ಲಕ್ನೋ: ಹ್ಯಾಟ್ರಿಕ್ ಗೆಲುವಿನ ಜೋಶ್ನಲ್ಲಿರುವ ಕನ್ನಡಿಗ ಕೆ.ಎಲ್ ರಾಹುಲ್ ಸಾರಥ್ಯದ ಲಕ್ನೋ ಸೂಪರ್ ಜೈಂಟ್ಸ್(LSG vs DC)ಮತ್ತೊಂದು ಗೆಲುವಿನ ನಿರೀಕ್ಷೆಯೊಂದಿದೆ ಶುಕ್ರವಾರದ ಐಪಿಎಲ್(IPL 2024) ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್(Delhi Capitals) ವಿರುದ್ಧ ಕಣಕ್ಕಿಳಿಯಲಿದೆ. ಲಕ್ನೋಗೆ ಇದು ತವರಿನ ಪಂದ್ಯವಾಗಿದೆ.
ಲಕ್ನೋ ತಂಡ ಈ ಆವೃತ್ತಿಯಲ್ಲಿ ಮೊದಲ ಪಂದ್ಯವನ್ನು ಜೈಪುರದಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಆಡಿ 20 ರನ್ಗಳ ಸೋಲು ಕಂಡಿತ್ತು. ಈ ಸೋಲಿನಿಂದ ಪಾಠ ಕಲಿತ ತಂಡ ಮುಂದಿನ ಮೂರು ಪಂದ್ಯಗಳನ್ನು ಗೆದ್ದು ಅಂಕಪಟ್ಟಿಯಲ್ಲಿ ಸದ್ಯ ಮೂರನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದೆ. ಲಕ್ನೋ ತಂಡದ ವಿಶೇಷತೆ ಎಂದರೆ ಮೊದಲು ಬ್ಯಾಟಿಂಗ್ ನಡೆಸಿದ ಪಂದ್ಯವನ್ನೇ ಅತ್ಯಧಿಕ ಬಾರಿ ಗೆದ್ದಿರುವುದು. ಸಾಮಾನ್ಯ ಮೊತ್ತವನ್ನು ಬಾರಿಸಿದರೂ ಘಾತಕ ಬೌಲಿಂಗ್ ಮತ್ತು ಉತ್ಕೃಷ್ಟ ಮಟ್ಟದ ಫೀಲ್ಡಿಂಗ್ ಮೂಲಕ ಪಂದ್ಯವನ್ನು ಗೆಲ್ಲುವ ಚಾಕಚಕ್ಯತೆ ರಾಹುಲ್ ನಾಯಕತ್ವದ್ದು.
Inspired by true events 💥😂 pic.twitter.com/JskA0U4cHW
— Lucknow Super Giants (@LucknowIPL) April 11, 2024
ರಾಹುಲ್ ನಿಧಾನಗತಿಯ ಬ್ಯಾಟಿಂಗ್ ಮೂಡ್ನಿಂದ ಹೊರಬರಬೇಕಾದ ಅನಿವಾರ್ಯತೆ ಇದೆ. ಇದೇ ರೀತಿ ಅವರು ಬ್ಯಾಟಿಂಗ್ ನಡೆಸಿದರೆ ಟಿ20 ವಿಶ್ವಕಪ್ ತಂಡದಲ್ಲಿ ಸ್ಥಾನ ಪಡೆಯುವು ಕಷ್ಟ. ಟ್ರೇಡಿಂಗ್ ಮೂಲಕ ರಾಜಸ್ಥಾನ್ ತಂಡದಿಂದ ಲಕ್ನೋ ಸೇರಿದ ದೇವದತ್ತ ಪಡಿಕ್ಕಲ್ ಅವರು ಆಡಿದ 4 ಪಂದ್ಯಗಳಲ್ಲಿಯೂ ಒಂದಕಕ್ಕೆ ಸೀಮಿತರಾಗಿದ್ದರು. ಹೀಗಾಗಿ ಈ ಪಂದ್ಯದಲ್ಲಿ ಇವರಿಗೆ ಸ್ಥಾನ ಸಿಗುವುದು ಅನುಮಾನ ಎನ್ನಲಾಗಿದೆ. ಜತೆಗೆ ಆಯುಷ್ ಬದೋನಿ ಕೂಡ ಬೆಂಚ್ ಕಾಯಬೇಕಾಗಬಹುದು. ಇವರ ಸ್ಥಾನದಲ್ಲಿ ದೀಪಕ್ ಹೂಡಾ ಕಣಕ್ಕಿಳಿಯಬಹುದು.
