ಮೌಂಟ್ ಮೌಂಗನಿ: ದಕ್ಷಿಣ ಆಫ್ರಿಕಾ(New Zealand vs South Africa 1st Test) ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ನ ಅನುಭವಿ ಬ್ಯಾಟರ್ ಕೇನ್ ಮಿಲಿಯಮ್ಸನ್(Kane Williamson) ಶತಕ ಬಾರಿಸುವ ಮೂಲಕ ಟೆಸ್ಟ್ ವೃತ್ತಿ ಬದುಕಿನಲ್ಲಿ 30ನೇ ಶತಕ ಪೂರ್ತಿಗೊಳಿಸಿದರು. ಇದೇ ವೇಳೆ ವಿರಾಟ್ ಕೊಹ್ಲಿ(Virat Kohli) ಮತ್ತು ಆಸ್ಟ್ರೇಲಿಯಾದ ಕ್ರಿಕೆಟ್ ದಂತಕಥೆ ಡಾನ್ ಬ್ರಾಡ್ಮನ್(Don Bradman) ದಾಖಲೆಯನ್ನು ಹಿಂದಿಕ್ಕಿದರು.
ಮೌಂಟ್ ಮೌಂಗನಿಯಲ್ಲಿ ಇಂದು(ಭಾನುವಾರ) ಆರಂಭಗೊಂಡ ಈ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಆಹ್ವಾನ ಪಡೆದ ನ್ಯೂಜಿಲ್ಯಾಂಡ್ ನಾಯಕ ಕೇನ್ ವಿಲಿಯಮ್ಸನ್(112) ಮತ್ತು ಭಾರತದ ಮೂಲದ ರಚಿನ್ ರವೀಂದ್ರ(118) ಅವರ ಅಜೇಯ ಶತಕದಾಟದ ನೆರವಿನಿಂದ 2 ವಿಕೆಟ್ಗೆ 258 ರನ್ ಗಳಿಸಿ ದ್ವಿತೀಯ ದಿನದಾಟಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದೆ.
240ನೇ ಎಸೆತದಲ್ಲಿ ಬೌಂಡರಿ ಬಾರಿಸುವ ಮೂಲಕ ಶತಕ ಪೂರ್ತಿಗೊಳಿಸಿದ ವಿಲಿಯಮ್ಸನ್ ಕ್ರಿಕೆಟ್ ದಂತಕಥೆ ಡಾನ್ ಬ್ರಾಡ್ಮನ್ ಮತ್ತು ಕಿಂಗ್ ಖ್ಯಾತಿಯ ವಿರಾಟ್ ಕೊಹ್ಲಿಯ ಟೆಸ್ಟ್ ಶತಕದ ದಾಖಲೆಯನ್ನು ಹಿಂದಿಕ್ಕಿದರು. ಇದು ವಿಲಿಯಮ್ಸನ್ ಅವರ 97ನೇ ಟೆಸ್ಟ್ ಪಂದ್ಯದಲ್ಲಿ ದಾಖಲಾದ ಶತಕವಾಗಿದೆ. ಕೊಹ್ಲಿ ಇದುವರೆಗೆ 113 ಟೆಸ್ಟ್ ಇನ್ನಿಂಗ್ಸ್ನಲ್ಲಿ 29 ಶತಕ ಸಿಡಿಸಿದ್ದಾರೆ. ಬ್ರಾಡ್ಮನ್ ಕೂಡ 29 ಶತಕ ಬಾರಿಸಿದ್ದರು.
