ಮುಂಬಯಿ: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್ 2024) ನ ಮುಂಬರುವ 17 ನೇ ಆವೃತ್ತಿಯಲ್ಲಿ ಶ್ರೀಲಂಕಾದ ಬೌಲಿಂಗ್ ದಂತಕಥೆ ಲಸಿತ್ ಮಾಲಿಂಗ ‘ಅವರು ಐಪಿಎಲ್ನ ಅತ್ಯಂತ ಪ್ರೀತಿಯ ಫ್ರಾಂಚೈಸಿಗಳಲ್ಲಿ ಒಂದಾದ ಮುಂಬೈ ಇಂಡಿಯನ್ಸ್ (ಎಂಐ) ಸೇರಿಕೊಳ್ಳಲಿದ್ದಾರೆ. ಮುಂಬಯಿ ಇಂಡಿಯನ್ಸ್ ಬಳಗದಲ್ಲಿ ಅತ್ಯುತ್ತಮ ಬೌಲರ್ ಆಗಿದ್ದ ಅವರು ಇದೀಗ ಬೌಲಿಂಗ್ ಕೋಚ್ ಆಗಿ ಆ ತಂಡದಲ್ಲಿ ಇರಲಿದ್ದಾರೆ.
ಅಕ್ಟೋಬರ್ 20ರಂದು ಲಸಿತ್ ಮಾಲಿಂಗ ಅವರನ್ನು ಮುಂಬರುವ ಐಪಿಎಲ್ 2024 ಗಾಗಿ ತಮ್ಮ ಹೊಸ ಬೌಲಿಂಗ್ ಕೋಚ್ ಆಗಿ ಸಹಿ ಹಾಕಲಾಗಿದೆ ಎಂದು ಮುಂಬೈ ಇಂಡಿಯನ್ಸ್ (ಎಂಐ) ಫ್ರಾಂಚೈಸಿ ಬಹಿರಂಗಪಡಿಸಿದೆ. ನ್ಯೂಜಿಲೆಂಡ್ನ ಮಾಜಿ ವೇಗಿ ಶೇನ್ ಬಾಂಡ್ ಬದಲಿಗೆ ಶ್ರೀಲಂಕಾದ ಲೆಜೆಂಡರಿ ವೇಗದ ಬೌಲರ್ ಆ ಸ್ಥಾನ ಪಡೆದುಕೊಂಡಿದ್ದಾರೆ.
ಮಾಲಿಂಗ ಈಗ ಮುಂಬರುವ ಐಪಿಎಲ್ 2024 ಗಾಗಿ ಮುಂಬೈ ಇಂಡಿಯನ್ಸ್ ಮುಖ್ಯ ಕೋಚ್ ಮಾರ್ಕ್ ಬೌಷರ್ ಮತ್ತು ಬ್ಯಾಟಿಂಗ್ ಕೋಚ್ ಕೀರನ್ ಪೊಲಾರ್ಡ್ ಅವರೊಂದಿಗೆ ಕೆಲಸ ಮಾಡಲಿದ್ದಾರೆ. ವಿಶೇಷವೆಂದರೆ, ಮುಂಬೈ ಇಂಡಿಯನ್ಸ್ ಮತ್ತು ಮಾಲಿಂಗ ಪರಸ್ಪರ ಹೊಸಬರಲ್ಲ, ಅವರು ಈಗಾಗಲೇ ಮೇಜರ್ ಲೀಗ್ ಕ್ರಿಕೆಟ್ನಲ್ಲಿ ಎಂಐ ನ್ಯೂಯಾರ್ಕ್ ಮತ್ತು ಎಸ್ಎ 20 ನಲ್ಲಿ ಎಂಐ ಕೇಪ್ ಟೌನ್ ತಂಡಗಳ ಬೌಲಿಂಗ್ ಕೋಚ್ ಸ್ಥಾನವನ್ನು ಹೊಂದಿದ್ದಾರೆ.
12 ವರ್ಷ ಮುಂಬಯಿ ಇಂಡಿಯ್ಸ್ ತಂಡದಲ್ಲಿದ್ದರು
ಮಾಲಿಂಗ 2008 ರಿಂದ ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಸುಮಾರು 12 ವರ್ಷಗಳನ್ನು ಆಡಿದ್ದರು. ಆಟಗಾರನಾಗಿ 11 ವರ್ಷಗಳು ಮತ್ತು ಐಪಿಎಲ್ 2018 ರಲ್ಲಿ ತಂಡದ ಬೌಲಿಂಗ್ ಮಾರ್ಗದರ್ಶಕರಾಗಿ ಒಂದು ವರ್ಷ ಕೆಲಸ ಮಾಡಿದ್ದರು. ನಾಲ್ಕು ಐಪಿಎಲ್, ಎರಡು ಸಿಎಲ್ಪಿ 20 ಮತ್ತು ಎಂಎಲ್ಸಿ ಬೌಲಿಂಗ್ ಕೋಚ್ ಸೇರಿದಂತೆ ಫ್ರಾಂಚೈಸಿಯೊಂದಿಗೆ ಏಳು ಟ್ರೋಫಿಯ ಗೆಲುವಿನ ಭಾಗವಾಗಿದ್ದಾರೆ ಮಾಲಿಂಗ.
