂಕಾಕ್: ಭಾರತದ ಸ್ಟಾರ್ ಟೆಬಲ್ ಟೆನಿಸ್ ಆಟಗಾರ್ತಿ ಮಣಿಕಾ ಬಾತ್ರಾ ಏಷ್ಯಾಕಪ್ ಟೇಬಲ್‌ ಟೆನಿಸ್ ಟೂರ್ನಿಯಲ್ಲಿ(ITTF-ATTU Asian Cup) ಸೆಮಿಫೈನಲ್ ತಲುಪಿದ್ದು, ಈ ಐತಿಹಾಸಿಕ ಸಾಧನೆ ಮಾಡಿದ ಭಾರತದ ಮೊದಲ ಆಟಗಾರ್ತಿ ಎನಿಸಿಕೊಂಡಿದ್ದಾರೆ.
ಶುಕ್ರವಾರ ಇಲ್ಲಿ ನಡೆದ ಟೂರ್ನಿಯ ಎಂಟರಘಟ್ಟದ ಪಂದ್ಯದಲ್ಲಿ ಮಣಿಕಾ ಬಾತ್ರಾ 6-11, 11-6, 11-5, 11-7, 8-11, 9-11, 11-9ರಿಂದ (4-3) ತನಗಿಂತ ಅಗ್ರ ಶ್ರೇಯಾಂಕದ ಚೈನಿಸ್ ತೈಪೆಯ ಆಟಗಾರ್ತಿ ಚೆನ್‌ ಜು ಯು ಅವರನ್ನು ಹಿಮೆಟ್ಟಿಸುವಲ್ಲಿ ಯಶಸ್ವಿಯಾದರು. ವಿಶ್ವ ಶ್ರೇಯಾಂಕದಲ್ಲಿ ಮಣಿಕಾ 44ನೇ ಸ್ಥಾನದಲ್ಲಿದ್ದರೆ, ಚೆನ್‌ 23ನೇ ಕ್ರಮಾಂಕದಲ್ಲಿದ್ದಾರೆ.
ಇದಕ್ಕೂ ಮೊದಲು ನಡೆದ ಪ್ರೀಕ್ವಾರ್ಟರ್‌ಫೈನಲ್‌ನಲ್ಲಿ ಮಣಿಕಾ ಅವರು ವಿಶ್ವ ಕ್ರಮಾಂಕದಲ್ಲಿ ಏಳನೇ ಸ್ಥಾನದ ಚೀನಾದ ಚೆನ್‌ ಷಿಂಗ್‌ಟಾಂಗ್ ಅವರನ್ನು ಸೋಲಿಸಿದ್ದರು. ಸೆಮಿಫೈನಲ್‌ನಲ್ಲಿ ಮಣಿಕಾ ಅವರು ಕೊರಿಯಾದ ಜಿಯೊನ್‌ ಜಿಹೀ ಮತ್ತು ಜಪಾನ್‌ನ ಮಿಮೊ ಇಟೊ ನಡುವಣ ಪಂದ್ಯದ ವಿಜೇತರನ್ನು ಎದುರಿಸಲಿದ್ದಾರೆ.
ಇದನ್ನೂ ಓದಿ | Wimbledon | ವಿಂಬಲ್ಡನ್ ಡ್ರೆಸ್ ಕೋಡ್ ನಿಯಮ ಬದಲಾವಣೆ; ಬಣ್ಣದ ‘ಅಂಡರ್ ಶಾರ್ಟ್ಸ್’ ಧರಿಸಲು ಅವಕಾಶ