ಇದನ್ನೂ ಓದಿ IND vs ENG 2nd Test: ತಿರುಗೇಟು ನೀಡುತ್ತಿರುವ ಇಂಗ್ಲೆಂಡ್; ಗೆಲುವಿಗೆ ಬೇಕು 332 ರನ್
Kane Williamson reaching the mark in his 97th Test match and 169th Test innings for New Zealand! Only Sachin Tendulkar, Steve Smith and Matthew Hayden have reached the mark faster in Test cricket. #StatChat #NZvSA pic.twitter.com/3WJC8JevGl
— BLACKCAPS (@BLACKCAPS) February 4, 2024
ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಶತಕ ಬಾರಿಸಿದ ದಾಖಲೆ ಸಚಿನ್ ತೆಂಡೂಲ್ಕರ್ ಹೆಸರಿನಲ್ಲಿದೆ. ಸಚಿನ್ 51 ಟೆಸ್ಟ್ ಶತಕ ಬಾರಿಸಿದ್ದಾರೆ. ಪ್ರಸಕ್ತ ಸಾಲಿನ ಕ್ರಿಕೆಟಿಗರಲ್ಲಿ ಅತಿ ಹೆಚ್ಚು ಶತಕ ಬಾರಿಸಿದ ದಾಖಲೆ ಆಸ್ಟ್ರೇಲಿಯಾದ ಸ್ಟೀವನ್ ಸ್ಮಿತ್ ಹೆಸರಿನಲ್ಲಿದೆ ಅವರು 32* ಶತಕ ಬಾರಿಸಿದ್ದಾರೆ. ದ್ವಿತೀಯ ಸ್ಥಾನವನ್ನು ಜೋ ರೂಟ್ ಮತ್ತು ವಿಲಿಯಮ್ಸನ್ ಜಂಟಿಯಾಗಿ ಹಂಚಿಕೊಂಡಿದ್ದಾರೆ. ಉಭಯ ಆಟಗಾರರು ಕೂಡ 30 ಶತಕ ಬಾರಿಸಿದ್ದಾರೆ.
ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಶತಕ ಗಳಿಸಿದ ಬ್ಯಾಟರ್‌ಗಳ ಪಟ್ಟಿ
| ಆಟಗಾರ | ದೇಶ | ಶತಕ |
| ಸಚಿನ್ ತೆಂಡೂಲ್ಕರ್ | ಭಾರತ | 51 |
| ಜಾಕ್ ಕಾಲಿಸ್ | ದಕ್ಷಿಣ ಆಫ್ರಿಕಾ | 45 |
| ರಿಕಿ ಪಾಂಟಿಂಗ್ | ಆಸ್ಟ್ರೇಲಿಯಾ | 41 |
| ಕುಮಾರ ಸಂಗಕ್ಕಾರ | ಶ್ರೀಲಂಕಾ | 38 |
| ರಾಹುಲ್ ದ್ರಾವಿಡ್ | ಭಾರತ | 36 |
| ಸುನಿಲ್ ಗವಾಸ್ಕರ್ | ಭಾರತ | 34 |
| ಬ್ರಿಯಾನ್ ಲಾರಾ | ವೆಸ್ಟ್‌ ಇಂಡೀಸ್ | 34 |
| ಮಹೇಲಾ ಜಯವರ್ಧನೆ | ಶ್ರೀಲಂಕಾ | 34 |
| ಅಲೆಸ್ಟರ್ ಕುಕ್ | ಇಂಗ್ಲೆಂಡ್ | 33 |
| ಸ್ಟೀವನ್ ಸ್ಮಿತ್ | ಆಸ್ಟ್ರೇಲಿಯಾ | 32* |
| ಮಾರ್ಕ್ ವಾ | ಆಸ್ಟ್ರೇಲಿಯಾ | 32 |
| ಕೇನ್ ವಿಲಿಯಮ್ಸನ್ | ನ್ಯೂಜಿಲ್ಯಾಂಡ್ | 30* |
| ಮ್ಯಾಥ್ಯೂ ಹೇಡನ್ | ಆಸ್ಟ್ರೇಲಿಯಾ | 30 |
| ಜೋ ರೂಟ್ | ಇಂಗ್ಲೆಂಡ್ | 30* |
| ಶಿವನಾರಾಯಣ್ ಚಂದ್ರಪಾಲ್ | ವೆಸ್ಟ್‌ ಇಂಡೀಸ್ | 30 |
| ಡಾನ್ ಬ್ರಾಡ್ಮನ್ | ಆಸ್ಟ್ರೇಲಿಯಾ | 30 |
| ವಿರಾಟ್ ಕೊಹ್ಲಿ | ಭಾರತ | 29* |
KANE WILLIAMSON HAS 5 HUNDREDS IN LAST 9 INNINGS IN TESTS. 🤯
— Johns. (@CricCrazyJohns) February 4, 2024
– Number 1 ranked Test batter in the world. pic.twitter.com/lz6z9SjV7u