ಬೌಲಿಂಗ್ ವಿಭಾಗದಲ್ಲಿ ನವೀನ್ ಉಲ್ ಹಕ್ ಬದಲು ಶಮರ್ ಜೋಸೆಫ್ ಆಡುವ ಬಳಗದಲ್ಲಿ ಕಾಣಿಸಬಹುದು. ಕಳೆದ ಪಂದ್ಯದಲ್ಲಿ ಐದು ವಿಕೆಟ್ ಕಬಳಿಸಿದ ಯಶ್ ಠಾಕೂರ್ ಮತ್ತು ಕೃನಾಲ್ ಪಾಂಡ್ಯ ಮೇಲೆ ತಂಡ ಈ ಪಂದ್ಯದಲ್ಲಿಯೂ ಹೆಚ್ಚಿನ ಬರವಸೆ ಇರಿಸಿದೆ. ಗಾಯಾಳು ಮಯಾಂಕ್ ಯಾದವ್ ಈ ಪಂದ್ಯದಲ್ಲಿಯೂ ಆಡುವುದು ಅನುಮಾನವಾಗಿದೆ.
ಇದನ್ನೂ ಓದಿ IPL 2024: ಸೋಲಿನ ಆಘಾತದ ಮಧ್ಯೆ ಸಂಜುಗೆ ಬಿತ್ತು 12 ಲಕ್ಷ ರೂ. ದಂಡ
The “two centimetres” was personal 💀🤣 pic.twitter.com/aFUp6rlnvl
— Lucknow Super Giants (@LucknowIPL) April 10, 2024
ಡೆಲ್ಲಿ ಕ್ಯಾಪಿಲಟ್ಸ್ ತಂಡ ಬೌಲಿಂಗ್ ಮತ್ತು ಬ್ಯಾಟಿಂಗ್ ಸಾಧಾರಣ ಮಟ್ಟದಿಂದ ಕೂಡಿದೆ. ಬ್ಯಾಟಿಂಗ್ ತಕ್ಕ ಮಟ್ಟಿನಲ್ಲಿದ್ದರೂ ಬೌಲಿಂಗ್ ಮಾತ್ರ ತೀರಾ ಕಳಪೆ. ಅದರಲ್ಲೂ ಅನುಭವಿ ಅನ್ರಿಜ್ ನೋರ್ಜೆ ಪ್ರತಿ ಪಂದ್ಯದಲ್ಲಿಯೂ 50ಕ್ಕಿಂತ ಹೆಚ್ಚಿನ ರನ್ ಬಿಟ್ಟುಕೊಡುತ್ತಿದ್ದಾರೆ. ಖಲೀಲ್ ಅಹ್ಮದ್, ಅಕ್ಷರ್ ಪಟೇಲ್ ಮತ್ತು ಇಶಾಂತ್ ಕೂಡ ಓವರ್ಗೆ 10ರ ಸರಾಸರಿಯಲ್ಲಿ ರನ್ ಬಿಟ್ಟುಕೊಡುತ್ತಿದ್ದಾರೆ. ಬೌಲಿಂಗ್ ಸುಧಾರಣೆ ಕಾಣದ ಹೊರತು ಡೆಲ್ಲಿಗೆ ಗೆಲುವು ದೂರದ ಮಾತು.
