ಕರಾಚಿ: ಪಾಕಿಸ್ತಾನ ತಂಡದ ಮಾಜಿ ವಿಕೆಟ್ಕೀಪರ್ ಬ್ಯಾಟರ್ ಕಮ್ರಾನ್ ಅಕ್ಮಲ್ (kamran akmal) ಎಲ್ಲ ಮಾದರಿಯ ಕ್ರಿಕೆಟ್ಗೆ ಮಂಗಳವಾರ (ಫೆಬ್ರವರಿ 7) ವಿದಾಯ ಹೇಳಿದ್ದಾರೆ. ಅವರು ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯ ತಂಡ ಆಯ್ಕೆ ಪ್ಯಾನೆಲ್ನಲ್ಲಿ ಅವಕಾಶ ಪಡೆದಿದ್ದು, ಹೊಸ ಹೊಣೆಗಾರಿಕೆಯನ್ನು ವಹಿಸಿಕೊಂಡಿದ್ದಾರೆ.
ಪಾಕಿಸ್ತಾನ ತಂಡದ ಪರವಾಗಿ 2017ರವರೆಗೆ ಅಕ್ಮಲ್ ಆಡಿದ್ದರು. ಅಲ್ಲದೆ, ಪಾಕಿಸ್ತಾನ ಸೂಪರ್ ಲೀಗ್ ಕ್ರಿಕೆಟ್ನಲ್ಲಿ ಪೆಶಾವರ್ ಝಲ್ಮಿ ತಂಡದ ಪರವಾಗಿಯೂ ಆಡಿದ್ದರು.
ತಮ್ಮ ನಿವೃತ್ತಿಯ ವಿಚಾರವನ್ನು ಅವರು ಮಾಧ್ಯಮದ ಮುಂದೆ ಪ್ರಕಟಿಸಿದ್ದು, ಪಾಕಿಸ್ತಾನ ಕ್ರಿಕೆಟ್ ತಂಡದ ಆಯ್ಕೆಗಾರ ಹುದ್ದೆ ದೊರಕಿರುವ ಕಾರಣ ಇನ್ನು ಮುಂದೆ ಸ್ಪರ್ಧಾತ್ಮಕ ಕ್ರಿಕೆಟ್ನಲ್ಲಿ ಆಡುವುದು ಸಾಧ್ಯವಿಲ್ಲ. ಹೀಗಾಗಿ ವಿದಾಯ ಹೇಳುತ್ತಿದ್ದೇನೆ ಎಂದು ಹೇಳಿದ್ದಾರೆ.
ಇದನ್ನು ಓದಿ : Shaheen Afridi : ಶಾಹಿದ್ ಅಫ್ರಿದಿಯ ಪುತ್ರಿಯನ್ನು ವಿವಾಹವಾದ ಶಹೀನ್ ಅಫ್ರಿದಿ; ಗಣ್ಯರ ಉಪಸ್ಥಿತಿ
ಕಮ್ರಾನ್ ಅಕ್ಮಲ್ ಹಾಗೂ ಉಮ್ರಾನ್ ಅಕ್ಮಲ್ ಪಾಕಿಸ್ತಾನ ತಂಡದ ಪರವಾಗಿ ಅಡಿದ ಸಹೋದರರು. ಇವರಿಬ್ಬರು ಪಾಕಿಸ್ತಾನದ ತಂಡದ ಪರ ಹಲವಾರು ಉತ್ತಮ ಇನಿಂಗ್ಸ್ಗಳಲ್ಲಿ ಪಾಲ್ಗೊಂಡಿದ್ದಾರೆ.