ಮುಂಬಯಿ: ಬಹುಭಾಷಾ ನಟ ಆರ್. ಮಾಧವನ್ ಅವರ ಪುತ್ರ ವೇದಾಂತ್ ಈಜು ಪಟುವಾಗಿದ್ದು (Swimming), ಭಾರತದ ಪ್ರತಿಭಾನ್ವಿತ ಅಥ್ಲೀಟ್ಗಳಲ್ಲಿ ಒಬ್ಬರು. ಅವರು ನ್ಯಾಷನಲ್ ಅಕ್ವಾಟಿಕ್ ಚಾಂಪಿಯನ್ಷಿಪ್ನ ಜೂನಿಯರ್ ವಿಭಾಗದಲ್ಲಿ ನೂತನ ರಾಷ್ಟ್ರೀಯ ದಾಖಲೆಯೊಂದನ್ನು ಸೃಷ್ಟಿಸಿದ್ದಾರೆ.
ವೇದಾಂತ್ ಮಾಧವನ್, ಚಾಂಪಿಯನ್ಷಿಪ್ನ ಬಾಲಕರ ಗುಂಪು 1 ವಿಭಾಗದ 1,500 ಮೀಟರ್ ಫ್ರೀಸ್ಟೈಲ್ ಸ್ಪರ್ಧೆಯನ್ನು 16: 01.73 ನಿಮಿಷಗಳಲ್ಲಿ ಪೂರ್ಣಗೊಳಿಸುವ ಮೂಲಕ ಚಾಂಪಿಯನ್ ಪಟ್ಟ ಅಲಂಕರಿಸಿ, ಹೊಸ ದಾಖಲೆಯೊಂದನ್ನು ಸೃಷ್ಟಿಸಿದರು.
2017ರಲ್ಲಿ ಮಧ್ಯಪ್ರದೇಶದ ಈಜುಪಟು ಅದ್ವೈತ್ ಪಾಗೆ 16:06.43 ನಿಮಿಷಗಳಲ್ಲಿ 1500 ಮೀಟರ್ ಫ್ರೀಸ್ಟೈಲ್ನಲ್ಲಿ ರಾಷ್ಟ್ರೀಯ ದಾಖಲೆ ಸೃಷ್ಟಿಸಿದ್ದರು. ಅದನ್ನು ಅದ್ವೈತ್ ಮಾಧವನ್ ಅಳಿಸಿ ಹಾಕಿದ್ದಾರೆ.
ಮಗನ ಬಗ್ಗೆ ಮಾಧನವ್ ಹೆಮ್ಮೆಯ ಮಾತು
ನಟ ಮಾಧವನ್ ಅವರು ತಮ್ಮ ಪುತ್ರನ ಸಾಧನೆಯ ಬಗ್ಗೆ ಹರ್ಷ ವ್ಯಕ್ತಪಡಿಸಿದ್ದಾರೆ. ಈ ಕುರಿತು ಟ್ವೀಟ್ ಮಾಡಿರುವ ಅವರು “Never say never. National Junior Record for 1500m freestyle broken” ಎಂದು ಬರೆದುಕೊಂಡಿದ್ದಾರೆ.
ವೇದಾಂತ್ ಮಾಧವನ್, ಕೆಲವು ತಿಂಗಳ ಹಿಂದೆ ಡೆನ್ಮಾರ್ಕ್ನ ಕೋಪನ್ಹೇಗನ್ನಲ್ಲಿ ನಡೆದ ಡ್ಯಾನಿಶ್ ಓಪನ್-2022 ಈಜು ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದು ಸಾಧನೆ ಮಾಡಿದ್ದರು. ಈ ವೇಳೆಯೂ ಮಾಧವನ್ ಸಂಭ್ರಮ ವ್ಯಕ್ತಪಡಿಸಿದ್ದರು. ನಾನು ಮುಂಬಯಿಯ ರಸ್ತೆಯೊಂದರ ಬಳಿ ನಡೆದುಕೊಂಡು ಹೋಗುತ್ತಿದ್ದಾಗ ಸಾಕಷ್ಟು ಜನ ನನ್ನೆಡೆಗೆ ನಗೆ ಬೀರುತ್ತಾರೆ. ನಾನು ನನ್ನ ರಾಕೆಟ್ರಿ ಸಿನೆಮಾದ ಯಶಸ್ಸಿನ ಹಿನ್ನೆಲೆಯಲ್ಲಿ ನಗುತ್ತಿದ್ದಾರೆ ಎಂದು ಅಂದುಕೊಂಡಿದ್ದೆ. ಆದರೆ ಅವರೆಲ್ಲರೂ ವೇದಾಂತ್ ಚಿನ್ನ ಗೆದ್ದಿರುವ ಬಗ್ಗೆಯೇ ಪ್ರಶ್ನೆ ಕೇಳುತ್ತಿದ್ದರು ಎಂದು ಹೇಳಿದ್ದಾರೆ.
ಇದನ್ನೂ ಓದಿ | ಯಲಹಂಕದಲ್ಲಿ ಕ್ರೀಡಾ ವಿಶ್ವವಿದ್ಯಾಲಯ: ಕ್ರೀಡಾ ಸಚಿವ ನಾರಾಯಣಗೌಡ