Jasprit Bumrah: 5 ವಿಕೆಟ್​ ಕಿತ್ತು ಆರ್​ಸಿಬಿ ವಿರುದ್ಧ ದಾಖಲೆ ಬರೆದ ಜಸ್​ಪ್ರೀತ್​ ಬುಮ್ರಾ

ಮುಂಬಯಿ: ಗುರುವಾರದ ಐಪಿಎಲ್(IPL 2024)​ ಪಂದ್ಯದಲ್ಲಿ ಮೊನಚಾದ ಬೌಲಿಂಗ್​ ದಾಳಿ ನಡೆಸಿ 21 ರನ್​​ಗೆ 5 ವಿಕೆಟ್​ ಕಿತ್ತ ಮುಂಬೈ ಇಂಡಿಯನ್ಸ್(Mumbai Indians)​ ತಂಡದ ವೇಗಿ ಜಸ್​ಪ್ರೀತ್​ ಬುಮ್ರಾ(Jasprit Bumrah) ಅವರು ಆರ್​ಸಿಬಿ(Royal Challengers Bengaluru) ತಂಡದ ವಿರುದ್ಧ ನೂತನ ದಾಖಲೆ ಬರೆದಿದ್ದಾರೆ. ಆರ್​ಸಿಬಿ ತಂಡದ ಅತ್ಯಧಿಕ ವಿಕೆಟ್​ ಕಿತ್ತ ಮೊದಲ ಬೌಲರ್ ಎನಿಸಿಕೊಂಡಿದ್ದಾರೆ.

​ವಾಂಖೆಡೆ ಕ್ರಿಕೆಟ್​ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಬುಮ್ರಾ ತಾನೆಸೆದ ಮೊದಲ ಓವರ್​ನಲ್ಲಿಯೇ ವಿರಾಟ್​ ಕೊಹ್ಲಿಯ ವಿಕೆಟ್​ ಬೇಟೆಯಾಡಿದರು. ಇದಾದ ಬಳಿಕ ಮುಂದಿನ ಮೂರು ಓವರ್​ಗಳಲ್ಲಿಯೂ ಕೂಡ ವಿಕೆಟ್​ ಕಿತ್ತು ಮಿಂಚಿದರು. 2 ಬಾರಿ ಹ್ಯಾಟ್ರಿಕ್​ ವಿಕೆಟ್​ ಪಡೆಯುವ ಅವಕಾಶ ಲಭಿಸಿತು. ಆದರೆ ಇದರಲ್ಲಿ ಯಶಸ್ಸು ಕಾಣಲಿಲ್ಲ. ದಿನೇಶ್​ ಕಾರ್ತಿಕ್​ ಮಾತ್ರ ಇವರಿಗೆ ಒಂದು ಸಿಕ್ಸರ್​ ರುಚಿ ತೋರಿಸಿದರು. ಉಳಿದಂತೆ ಎಲ್ಲ ಬ್ಯಾಟರ್​ಗಳು ಪರದಾಟ ನಡೆಸಿದರು.

See more

That's a FIVE-WICKET HAUL for @Jaspritbumrah93 🔥💥🔥

He finishes off with figures of 5/21

Watch the match LIVE on @JioCinema and @StarSportsIndia 💻📱#TATAIPL | #MIvRCB pic.twitter.com/VXZVpAUgNI

