ವಿಶಾಖಪಟ್ಟಣಂ: ಭಾರತ ವಿರುದ್ಧದ ದ್ವಿತೀಯ ಟೆಸ್ಟ್ನಲ್ಲಿ(India vs England 2nd Test) ಇಂಗ್ಲೆಂಡ್ ತಂಡದ ಹಿರಿಯ ವೇಗಿ ಜೇಮ್ಸ್ ಆ್ಯಂಡರ್ಸನ್(James Anderson) ನೂತನ ದಾಖಲೆ ಬರೆದಿದ್ದಾರೆ. 41 ವರ್ಷದ ಆ್ಯಂಡರ್ಸನ್ ಪದಾರ್ಪಣೆ ಪಂದ್ಯದಿಂದ ಹಿಡಿದು ಇದುವರೆಗೆ ಆಡಿದ ಎಲ್ಲ ಟೆಸ್ಟ್ ಪಂದ್ಯಗಳಲ್ಲಿ ವಿಕೆಟ್ ಕಿತ್ತ ಆಟಗಾರ ಎನ್ನುವ ಹಿರಿಮೆಗೆ ಪಾತ್ರರಾಗಿದ್ದಾರೆ.
How time flies… 🥹🐐
— Lancashire Cricket (@lancscricket) February 2, 2024
𝟮𝟬𝟬𝟮 ➡ 𝟮𝟬𝟮𝟰
🌹 #RedRoseTogether | @jimmy9 https://t.co/BFd6z1Jisf pic.twitter.com/4H4f0sR5y3
ವಿಶಾಖಪಟ್ಟಣದ ವೈ.ಎಸ್.ರಾಜಶೇಖರ ರೆಡ್ಡಿ ಸ್ಟೇಡಿಯಂನಲ್ಲಿ(Dr. Y.S. Rajasekhara Reddy ACA-VDCA Cricket Stadium) ನಡೆಯುತ್ತಿರುವ ದ್ವಿತೀಯ ಟೆಸ್ಟ್ನ ದ್ವಿತೀಯ ದಿನದಾಟದಲ್ಲಿ ಆ್ಯಂಡರ್ಸನ್ 47 ರನ್ಗೆ 3 ವಿಕೆಟ್ ಕಿತ್ತು ಮಿಂಚಿದರು. ಇದೇ ವೇಳೆ ಅವರು ಪ್ರತಿ ವರ್ಷ ಆಡಿದ ಟೆಸ್ಟ್ನಲ್ಲಿ ವಿಕೆಟ್ ಕಬಳಿಸಿದ ವಿಶೇಷ ದಾಖಲೆಯೊಂದನ್ನು ತಮ್ಮದಾಗಿಸಿಕೊಂಡರು. 2003ರಲ್ಲಿ ಟೆಸ್ಟ್ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದ್ದ ಆ್ಯಂಡರ್ಸನ್ ಇದೀಗ 2024 ರಲ್ಲೂ ವಿಕೆಟ್ ಪಡೆಯುತ್ತಿದ್ದಾರೆ.
ಸದ್ಯ 184 ಟೆಸ್ಟ್ ಪಂದ್ಯ ಆಡಿರುವ 41 ವರ್ಷದ ಜೇಮ್ಸ್ ಅ್ಯಂಡರ್ಸನ್ 693* ವಿಕೆಟ್ ಕಬಳಿಸಿದ್ದಾರೆ. ಇನ್ನು ಕೇವಲ 7 ವಿಕೆಟ್ ಪಡೆದರೆ 700 ವಿಕೆಟ್ ಕಿತ್ತ ಸಾಧನೆ ಮಾಡಲಿದ್ದಾರೆ. ಟೆಸ್ಟ್ನಲ್ಲಿ 700 ವಿಕೆಟ್ ಕಿತ್ತ ವಿಶ್ವದ ಮೊದಲ ವೇಗಿ ಎನ್ನುವ ದಾಖಲೆ ಬರೆಯಲಿದ್ದಾರೆ.
2⃣5⃣ Overs
— Cricket on TNT Sports (@cricketontnt) February 3, 2024
4⃣7⃣ Runs
4⃣ Maidens
3⃣ Wickets
Just a reminder that James Anderson is 41 years old 🤯#INDvENG pic.twitter.com/6EvYo8iRgD
ದಾಖಲೆ ಬರೆದ ಬುಮ್ರಾ
ಟೀಮ್ ಇಂಡಿಯಾದ ಘಾತಕ ವೇಗಿ ಜಸ್ಪ್ರೀತ್ ಬುಮ್ರಾ ಅವರು ಜೋ ರೂಟ್(Joe Root) ವಿಕೆಟ್ ಕೀಳುವ ಮೂಲಕ ದಾಖಲೆಯೊಂದನ್ನು ಬರೆದಿದ್ದಾರೆ. ಜಸ್ಪ್ರೀತ್ ಬುಮ್ರಾ ಅವರು ಟೆಸ್ಟ್ನಲ್ಲಿ ರೂಟ್ ಅವನ್ನು 8ನೇ ಬಾರಿ ಔಟ್ ಮಾಡಿದ ದಾಖಲೆ ತಮ್ಮದಾಗಿಸಿಕೊಂಡರು. ಬುಮ್ರಾ ಅವರು 20 ಇನ್ನಿಂಗ್ಸ್‌ಗಳಲ್ಲಿ ರೂಟ್ಗೆ ಬಿಟ್ಟುಕೊಟ್ಟದ್ದು ಕೇವಲ 245 ರನ್ ಮಾತ್ರ.
ಇದನ್ನೂ ಓದಿ Jasprit Bumrah: ಜೋ ರೂಟ್ ವಿಕೆಟ್ ಕಿತ್ತು ದಾಖಲೆ ಬರೆದ ಜಸ್ಪ್ರೀತ್ ಬುಮ್ರಾ
74 seconds of Bumrah owning Root in test cricketpic.twitter.com/8wMeoT4W7s
— Spartan (@_spartan_45) February 3, 2024
ವಿಶಾಖಪಟ್ಟಣದ ವೈ.ಎಸ್.ರಾಜಶೇಖರ ರೆಡ್ಡಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಈ ಪಂದ್ಯದಲ್ಲಿ 6 ವಿಕೆಟ್ಗೆ 336 ರನ್ ಗಳಿಸಿದಲ್ಲಿಂದ ದ್ವಿತೀಯ ದಿನದಾಟ ಆರಂಭಿಸಿದ ಭಾರತ ಯಶಸ್ವಿ ಜೈಸ್ವಾಲ್(209) ಅವರ ದ್ವಿಶತಕದ ನೆರವಿನಿಂದ 396 ರನ್ ಬಾರಿಸಿತು. ಗುರಿ ಬೆನ್ನಟ್ಟಿರುವ ಇಂಗ್ಲೆಂಡ್ ಪ್ರಮುಖ ಆಟಗಾರರ ವಿಕೆಟ್ ಕಳೆದುಕೊಂಡು ಇನಿಂಗ್ಸ್ ಹಿನ್ನಡೆ ಭೀತಿಯಲ್ಲಿದೆ