ಬ್ಯೂನಸ್ ಐರಿಸ್: ಫಿಫಾ ವಿಶ್ವಕಪ್ ವಿಜೇತ ನಾಯಕ, ಅರ್ಜೆಂಟೀನಾ ತಂಡದ ಸ್ಟಾರ್ ಫುಟ್ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿ(Lionel Messi) ಅವರ ಕುಟುಂಬದ ಸೂಪರ್ ಮಾರ್ಕೆಟ್ಗೆ ಇಬ್ಬರು ಬಂದೂಕುಧಾರಿಗಳು ಗುಂಡಿನ ದಾಳಿ ಮಾಡುವ ಜತೆಗೆ ಮೆಸ್ಸಿ ಅವರಿಗೂ ಬೆದರಿಕೆ ಹಾಕಿದ್ದಾರೆ.
ಅಪರಿಚಿತ ವ್ಯಕ್ತಿಗಳಿಬ್ಬರು ಮೆಸ್ಸಿ ಅವರ ಕುಟುಂಬದ ಸೂಪರ್ ಮಾರ್ಕೆಟ್ಗೆ ದಾವಿಸಿ 14 ಗುಂಡುಗಳನ್ನು ಹಾರಿಸಿದ್ದಾರೆ. ಬಳಿಕ “ಮೆಸ್ಸಿ, ನಾವು ನಿಮಗಾಗಿ ಕಾಯುತ್ತಿದ್ದೇವೆ” ಎಂದು ಮೆಸ್ಸಿ ಅವರಿಗೆ ಬೆದರಿಕೆ ಹಾಕಿ ಪರಾರಿಯಾಗಿದ್ದಾರೆ.
ಇದನ್ನೂ ಓದಿ Lionel Messi : ವಿಶ್ವ ಕಪ್ ವಿಜೇತ ಅರ್ಜೆಂಟೀನಾ ತಂಡದ ಸಹ ಸದಸ್ಯರಿಗೆ ಚಿನ್ನದ ಐಪೋನ್ ಕೊಡಿಸಿದ ನಾಯಕ ಮೆಸ್ಸಿ!
ಸೂಪರ್ ಮಾರ್ಕೆಟ್ಗೆ ಗುಂಡು ಹಾರಿಸಿದ ಬಳಿಕ ಈ ಅಪರಿಚಿತ ವ್ಯಕ್ತಿಗಳು ಮಾರ್ಕೆಟ್ ಮುಂಭಾಗದ ನೆಲದ ಮೇಲೆ ಬೆದರಿಕೆಯ ಕೈಬರಹದ ಸಂದೇಶವನ್ನು ಇಟ್ಟು ಹೋಗಿದ್ದಾರೆ. ಈ ಇಬ್ಬರು ವ್ಯಕ್ತಿಗಳು ಮೋಟಾರ್ ಬೈಕ್ನಲ್ಲಿ ಬಂದಿರುವುದನ್ನು ಪ್ರತ್ಯಕ್ಷದರ್ಶಿಗಳು ದೃಢಪಡಿಸಿದ್ದಾರೆ. ಸದ್ಯ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಆರಂಭಿಸಿದ್ದಾರೆ ಎಂದು ವರದಿಯಾಗಿದೆ.