— IndianPremierLeague (@IPL) April 11, 2024

5 ವಿಕೆಟ್​ ಕೀಳುವ ಮೂಲಕ ಆರ್​ಸಿಬಿ ವಿರುದ್ಧ ಅತ್ಯಧಿಕ ವಿಕೆಟ್ ಕಿತ್ತ ಬೌಲರ್​ ಎನಿಸಿಕೊಂಡರು. ಇದಕ್ಕೂ ಮುನ್ನ ಈ ದಾಖಲೆ ಜಂಟಿಯಾಗಿ ರವೀಂದ್ರ ಜಡೇಜಾ ಮತ್ತು ಸಂದೀಪ್ ಶರ್ಮ ಹೆಸರಿನಲ್ಲಿತ್ತು. ಉಭಯ ಆಟಗಾರರು 26 ವಿಕೆಟ್​​ ಪಡೆದಿದ್ದರು. ಇದೀಗ ಬುಮ್ರಾ 29 ವಿಕೆಟ್​ ಪಡೆಯುವ ಮೂಲಕ ದಾಖಲೆಯನ್ನು ತನ್ನ ಹೆಸರಿಗೆ ಬರೆದಿದ್ದಾರೆ. ಸುನೀಲ್​ ನರೈನ್​ 24 ವಿಕೆಟ್​, ಆಶೀಶ್​ ನೆಹ್ರಾ ಮತ್ತು ಹರ್ಭಜನ್​ ಸಿಂಗ್​ ತಲಾ 23 ವಿಕೆಟ್​ ಪಡೆದಿದ್ದಾರೆ.

ಇದನ್ನೂ ಓದಿ IPL 2024 Points Table: ರಾಜಸ್ಥಾನ್​ಗೆ ಮೊದಲ ಸೋಲು; ಅಂಕಪಟ್ಟಿಯಲ್ಲಿ ಪ್ರಮುಖ ಬದಲಾವಣೆ

ಆರ್​ಸಿಬಿ ವಿರುದ್ಧ ಅತ್ಯಧಿಕ ವಿಕೆಟ್​ ಕಿತ್ತ ಬೌಲರ್​ಗಳು

ಜಸ್​ಪ್ರೀತ್​ ಬುಮ್ರಾ-29 ವಿಕೆಟ್​

ರವೀಂದ್ರ ಜಡೇಜಾ-26 ವಿಕೆಟ್​

ಸಂದೀಪ್​ ಶರ್ಮ-26 ವಿಕೆಟ್​

ಸುನೀಲ್​ ನರೈನ್​-24 ವಿಕೆಟ್​

ಆಶೀಶ್​ ನೆಹ್ರಾ-23 ವಿಕೆಟ್​

ಹರ್ಭಜನ್​ ಸಿಂಗ್​-23 ವಿಕೆಟ್​

See more

Most wickets vs RCB (IPL)

29 J Bumrah
26 R Jadeja/ Sandeep Sharma
24 S Narine
23 A Nehra/ Harbhajan Singh#RCBvMI pic.twitter.com/MWrqDWuRYf

— Ankoor singh (@Ankoorsingh23) April 11, 2024

ಬುಮ್ರಾ ಅವರು 5 ವಿಕೆಟ್​ ಪಡೆಯುವ ಮೂಲಕ ಪರ್ಪಲ್​ ಕ್ಯಾಪ್​ ಕೂಡ ತಮ್ಮದಾಗಿಸಿಕೊಂಡರು. ಇದು ಮಾತ್ರವಲ್ಲದೆ ಐಪಿಎಲ್​ನಲ್ಲಿ ವಿರಾಟ್​ ಕೊಹ್ಲಿಯನ್ನು 5 ನೇ ಬಾರಿಗೆ ಔಟ್ ಮಾಡಿದ ಸಾಧನೆ ಕೂಡ ಮಾಡಿದರು. ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ನಡೆಸಿದ ಆರ್​ಸಿಬಿ ದಿನೇಶ್​ ಕಾರ್ತಿಕ್​(53*), ರಜತ್​ ಪಾಟಿದಾರ್​(50) ಮತ್ತು ನಾಯಕ ಫಾಫ್​ ಡುಪ್ಲೆಸಿಸ್(61)​ ಅವರ ಅಮೋಘ ಬ್ಯಾಟಿಂಗ್​ ನೆರವಿನಿಂದ ನಿಗದಿತ 20 ಓವರ್​ಗಳಲ್ಲಿ 8 ವಿಕೆಟ್​ಗೆ 196 ರನ್​ ಬಾರಿಸಿ ಸವಾಲೊಡ್ಡಿದೆ.