ಲಕ್ನೋ: ಆರಂಭಿಕ ಪಂದ್ಯ ಸೋತು ಆ ಬಳಿಕದ 2 ಪಂದ್ಯಗಳಲ್ಲಿ ಸತತವಾಗಿ ಗೆಲುವು ಕಂಡಿರುವ ಕನ್ನಡಿಗ ಕೆ.ಎಲ್ ರಾಹುಲ್ ಸಾರಥ್ಯದ ಲಕ್ನೋ ಸೂಪರ್ ಜೈಂಟ್ಸ್(LSG vs GT) ಮತ್ತು ಗೆಲುವಿನ ಶುಭಾರಂಭ ಕಂಡು ಬಳಿಕ ಸೋಲಿನ ಹಾದಿ ಹಿಡಿದಿರುವ ಶುಭಮನ್ ಗಿಲ್ ನೇತೃತ್ವದ ಗುಜರಾತ್ ಟೈಟಾನ್ಸ್ ಭಾನುವಾರದ ದ್ವಿತೀಯ(IPL 2024) ಪಂದ್ಯದಲ್ಲಿ ಮುಖಾಮುಖಿಯಾಗಲಿದೆ.
ಪೂರನ್-ಡಿ ಕಾಕ್ ಪ್ರಚಂಡ ಫಾರ್ಮ್
ಲಕ್ನೋ ತಂಡದ ಬಲವೆಂದರೆ ವಿಂಡೀಸ್ ಬ್ಯಾಟರ್ ನಿಕೋಲಸ್ ಪೂರನ್ ಮತ್ತು ಡಿ ಕಾಕ್ ಅವರ ಪ್ರಚಂಡ ಬ್ಯಾಟಿಂಗ್. ಜತೆಗೆ ಮಯಾಂಕ್ ಯಾದವ್ ಅವರ ಘಾತಕ ಬೌಲಿಂಗ್ ದಾಳಿ. ಗಂಟೆಗೆ 150ಕ್ಕಿಂತ ವೇಗದಲ್ಲಿ ಚೆಂಡೆಸೆದು ಎದುರಾಳಿ ಬ್ಯಾಟರ್ಗಳನ್ನು ಬೇಟೆಯಾಡುವಲ್ಲಿ ಈಗಾಗಲೇ ಅವರು ಯಶಸ್ಸು ಕಂಡಿದ್ದಾರೆ. ಅನುಭವಿ ಆಟಗಾರರು ಕೂಡ ಇವರ ಎಸೆತಕ್ಕೆ ತಡೆಯೊಡ್ಡಲು ವಿಫಲರಾಗಿದ್ದಾರೆ. ಹೀಗಾಗಿ ನಾಳಿನ ಪಂದ್ಯದಲ್ಲಿಯೂ ಇವರೇ ಪ್ರಮುಖ ಆಕರ್ಷಣೆ.
Matchday -1 🗿🔥 pic.twitter.com/8215gtAn4i
— Lucknow Super Giants (@LucknowIPL) April 6, 2024
ಗುಜರಾತ್ ಸಾಮಾನ್ಯ ತಂಡ
ಗುಜರಾತ್ ತಂಡ ಯುವ ಆಟಗಾರರನ್ನೇ ಪ್ರಮುಖವಾಗಿ ನೆಚ್ಚಿಕೊಂಡಿದೆ. ಮೋಹಿತ್ ಶರ್ಮ ಸ್ಲೋ ಬೌಲಿಂಗ್ ನಡಸಿ ಗಮನಸೆಳೆದರೂ ಕೂಡ ಉಳಿದ ಬೌಲರ್ಗಳಿಂದ ನಿರೀಕ್ಷಿತಮಟ್ಟದ ಪ್ರದರ್ಶನ ಕಂಡುಬರುತ್ತಿಲ್ಲ. ಇದೇ ಕಾರಣಕ್ಕೆ ಕಳೆದ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ 199ರನ್ ಬಾರಿಸಿದರೂ ಇದನ್ನು ಉಳಿಸಿಕೊಳ್ಳುವಲ್ಲಿ ವಿಫಲವಾಗಿತ್ತು. ವಿಶ್ವದ ಟಾಪ್ ಸ್ಪಿನ್ನರ್ ರಶೀದ್ ಖಾನ್ ಅವರು ಈ ಹಿಂದೆ ತೋರುತ್ತಿದ್ದ ಪ್ರದರ್ಶನವನ್ನು ತೋರುತ್ತಿಲ್ಲ. ಗಿಲ್ ಬ್ಯಾಟಿಂಗ್ ಫಾರ್ಮ್ಗೆ ಮರಳಿದ್ದು ತಂಡಕ್ಕೆ ಕೊಂಚ ಬಲ ತಂದಿದೆ.