“Looking forward to working with Mark, Polly and Rohit”
— Mumbai Indians (@mipaltan) October 20, 2023
Read more 🔽#OneFamily #MumbaiIndians #MumbaiMeriJaan @malinga_ninety9 https://t.co/mXd5WeaPa6
“ಮುಂಬೈ ಇಂಡಿಯನ್ಸ್ ಬೌಲಿಂಗ್ ಕೋಚ್ ಆಗಿ ನೇಮಕಗೊಂಡಿರುವುದು ನನಗೆ ನಿಜವಾಗಿಯೂ ಗೌರವವಾಗಿದೆ ಮತ್ತು ಎಂಐ ನ್ಯೂಯಾರ್ಕ್ ಮತ್ತು ಎಂಐ ಕೇಪ್ ಟೌನ್ ನಂತರ #OneFamily ನನ್ನ ಪ್ರಯಾಣ ಮುಂದುವರಿಯುತ್ತದೆ” ಎಂದು ಮಾಲಿಂಗ ಮುಂಬೈ ಇಂಡಿಯನ್ಸ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.‘
ಈ ಸುದ್ದಿಗಳನ್ನು ಓದಿ
ಫಿಕ್ಸಿಂಗ್ ಆರೋಪದಲ್ಲಿ ಸಿಕ್ಕಿ ಬಿದ್ದಿದ್ದ ಅಜರುದ್ದೀನ್ ಮೇಲೆ ಈಗ ಅವ್ಯವಹಾರ ಆರೋಪ!
ICC World Cup 2023 : ದ. ಆಫ್ರಿಕಾ ತಂಡವನ್ನು ಬಗ್ಗು ಬಡಿದು ಹೊಸ ದಾಖಲೆ ಬರೆದ ನೆದರ್ಲ್ಯಾಂಡ್ಸ್
ICC World Cup 2023 : ಆಸ್ಟ್ರೇಲಿಯಾ ತಂಡದ ಪರ ಹೊಸ ದಾಖಲೆ ಬರೆದ ಮಾರ್ಷ್- ವಾರ್ನರ್
“ಮಾರ್ಕ್ ಬೌಷರ್, ಪೊಲಾರ್ಡ್ ಹಾಗೂ ರೋಹಿತ್ ಮತ್ತು ತಂಡದ ಉಳಿದವರೊಂದಿಗೆ ನಿಕಟವಾಗಿ ಕೆಲಸ ಮಾಡಲು ನಾನು ಎದುರು ಕಾಯುತ್ತಿದ್ದೇನೆ. ವಿಶೇಷವಾಗಿ ಕಳೆದ ಋತುವಿನಲ್ಲಿ ನಾನು ಪ್ರೀತಿಸಿದ ಬೌಲಿಂಗ್ ಘಟಕ ಮತ್ತು ಉತ್ಸಾಹಿ ಎಂಐ ಪಲ್ಟನ್ ಬೆಂಬಲದೊಂದಿಗೆ ಉತ್ತಮ ಪ್ರದರ್ಶನ ನೀಡುವ ಸಾಮರ್ಥ್ಯ ಹೊಂದಿರುವ ಯುವ ಎಂಐ ಪ್ರತಿಭೆಯೊಂದಿಗೆ ಕೆಲಸ ಮಾಡಲು ಎದುರು ನೋಡುತ್ತಿದ್ದೇನೆ” ಎಂದು ಮಾಲಿಂಗ ಹೇಳಿದ್ದಾರೆ.
ಡಿಸೆಂಬರ್ನಲ್ಲಿ ಹರಾಜು ಪ್ರಕ್ರಿಯೆ
ಐಪಿಎಲ್ 2024ರ ಹರಾಜು ಪ್ರಕ್ರಿಯೆ ಡಿಸೆಂಬರ್ ತಿಂಗಳಲ್ಲಿ ನಡೆಯಬಹುದು ಎಂದು ಹೇಳಲಾಗಿದೆ. ಆದರೆ ಈ ವರ್ಷ ಕ್ರಿಸ್ಮಸ್ ಅವಧಿಯಲ್ಲಿ ನಡೆಯುವುದು ಅನುಮಾನ. ಕಳೆದ ವರ್ಷ ಕ್ರಿಸ್ಮಸ್ ಅವಧಿಯಲ್ಲಿ ಹರಾಜು ಪ್ರಕ್ರಿಯೆ ಇಟ್ಟಿದ್ದ ಕಾರಣ ಕೆಲವು ವಿದೇಶಿ ಗಣ್ಯರ ಅನುಪಸ್ಥಿತಿ ಕಾಡಿತ್ತು. ಜತೆಗೆ ಹೋಟೆಲ್ ಸೇರಿದಂತೆ ಹಲವಾರು ಲಾಜಿಸ್ಟಿಕ್ ಸಮಸ್ಯೆಯನ್ನು ಎದುರಿಸಿತ್ತು. ಕೇರಳ ಕೊಚ್ಚಿಯಲ್ಲಿ ಹರಾಜು ಪ್ರಕ್ರಿಯೆ ಮಾಡಿ ಮುಗಿಸಲಾಗಿತ್ತು. ಈ ಬಾರಿ ಯಾವುದೇ ಗೊಂದಲಗಳಿಗೆ ಅವಕಾಶ ನೀಡದೇ ಸೂಕ್ತ ಸಮಯದಲ್ಲಿ ಯೋಜನೆ ತಯಾರು ಮಾಡುವ ಸಾಧ್ಯತೆಗಳಿವೆ.