ಲಾರ್ಡ್ಸ್: ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಜೋ ರೂಟ್ (Joe Root) ಅವರು ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರುವ ಆ್ಯಶಸ್ ಟೆಸ್ಟ್(Ashes 2023) ಸರಣಿಯಲ್ಲಿ ಕ್ಯಾಚ್ವೊಂದನ್ನು ಹಿಡಿಯುವ ಮೂಲಕ ನೂತನ ದಾಖಲೆಯೊಂದನ್ನು ತಮ್ಮ ಹೆಸರಿಗೆ ಬರೆದಿದ್ದಾರೆ. ಇಂಗ್ಲೆಂಡ್ ಪರ ಅತಿ ಹೆಚ್ಚು ಕ್ಯಾಚ್ ಹಿಡಿದ ಫೀಲ್ಡರ್ ಎಂಬ ಹಿರಿಮೆ ಪಾತ್ರರಾಗಿದ್ದಾರೆ. ಇದಕ್ಕೂ ಮುನ್ನ ಈ ದಾಖಲೆ ಅಲಿಸ್ಟರ್‌ ಕುಕ್(Alastair Cook) ಹೆಸರಿನಲ್ಲಿತ್ತು.
ಸ್ಟುವರ್ಟ್ ಬ್ರಾಡ್ ಎಸೆತದಲ್ಲಿ ಹಕ್ಕಿಯಂತೆ ಹಾರಿ ಟ್ರಾವಿಸ್ ಹೆಡ್ ಕ್ಯಾಚ್ ಹಿಡಿಯುವ ಮೂಲಕ ರೂಟ್ ಅವರು ಟೆಸ್ಟ್ ಕ್ರಿಕೆಟ್ನಲ್ಲಿ ಇಂಗ್ಲೆಂಡ್ ಪರ ಅತಿ ಹೆಚ್ಚು ಕ್ಯಾಚ್ ಹಿಡಿದ ಫೀಲ್ಡರ್ ಎಂಬ ದಾಖಲೆ ಬರೆದರು. ಕುಕ್ ಅವರು 300 ಇನಿಂಗ್ಸ್ಗಳಲ್ಲಿ ಒಟ್ಟು 175 ಕ್ಯಾಚ್ಗಳನ್ನು ಹಿಡಿದ್ದು ಇದುವರೆಗಿನ ದಾಖಲೆಯಾಗಿತ್ತು. ಇದೀಗ ಜೋ ರೂಟ್ 250 ಇನಿಂಗ್ಸ್ಗಳಲ್ಲಿ ಒಟ್ಟು 176 ಕ್ಯಾಚ್ಗಳನ್ನು ಹಿಡಿಯುವ ಕುಕ್ ಅವರನ್ನು ಹಿಂದಿಕ್ಕಿ ಇಂಗ್ಲೆಂಡ್ ಪರ ಹೊಸ ಇತಿಹಾಸ ನಿರ್ಮಿಸಿದ್ದಾರೆ. ಒಟ್ಟಾರೆಯಾಗಿ ರೂಟ್ ಈ ಪಂದ್ಯದಲ್ಲಿ ಎರಡು ಕ್ಯಾಚ್ ಹಿಡಿದು ಗಮನಸೆಳೆದರು. ರೂಟ್ ಅವರು ಟ್ರಾವಿಸ್ ಹೆಡ್ ಕ್ಯಾಚ್ ಪಡೆದ ವಿಡಿಯೊವನ್ನು ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದೆ.
