ಪ್ಯಾರಿಸ್: ಫಿಫಾ ವಿಶ್ವ ಕಪ್ ವಿಜೇತ ಅರ್ಜೆಂಟೀನಾ ತಂಡದ ನಾಯಕ ಲಿಯೋನೆಲ್ ಮೆಸ್ಸಿ(Lionel Messi) ಅವರು ಪೋರ್ಚಗಲ್ ತಂಡದ ಸ್ಟಾರ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ(cristiano ronaldo) ಅವರ ದಾಖಲೆಯೊಂದನ್ನು ಮುರಿದಿದ್ದಾರೆ.
ಬುಧವಾರ ನಡೆದ ಪಂದ್ಯದಲ್ಲಿ ಪಿಎಸ್ಜಿ ತಂಡವು ಮಾಂಟ್ಪೆಲ್ಲಿಯರ್ ತಂಡವನ್ನು 3-1 ಅಂತರದಿಂದ ಸೋಲಿಸಿತು. ಫ್ಯಾಬಿಯನ್ ರುಯಿಜ್ ಅವರು 55 ನಿಮಿಷ, ಮೆಸ್ಸಿ 72ನೇ ನಿಮಿಷ, ವ್ಯಾರೆನ್ ಎಮೆರಿ 92ನೇ ನಿಮಿಷದಲ್ಲಿ ಗೋಲು ಗಳಿಸಿ ಪಿಎಸ್ ಜಿ ತಂಡಕ್ಕೆ ನೆರವಾದರು. ಇದೇ ವೇಳೆ ಮೆಸ್ಸಿ ಅವರು ರೊನಾಲ್ಡೊ ದಾಖಲೆಯನ್ನು ಅಳಿಸಿ ಹಾಕಿದರು.
ಟಾಪ್ 5 ಯುರೋಪಿಯನ್ ಲೀಗ್‌ ಟೂರ್ನಿಗಳಲ್ಲಿ ಮೆಸ್ಸಿ 697 ನೇ ಗೋಲು ಬಾರಿಸುವ ಮೂಲಕ ಕ್ರಿಸ್ಟಿಯಾನೊ ರೊನಾಲ್ಡೊ ಅವರ ದಾಖಲೆಯನ್ನು ಹಿಂದಿಕ್ಕಿದರು. ಅಲ್ಲದೆ ರೊನಾಲ್ಡೊ ಅವರಿಗಿಂತ ಕಡಿಮೆ ಪಂದ್ಯಗಳಲ್ಲಿ ಮೆಸ್ಸಿ ಈ ದಾಖಲೆ ಬರೆದರು.
ಇದನ್ನೂ ಓದಿ Lionel Messi | ಬರೋಬ್ಬರಿ 124 ಎಕರೆ ಕೃಷಿ ಜಮೀನಿನಲ್ಲಿ ಅರಳಿದ ಲಿಯೊನೆಲ್ ಮೆಸ್ಸಿಯ ಸುಂದರ ಕಲಾಕೃತಿ
ಪಿಎಸ್ಜಿ ತಂಡದ ಮತ್ತೋರ್ವ ಸ್ಟಾರ್ ಆಟಗಾರ ಕಿಲಿಯನ್ ಎಂಬಪ್ಪೆ ಅವರು 21ನೇ ನಿಮಿಷದಲ್ಲಿ ಗಾಯಗೊಂಡು ಮೈದಾನದಿಂದ ಹೊರನಡೆದರು. ಆದರೂ ಪಿಎಸ್ಜಿ ತಂಡ ಪಂದ್ಯದಲ್ಲಿ ಮೇಲುಗೈ ಸಾಧಿಸಿತು.