ಮುಂಬಯಿ: ಕಳೆದ ಸೋಮವಾರದಂದು (ಜ23) ವಿವಾಹವಾದ ಟೀಮ್ ಇಂಡಿಯಾ ಆಟಗಾರ ಕೆ.ಎಲ್. ರಾಹುಲ್(KL Rahul Athiya Shetty) ಮತ್ತು ಬಾಲಿವುಡ್ ತಾರೆ ಅಥಿಯಾ ಶೆಟ್ಟಿ(Athiya kl rahul marriage) ಜೋಡಿಗೆ ಯಾವುದೇ ದುಬಾರಿ ಬೆಲೆಯ ಉಡುಗೊರೆ ದೊರೆತಿಲ್ಲ ಎಂದು ಶುನೀಲ್ ಶೆಟ್ಟಿ ಸ್ಪಷ್ಟನೆ ನೀಡಿದ್ದಾರೆ. ಜತೆಗೆ ಇದೊಂದು ಸಂಪೂರ್ಣವಾಗಿ ಆಧಾರರಹಿತ ಹಾಗೂ ವದಂತಿ ಅಷ್ಟೇ ಎಂದು ಹೇಳಿದ್ದಾರೆ.
ಈ ಬಗ್ಗೆ ಶುಕ್ರವಾರ ಖಚಿತ ಮಾಹಿತಿ ನೀಡಿರುವ ಸುನೀಲ್ ಶೆಟ್ಟಿ ಮತ್ತು ಕುಟುಂಬ ಮೂಲಗಳು, ಅಥಿಯಾ ಶೆಟ್ಟಿ ಮತ್ತು ಕೆ.ಎಲ್ ರಾಹುಲ್ ಅವರಿಗೆ ಬಂದ ಉಡುಗೊರೆಗಳ ಸುದ್ದಿಗಳು ನಿಜವಲ್ಲ, ಅಂತಹ ತಪ್ಪು ಮಾಹಿತಿಯನ್ನು ಸಾರ್ವಜನಿಕವಾಗಿ ಪ್ರಕಟಿಸುವ ಮೊದಲು ನಮ್ಮೊಂದಿಗೆ ವಿವರಗಳನ್ನು ಖಚಿತಪಡಿಸಿ ಎಂದು ಹೇಳಿದ್ದಾರೆ.
ಇದನ್ನೂ ಓದಿ KL Rahul Athiya Shetty: ರಾಹುಲ್-ಅಥಿಯಾ ಜೋಡಿಗೆ ಧೋನಿ-ಕೊಹ್ಲಿ ಕೊಟ್ಟ ಗಿಫ್ಟ್ ಏನು? ಆಡಿ ಕಾರು ಕೊಟ್ಟಿದ್ಯಾರು?
ರಾಹುಲ್ ಮತ್ತು ಅಥಿಯಾ(KL Rahul Athiya Shetty) ವಿವಾಹವಾದ 2 ದಿನಗಳ ಬಳಿಕ ಸಾಮಾಜಿಕ ಜಾಲತಾಣದಲ್ಲಿ ಈ ಜೋಡಿಗೆ ಟೀಮ್ ಇಂಡಿಯಾ ಕ್ರಿಕೆಟಿಗ ವಿರಾಟ್ ಕೊಹ್ಲಿ 2.17 ಕೋಟಿ ರೂ. ಮೌಲ್ಯದ ಬಿಎಂಡಬ್ಲ್ಯು ಕಾರು, ಮಹೇಂದ್ರ ಸಿಂಗ್ ಧೋನಿ ಸುಮಾರು 80 ಲಕ್ಷ ರೂ. ಮೌಲ್ಯದ ಕವಾಸಕಿ ನಿಂಜಾ ಬೈಕ್, ಸಲ್ಮಾನ್ ಖಾನ್ 1.5 ಕೋಟಿ. ರೂ. ಮೌಲ್ಯದ ಆಡಿ ಕಾರು, ಸುನೀಲ್ ಶೆಟ್ಟಿ ಮುಂಬೈಯಲ್ಲಿ 50 ಕೋಟಿ ರೂ. ಮೌಲ್ಯದ ಐಶಾರಾಮಿ ಅಪಾರ್ಟ್‌ಮೆಂಟ್‌ ಹೀಗೆ ಹಲವು ಬಾಲಿವುಡ್ ನಟ, ನಟಿಯರು ಗಿಫ್ಟ್ ನೀಡಿದ್ದಾರೆ ಎಂದು ವರದಿಯಾಗಿತ್ತು. ಇದೀಗ ಎಲ್ಲ ವರದಿಯನ್ನು ಸುನೀಲ್ ಶೆಟ್ಟಿ ಅಲ್ಲಗಳೆದಿದ್ದಾರೆ.