ಇದನ್ನೂ ಓದಿ ICC Test Rankings: ಕ್ರಿಕೆಟ್ನಿಂದ ದೂರ ಉಳಿದರೂ ಟಾಪ್ 10ನಲ್ಲಿ ಕಾಣಿಸಿಕೊಂಡ ಪಂತ್; ಜೋ ರೂಟ್ಗೆ ಅಗ್ರಸ್ಥಾನ
Stop that Joe Root! 😱#EnglandCricket | #Ashes pic.twitter.com/IYHnLq5q69
— England Cricket (@englandcricket) July 1, 2023
ಇಂಗ್ಲೆಂಡ್ ಗೆಲುವಿಗೆ ಬೇಕು 257 ರನ್
ಆ್ಯಶಸ್ ಸರಣಿ (Ashesh 2023) ಎರಡನೇ ಪಂದ್ಯವೂ ಕುತೂಹಲಕಾರಿ ಹಂತಕ್ಕೆ ತಲುಪಿದೆ. ಪಂದ್ಯದ ಕೊನೇ ದಿನದಲ್ಲಿ ಆತಿಥೇಯ ಇಂಗ್ಲೆಂಡ್ ತಂಡ ಗೆಲುವಿಗೆ 257 ರನ್ ಬೇಕಾಗಿದೆ. ಈಗಾಗಲೇ ನಾಲ್ಕು ವಿಕೆಟ್ಗಳು ಉರುಳಿರುವ ಕಾರಣ ಇನ್ನುಳಿದ ಆರು ವಿಕೆಟ್ಗಳಲ್ಲಿ ಗುರಿಯನ್ನು ಸಾಧಿಸುವ ಸವಾಲು ಬೆನ್ಸ್ಟೋಕ್ಸ್ ಪಡೆಗೆ ಎದುರಾಗಿದೆ. ಅತ್ತ ಆಸ್ಟ್ಟ್ರೇಲಿಯಾ ತಂಡದ ಬೌಲರ್ಗಳು ಕೂಡ ಗೆಲುವಿಗಾಗಿ ಸಾಹಸ ಮಾಡುತ್ತಿದ್ದು, ಕೊನೇ ದಿನ ಮತ್ತಷ್ಟು ಪ್ರಖರ ದಾಳಿ ನಡೆಸುವ ಮುನ್ಸೂಚನೆ ಕೊಟ್ಟಿದ್ದಾರೆ.
ಇಲ್ಲಿನ ಐತಿಹಾಸಿಕ ಲಾರ್ಡ್ಸ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆಯುತ್ತಿರುವ ಹಣಾಹಣಿಯ ನಾಲ್ಕನೇ ದಿನವಾದ ಶನಿವಾರ ಎರಡನೇ ಇನಿಂಗ್ಸ್ನಲ್ಲಿ 279 ರನ್ ಗಳಿಸಿ ಆಲ್ಔಟ್ ಆದ ಆಸ್ಟ್ರೇಲಿಯಾ ತಂಡ 371 ರನ್ಗಳ ಗುರಿಯನ್ನು ಆತಿಥೇಯ ತಂಡಕ್ಕೆ ಒಡ್ಡಿತು. ಅಂತೆಯೇ ದಿನದಾಟ ಮುಕ್ತಾಯದ ವೇಳೆಗೆ ಇಂಗ್ಲೆಂಡ್ ತಂಡ 4 ವಿಕೆಟ್ ಕಳೆದುಕೊಂಡು 114 ರನ್ ಬಾರಿಸಿದೆ. ಜಾಕ್ ಕ್ರಾವ್ಲಿ (3), ಒಲಿ ಪೋಪ್ (3) ಹಾಗೂ ಜೋ ರೂಟ್ (18) ಬೇಗನೆ ವಿಕೆಟ್ ಒಪ್ಪಿಸಿದ್ದಾರೆ. ಹಿಂದಿನ ಇನಿಂಗ್ಸ್ನಲ್ಲಿ ಅರ್ಧ ಶತಕ ಬಾರಿಸಿದ್ದ ಹ್ಯಾರಿ ಬ್ರೂಕ್ (4) ಕೂಡ ಔಟಾಗಿದ್ದಾರೆ. ಕೊನೇ ದಿನ ಪಿಚ್ ಇನ್ನಷ್ಟು ಬೌಲಿಂಗ್ಗೆ ನೆರವಾಗುವ ಸಾಧ್ಯತೆಗಳಿವೆ. ಹೀಗಾಗಿ ಆಸ್ಟ್ತೇಲಿಯಾ ತಂಡಕ್ಕೆ ಗುರಿ ಮುಟ್ಟುವುದು ದೊಡ್ಡ ಸವಾಲೆನಿಸಿದೆ.
ಮಿಚೆಲ್ ಸ್ಟಾರ್ಕ್ ಹಾಗೂ ಪ್ಯಾಟ್ ಕಮಿನ್ಸ್ ತಲಾ ಎರಡು ವಿಕೆಟ್ಗಳನ್ನು ಕಬಳಿಸುವ ಮೂಲಕ ಇಂಗ್ಲೆಂಡ್ ಹಿನ್ನಡೆಗೆ ಕಾರಣರಾಗಿದ್ದಾರೆ. ಏತನ್ಮಧ್ಯೆ, ಬೆನ್ ಡಕೆಟ್ (50) ಹಾಗೂ ನಾಯಕ ಬೆನ್ ಸ್ಟೋಕ್ಸ್ (17) ಐದನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.