ಬೆಂಗಳೂರು: ಸನ್ರೈಸರ್ಸ್ ಹೈದರಾಬಾದ್ ಲೆಗ್ ಸ್ಪಿನ್ನರ್ ವನಿಂದು ಹಸರಂಗ ಬದಲಿಗೆ ಶ್ರೀಲಂಕಾದ 22 ವರ್ಷದ ಸ್ಪಿನ್ನರ್ ವಿಜಯಕಾಂತ್ ವಿಯಾಸ್ಕಾಂತ್ ಅವರನ್ನು ಆಯ್ಕೆ ಮಾಡಲಾಗಿದೆ. ಎಡಗಾಲಿನ ಹಿಮ್ಮಡಿ ನೋವಿನಿಂದಾಗಿ ಹಸರಂಗ ಅವರು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2024 ರಿಂದ ಸಂಪೂರ್ಣವಾಗಿ ಹೊರಗುಳಿದಿದ್ದಾರೆ ಎಂದು ಇಎಸ್ಪಿಎನ್ ಕ್ರಿಕ್ಇನ್ಫೋ ಮಂಗಳವಾರ ವರದಿ ಮಾಡಿದೆ.
🚨 ANNOUNCEMENT 🚨
— SunRisers Hyderabad (@SunRisers) April 9, 2024
Wanindu Hasaranga will be unavailable for the season due to injury. We would like to wish him a speedy recovery.
Sri Lankan spinner Vijayakanth Viyaskanth has joined the squad as his replacement for the rest of #IPL2024. Welcome, Viyaskanth! ✨ pic.twitter.com/A2Z5458dH8
ಗಾಯದ ಸಮಸ್ಯೆಯಿಂದಾಗಿ ವನಿಂದು ಹಸರಂಗ ಈ ಋತುವಿನಲ್ಲಿ ಅಲಭ್ಯರಾಗಲಿದ್ದಾರೆ. ಅವರು ಶೀಘ್ರ ಗುಣಮುಖರಾಗಲಿ ಎಂದು ಹಾರೈಸುತ್ತೇವೆ. ಶ್ರೀಲಂಕಾದ ಸ್ಪಿನ್ನರ್ ವಿಜಯಕಾಂತ್ ವಿಯಾಸ್ಕಾಂತ್ ಬದಲಿ ಆಟಗಾರನಾಗಿ ತಂಡವನ್ನು ಸೇರಿಕೊಂಡಿದ್ದಾರೆ. ಸ್ವಾಗತ, ವಿಯಾಸ್ಕಾಂತ್ ಎಂದು ಸನ್ರೈಸರ್ಸ್ ಹೈದರಾಬಾದ್ ಟ್ವೀಟ್ ಮಾಡಿದೆ.
ವಿಜಯಕಾಂತ್ ವಿಯಾಕಾಂತ್ ಯಾರು?
ಇದೇ ಮೊದಲ ಬಾರಿಗೆ ವಿಯಾಸ್ಕಾಂತ್ಗೆ ಐಪಿಎಲ್ ಪಂದ್ಯವನ್ನು ಆಡುವ ಅವಕಾಶ ಸಿಕ್ಕಿದೆ. ಶ್ರೀಲಂಕಾ ಪರ ಒಂದು ಟಿ 20 ಪಂದ್ಯವನ್ನು ಆಡಿರುವ 22 ವರ್ಷದ ಕಾಂತ್, ಲೆಗ್ ಸ್ಪಿನ್ನರ್ ಹಸರಂಗ ಅವರ ಬದಲಿ ಆಟಗಾರರಾಗಿದ್ದಾರೆ. ಅವರನ್ನು 50 ಲಕ್ಷ ಮೂಲ ಬೆಲೆಗೆ ಖರೀದಿಸಲಾಗಿದೆ.
ಇದನ್ನೂ ಓದಿ: Ravindra Jadeja : ಐಪಿಎಲ್ ಇತಿಹಾಸದಲ್ಲಿ ಇದುವರೆಗೆ ಯಾರೂ ಮಾಡದ ದಾಖಲೆ ಬರೆದ ರವೀಂದ್ರ ಜಡೇಜಾ
ವಿಜಯಕಾಂತ್ ವಿಯಾಸ್ಕಾಂತ್ 2020 ರ ಡಿಸೆಂಬರ್ನಲ್ಲಿ ಮೊದಲ ಬಾರಿಗೆ ಮುನ್ನೆಲೆಗೆ ಬಂದರು. ಅವರು 18 ವರ್ಷ 364 ದಿನಗಳ ವಯಸ್ಸಿನಲ್ಲಿ ಜಾಫ್ನಾ ಸ್ಟಾಲಿಯನ್ಸ್ ಪರ ಲಂಕಾ ಪ್ರೀಮಿಯರ್ ಲೀಗ್ನಲ್ಲಿ ಕಾಣಿಸಿಕೊಂಡ ಅತ್ಯಂತ ಕಿರಿಯ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು.
ಆ ಪಂದ್ಯಾವಳಿಯಲ್ಲಿ, ಅವರು ಶ್ರೀಲಂಕಾದ ಉತ್ತರ ತುದಿಯಲ್ಲಿರುವ ಮತ್ತು ಒಂದು ಕಾಲದಲ್ಲಿ ಮೂರು ದಶಕಗಳ ಸುದೀರ್ಘ ಅಂತರ್ಯುದ್ಧದ ಜಾಗವಾಗಿದ್ದ ಜಾಫ್ನಾದ ಕ್ರಿಕೆಟಿಗರಾಗಿದ್ದು. ಟಿವಿಯಲ್ಲಿ ಆಟ ನೋಡಿ ಬೆಳೆದವರು ಅವರಾಗಿದ್ದಾರೆ.
ಹ್ಯಾಂಗ್ಝೌನಲ್ಲಿ ನಡೆದ ಏಷ್ಯನ್ ಗೇಮ್ಸ್ನಲ್ಲಿ ವಿಯಾಸ್ಕಾಂತ್ ಶ್ರೀಲಂಕಾಗೆ ಪಾದಾರ್ಪಣೆ ಮಾಡಿದ್ದರು. ಐಎಲ್ಟಿ 20 ಪಂದ್ಯಾವಳಿಯಲ್ಲಿ ಪ್ರಶಸ್ತಿ ವಿಜೇತ ಎಂಐ ಎಮಿರೇಟ್ಸ್ ತಂಡದ ಪರ ನಾಲ್ಕು ಪಂದ್ಯಗಳಲ್ಲಿ 5.43 ಎಕಾನಮಿಯಲ್ಲಿ ಎಂಟು ವಿಕೆಟ್ಗಳನ್ನು ಪಡೆದಿದ್ದರು. ಅವರು ಬಾಂಗ್ಲಾದೇಶ ಪ್ರೀಮಿಯರ್ ಲೀಗ್ನಲ್ಲಿ ಚಟ್ಟೋಗ್ರಾಮ್ ಚಾಲೆಂಜರ್ಸ್ ತಂಡವನ್ನು ಪ್ರತಿನಿಧಿಸಿದ್ದರು.