ಇದನ್ನೂ ಓದಿ IPL 2024: ಪಂದ್ಯ ಗೆದ್ದ ಸಂತಸದಲ್ಲಿ ಕುಣಿದು ಕುಪ್ಪಳಿಸಿದ ಹೈದರಾಬಾದ್ ತಂಡದ ಮಾಲಕಿ; ವಿಡಿಯೊ ವೈರಲ್
We’re home. We’re ready 🔥 pic.twitter.com/YOFObZgy4z
— Lucknow Super Giants (@LucknowIPL) April 5, 2024
ಕಳೆದ ಆವೃತ್ತಿಯ ಪಂದ್ಯವೊಂದಲ್ಲಿ ಶ್ರೇಷ್ಠ ಪ್ರದರ್ಶನ ತೋರಿದ್ದ ಆಯುಷ್ ಬದೋನಿ ಆ ಬಳಿಕದ ಆಡಿದ ಎಲ್ಲ ಪಂದ್ಯಗಳಲ್ಲಿಯೂ ವಿಫಲರಾಗಿದ್ದರು. ಈ ಆವೃತ್ತಿಯಲ್ಲಿಯೂ ಅವರು ಆಡಿದ ಮೂರು ಪಂದ್ಯಗಳಲ್ಲಿಯೂ ಒಂದಂಕಿ ಗಡಿ ದಾಟಿಲ್ಲ. ಹೀಗಾಗಿ ಇವರನ್ನು ಈ ಪಂದ್ಯಕ್ಕೆ ಬೆಂಚ್ ಕಾಯಿಸುವುದು ಖಚಿತ. ಇವರ ಸ್ಥಾನದಲ್ಲಿ ದೀಪಕ್ ಹೂಡಾ ಆಡಬಹುದು. ಮಾರ್ಕಸ್ ಸ್ಟೋಯಿನಿಸ್ ಕೂಡ ಬ್ಯಾಟಿಂಗ್ ಫಾರ್ಮ್ ಕಂಡುಕೊಳ್ಳುವ ಅನಿವಾರ್ಯತೆ ಇದೆ.
ಮುಖಾಮುಖಿ
ಉಭಯ ತಂಡಗಳು ಇದುವರೆಗೆ 4 ಪಂದ್ಯಗಳಲ್ಲಿ ಮುಖಾಮುಖಿಯಾಗಿವೆ. ಆದರೆ ಎಲ್ಲ ನಾಲ್ಕು ಪಂದ್ಯಗಳನ್ನು ಕೂಡ ಗುಜರಾತ್ ತಂಡವೇ ಗೆದ್ದು ಬೀಗಿದೆ. ಹೀಗಾಗಿ ಲಕ್ನೋ ತಂಡ ಗುಜರಾತ್ ವಿರುದ್ಧ ಮೊದಲ ಗೆಲುವಿನ ನಿರೀಕ್ಷೆಯಲ್ಲಿದೆ. ಏಕಾನ ಸ್ಟೇಡಿಯಂನಲ್ಲಿ ಕಳೆದ ಆವೃತ್ತಿಯಲ್ಲಿ ಆಡಿದ ಪಂದ್ಯ ಕೂಡ ಲಕ್ನೋ ಸೋಲು ಕಂಡಿತ್ತು.
The only kind of ASMR videos we like! 💙#AavaDe | #GTKarshe | #TATAIPL2024 pic.twitter.com/OtfsjsSyaj
— Gujarat Titans (@gujarat_titans) April 6, 2024
ಪಿಚ್ ರಿಪೋರ್ಟ್
ಭಾರತ ರತ್ನ ಶ್ರೀ ಅಟಲ್ಬಿಹಾರಿ ವಾಜಪೇಯಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿರುವ ಪಿಚ್ ವಿಭಿನ್ನವಾಗಿ ವರ್ತಿಸುತ್ತದೆ. ಇದಕ್ಕೆ ಕಳೆದ ಆವೃತ್ತಿಯ ಫಲಿತಾಂಶವೇ ಉತ್ತಮ ನಿದರ್ಶನ. ಬೇರೆಲ್ಲ ಪಿಚ್ಗಳಲ್ಲಿ ರನ್ ಮಳೆ ಸುರಿದಂತೆ ಇಲ್ಲಿ ರನ್ ಗಳಿಸಲು ಅಷ್ಟು ಸುಲಭವಲ್ಲ. ಕಪ್ಪು ಮಣ್ಣು ಮಿಶ್ರಿತ ಪಿಚ್ ಇದಾಗಿದ್ದು ಬ್ಯಾಟರ್ಗಳು ರನ್ ಗಳಿಸಲು ಹೆಣಗಾಡಿದ್ದಾರೆ. ಸದ್ಯ ಈ ಪಂದ್ಯದಲ್ಲಿ ಪಿಚ್ ಹೇಗೆ ವರ್ತಿಸಲಿದೆ ಎಂದು ಕಾದು ನೋಡಬೇಕಿದೆ.
ಸಂಭಾವ್ಯ ತಂಡ
ಗುಜರಾತ್: ವೃದ್ಧಿಮಾನ್ ಸಹಾ (ವಿಕೆಟ್ ಕೀಪರ್), ಶುಭಮನ್ ಗಿಲ್ (ನಾಯಕ), ಸಾಯಿ ಸುದರ್ಶನ್, ಕೇನ್ ವಿಲಿಯಮ್ಸನ್, ವಿಜಯ್ ಶಂಕರ್, ಅಜ್ಮತುಲ್ಲಾ ಒಮರ್ಜಾಯ್, ರಾಹುಲ್ ತೆವಾಟಿಯಾ, ರಶೀದ್ ಖಾನ್, ನೂರ್ ಅಹ್ಮದ್, ಉಮೇಶ್ ಯಾದವ್, ದರ್ಶನ್ ನಲ್ಕಂಡೆ.
ಲಕ್ನೋ: ಕ್ವಿಂಟನ್ ಡಿ ಕಾಕ್, ಕೆಎಲ್ ರಾಹುಲ್ (ನಾಯಕ), ದೇವದತ್ ಪಡಿಕ್ಕಲ್, ಮಾರ್ಕಸ್ ಸ್ಟೊಯಿನಿಸ್, ನಿಕೋಲಸ್ ಪೂರನ್, ಆಯುಷ್ ಬದೋನಿ, ಕೃನಾಲ್ ಪಾಂಡ್ಯ, ರವಿ ಬಿಷ್ಣೋಯ್, ಯಶ್ ಠಾಕೂರ್, ನವೀನ್-ಉಲ್-ಹಕ್, ಮಯಾಂಕ್ ಯಾದವ್, ಮಣಿಮಾರನ್ ಸಿದ್ಧಾರ್ಥ್.