ಲಂಡನ್ : ಹಣಕಾಸು ಅಕ್ರಮದ ಆರೋಪದಲ್ಲಿ ಸಿಲುಕಿ ದೇಶ ಬಿಟ್ಟು ಪರಾರಿಯಾಗಿರುವ ಐಪಿಎಲ್ನ ಮಾಜಿ ಅಧ್ಯಕ್ಷ ಲಲಿತ್ ಮೋದಿ (Lalit Modi) ಅನಾರೋಗ್ಯಕ್ಕೆ ತುತ್ತಾಗಿದ್ದಾರೆ. ಕೋವಿಡ್ ಮತ್ತು ನ್ಯುಮೋನಿಯಾ ಸೋಂಕಿಗೆ ಒಳಗಾಗಿರುವ ಅವರು ತಮ್ಮ ಕೆಕೆ ಮೋದಿ ಟ್ರಸ್ಟ್ಗೆ ಉತ್ತರಾಧಿಕಾರಿಯಾಗಿ ಪುತ್ರ ರುಚಿರ್ ಮೋದಿಯನ್ನು ನೇಮಕ ಮಾಡಿದ್ದಾರೆ.
ಇನ್ನು ಮುಂದೆ ನನ್ನ ಕುಟುಂಬ ಹಾಗೂ ಕೆಕೆಎಮ್ಟಿಎಫ್ ಸಂಸ್ಥೆಯ ವ್ಯವಹಾರವನ್ನು ರುಚಿರ್ ನೋಡಿಕೊಳ್ಳಲಿದ್ದಾರೆ. ಈ ನಿರ್ಧಾರದ ಬಗ್ಗೆ ಪುತ್ರಿ ಅಲಿಯಾ ಜತೆಯೂ ಚರ್ಚೆ ನಡೆಸಿದ್ದೇನೆ. ಮುಂದಿನ ದಿನಗಳಲ್ಲಿ ಸಂಸ್ಥೆಗೆ ಬರುವ ಯಾವುದೇ ಲಾಭಾಂಶದಲ್ಲಿ ನನ್ನ ಪಾಲು ಇರುವುದಿಲ್ಲ ಎಂದು ಅವರು ಹೇಳಿದ್ದಾರೆ.
ಆಸ್ತಿ ವಿಚಾರದಲ್ಲಿ ತಾಯಿ ಹಾಗೂ ಸಹೋದರಿಯ ವಿರುದ್ಧ ಕಾನೂನು ಹೋರಾಟ ನಡೆಸುತ್ತಿದ್ದೇನೆ. ಈ ಎಲ್ಲ ಪ್ರಕರಣಗಳನ್ನು ರುಚಿರ್ ನೋಡಿಕೊಳ್ಳುತ್ತಾರೆ. ನಾನು ಸಾಕಷ್ಟು ವರ್ಷಗಳ ಕಾಲ ಹೋರಾಟ ನಡೆಸಿದ್ದೇನೆ. ಇನ್ನು ಮುಂದೆ ಹೋರಾಟ ಸಾಕು. ನನ್ನ ಮಕ್ಕಳು ಪ್ರಜ್ವಲಿಸಲಿ ಎಂದು ಅವರು ಹೇಳಿಕೊಂಡಿದ್ದಾರೆ.
ಐಪಿಎಲ್ ಆರಂಭದ ರೂವಾರಿಯಾಗಿದ್ದ ಅವರು ತೆರಿಗೆ ವಂಚನೆ, ಅಕ್ರಮ ಹಣ ವರ್ಗಾವಣೆ ಆರೋಪ ಬಂದ ಬಳಿಕ 2010ರಲ್ಲಿ ದೇಶ ಬಿಟ್ಟು ಲಂಡನ್ಗೆ ಹೋಗಿ ನೆಲೆಸಿದ್ದಾರೆ.
ಇದನ್ನೂ ಓದಿ | ಲಲಿತ್ ಮೋದಿ ಜತೆ ಡೇಟಿಂಗ್‌: ಕೊನೆಗೂ ಮೌನ ಮುರಿದ ಸುಶ್ಮಿತಾ ಸೇನ್‌ ಹೇಳಿದ್ದೇನು?