ದುಬೈ: ಎಂ.ಎಸ್.ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ 2023ರ ಐಪಿಎಲ್ ಟ್ರೋಫಿಯನ್ನು ಎತ್ತಿ ಹಿಡಿದ ಬಳಿಕ ನಡೆಯುತ್ತಿದ್ದ ಚರ್ಚೆಗಳ ವೇಗ ಕಡಿಮೆಯಾಗುತ್ತಿದೆ. ಇದೀಗ ಕ್ರಿಕೆಟ್ ಪ್ರೇಮಿಗಳ ಗಮನ ನಿಧಾನವಾಗಿ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ನತ್ತ ಹೊರಳುತ್ತಿದೆ. ಸುಮಾರು ಮೂರು ತಿಂಗಳ ವಿರಾಮದ ನಂತರ ಟೀಮ್ ಇಂಡಿಯಾ ಮತ್ತೆ ಅಂತಾರಾಷ್ಟ್ರಿಯ ಕ್ರಿಕೆಟ್ಗೆ ಮರಳುತ್ತಿದೆ. ಜೂನ್ 7ರಿಂದ ಇಂಗ್ಲೆಂಡ್ನ ದಿ ಓವಲ್ನಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ನಲ್ಲಿ (WTC Final 2023) ಕಣಕ್ಕಿಳಿಯಲಿದೆ. ಐಪಿಎಲ್ನ ಫ್ರಾಂಚೈಸಿಗಳಿಂದ ಮುಕ್ತಿ ಪಡೆದಿರುವ ಭಾರತೀಯ ಕ್ರಿಕೆಟಿಗರು ಬ್ಯಾಚ್ಗಳ ಪ್ರಕಾರ ಲಂಡನ್ ತಲುಪಿದ್ದಾರೆ. ಗುರುವಾರ ಅವರೆಲ್ಲರೂ ಜತೆಯಾಗಿ ಕೋಚ್ ದ್ರಾವಿಡ್ ಉಪಸ್ಥಿತಿಯಲ್ಲಿ ಅಭ್ಯಾಸ ಆರಂಭಿಸಿದ್ದಾರೆ.
ವಿಶ್ವದ ಅಗ್ರ ಎರಡು ಟೆಸ್ಟ್ ತಂಡಗಳ ನಡುವಿನ ಜಿದ್ದಾಜಿದ್ದಿನ ಹಣಾಹಣಿಗೆ ಮುಂಚಿತವಾಗಿ ಡಬ್ಲ್ಯುಟಿಸಿ ಪಂದ್ಯದ ಅಧಿಕೃತ ಟಿವಿ ಮತ್ತು ಡಿಜಿಟಲ್ ಪ್ರಸಾರಕ ಸಂಸ್ಥೆಯಾಗಿರುವ ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ ಮತ್ತು ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ ವೀಕ್ಷಕ ವಿವರಣೆಗಾರರ ಪಟ್ಟಿಯನ್ನು ಪ್ರಕಟಿಸಿವೆ. ಕ್ರಿಕೆಟ್ ದಂತಕಥೆಗಳಾದ ರವಿಶಾಸ್ತ್ರಿ, ಸುನಿಲ್ ಗವಾಸ್ಕರ್, ಮ್ಯಾಥ್ಯೂ ಹೇಡನ್ ಮತ್ತು ನಾಸಿರ್ ಹುಸೇನ್, ಹರ್ಭಜನ್ ಸಿಂಗ್, ಸೌರವ್ ಗಂಗೂಲಿ, ದೀಪ್ ದಾಸ್ ಗುಪ್ತಾ ಮತ್ತು ಎಸ್ ಶ್ರೀಶಾಂತ್ ಇರುತ್ತಾರೆ.
ಇದನ್ನೂ ಓದಿ : WTC Final 2023 : ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ಪಂದ್ಯದ ಅತ್ಯಾಕರ್ಷಕ ಪ್ರೋಮೊ ಹೀಗಿದೆ
ವೀಕ್ಷಕ ವಿವರಣೆಗಾರರ ಈ ಅದ್ಭುತ ತಂಡವು ಪಂದ್ಯ ವೀಕ್ಷಣೆಯ ಅನುಭವ ಹೆಚ್ಚಿಸಲಿದ್ದಾರೆ. ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ಗೆ ಅವರು ಕಳೆ ನೀಡಲಿದ್ದಾರೆ. ಅವರು ಸಮಗ್ರ ವಿಶ್ಲೇಷಣೆ, ಆಸಕ್ತಿದಾಯಕ ವಾಖ್ಯಾನಗಳು ಮತ್ತು ಆಕರ್ಷಕ ಚರ್ಚೆಗಳ ಮೂಲಕ ಕ್ರಿಕೆಟ್ ಪ್ರೇಕ್ಷಕರ ಮನ ಗೆಲ್ಲಲಿದ್ದಾರೆ. ಹಿಂದಿ ಮತ್ತು ಇಂಗ್ಲಿಷ್ ಜೊತೆಗೆ, ತಮಿಳು, ತೆಲುಗು ಮತ್ತು ಕನ್ನಡದಲ್ಲಿ ಪ್ರಸಾರ ಲಭ್ಯವಿರುತ್ತದೆ.
ಡಬ್ಲ್ಯುಟಿಸಿ ಫೈನಲ್ ಪಂದ್ಯದ ಐದು ಭಾಷೆಗಳ ಕಾಮೆಂಟೇಟರ್ಗಳ ಪಟ್ಟಿ ಇಲ್ಲಿದೆ
ಇಂಗ್ಲೆಂಡ್( ವಿಶ್ವವ್ಯಾಪಿ): ರವಿಶಾಸ್ತ್ರಿ, ಸುನಿಲ್ ಗವಾಸ್ಕರ್, ಮ್ಯಾಥ್ಯೂ ಹೇಡನ್, ನಾಸಿರ್ ಹುಸೇನ್
ಹಿಂದಿ – ಹರ್ಭಜನ್ ಸಿಂಗ್, ಸೌರವ್ ಗಂಗೂಲಿ, ದೀಪ್ ದಾಸ್ ಗುಪ್ತಾ ಮತ್ತು ಎಸ್ ಶ್ರೀಶಾಂತ್
ತಮಿಳು – ಯೋ ಮಹೇಶ್, ಎಸ್ ರಮೇಶ್, ಎಲ್ ಬಾಲಾಜಿ ಮತ್ತು ಎಸ್ ಶ್ರೀರಾಮ್
ತೆಲುಗು – ಕೌಶಿಕ್ ಎನ್ ಸಿ, ಆಶಿಶ್ ರೆಡ್ಡಿ, ಟಿ ಸುಮನ್ ಮತ್ತು ಕಲ್ಯಾಣ್ ಕೆ.
ಕನ್ನಡ – ವಿಜಯ್ ಭಾರದ್ವಾಜ್, ಶ್ರೀನಿವಾಸ ಎಂ, ಬಿ ಚಿಪ್ಲಿ, ಪವನ್ ದೇಶಪಾಂಡೆ ಮತ್ತು ಸುನಿಲ್ ಜೋಶಿ.