ಮುಖಾಮುಖಿ
ಡೆಲ್ಲಿ ಮತ್ತು ಲಕ್ನೋ ತಂಡ ಇದುವರೆಗೆ ಮೂರು ಬಾರಿ ಮುಖಾಮುಖಿಯಾಗಿವೆ. ಈ ಮೂರು ಪಂದ್ಯಗಳನ್ನು ಕೂಡ ಲಕ್ನೋ ತಂಡ ಗೆದ್ದಿದೆ. ಹೀಗಾಗಿ ಡೆಲ್ಲಿ ತಂಡ ಲಕ್ನೋ ವಿರುದ್ಧ ಮೊದಲ ಗೆಲುವಿನ ನಿರೀಕ್ಷೆಯಲ್ಲಿದೆ. ಭಾರತ ರತ್ನ ಶ್ರೀ ಅಟಲ್ಬಿಹಾರಿ ವಾಜಪೇಯಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿರುವ ಪಿಚ್ ವಿಭಿನ್ನವಾಗಿ ವರ್ತಿಸುತ್ತದೆ. ಇದಕ್ಕೆ ಕಳೆದ ಆವೃತ್ತಿಯ ಫಲಿತಾಂಶವೇ ಉತ್ತಮ ನಿದರ್ಶನ. ಬೇರೆಲ್ಲ ಪಿಚ್ಗಳಲ್ಲಿ ರನ್ ಮಳೆ ಸುರಿದಂತೆ ಇಲ್ಲಿ ರನ್ ಗಳಿಸಲು ಅಷ್ಟು ಸುಲಭವಲ್ಲ. ಕಪ್ಪು ಮಣ್ಣು ಮಿಶ್ರಿತ ಪಿಚ್ ಇದಾಗಿದ್ದು ಬ್ಯಾಟರ್ಗಳು ರನ್ ಗಳಿಸಲು ಹೆಣಗಾಡಿದ್ದಾರೆ. ಸದ್ಯ ಈ ಪಂದ್ಯದಲ್ಲಿ ಪಿಚ್ ಹೇಗೆ ವರ್ತಿಸಲಿದೆ ಎಂದು ಕಾದು ನೋಡಬೇಕಿದೆ.
📹 | "Wow, it's happening for real" ❤️💙
— Delhi Capitals (@DelhiCapitals) April 11, 2024
🗣️ Hear out JFM's journey to #IPL2024 on our latest episode of #DilliMeinAapkaSwagatHai 🤩#YehHaiNayiDilli pic.twitter.com/zhbgG00o5Z
ಸಂಭಾವ್ಯ ತಂಡ
ಲಕ್ನೋ: ಕ್ವಿಂಟನ್ ಡಿ ಕಾಕ್, ಕೆಎಲ್ ರಾಹುಲ್ (ನಾಯಕ), , ಮಾರ್ಕಸ್ ಸ್ಟೊಯಿನಿಸ್, ನಿಕೋಲಸ್ ಪೂರನ್, ದೀಪಕ್ ಹೂಡಾ, ಕೃನಾಲ್ ಪಾಂಡ್ಯ, ರವಿ ಬಿಷ್ಣೋಯ್, ಯಶ್ ಠಾಕೂರ್, ಶಮರ್ ಜೋಸೆಫ್, ಮಯಾಂಕ್ ಯಾದವ್, ಮಣಿಮಾರನ್ ಸಿದ್ಧಾರ್ಥ್, ಅರ್ಶಿನ್ ಕುಲಕರ್ಣಿ.
ಡೆಲ್ಲಿ ಕ್ಯಾಪಿಟಲ್ಸ್: ಪೃಥ್ವಿ ಶಾ, ಡೇವಿಡ್ ವಾರ್ನರ್, ಮಿಚೆಲ್ ಮಾರ್ಷ್, ರಿಷಭ್ ಪಂತ್ (ನಾಯಕ), ಟ್ರಿಸ್ಟಾನ್ ಸ್ಟಬ್ಸ್, ಅಕ್ಷರ್ ಪಟೇಲ್, ಸುಮಿತ್ ಕುಮಾರ್, ರಸಿಖ್ ದಾರ್ ಸಲಾಂ, ಅನ್ರಿಚ್ ನಾರ್ಜೆ, ಇಶಾಂತ್ ಶರ್ಮಾ, ಖಲೀಲ್ ಅಹ್ಮದ್.