ರಾಂಚಿ: ಟೀಮ್ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ(MS Dhoni) ಅವರು ರಾಂಚಿ ಸ್ಟೇಡಿಯಂನಲ್ಲಿ ಟಿವಿಎಸ್ ಕಂಪನಿಯ ಅಪಾಚೆ ಆರ್‌ಆರ್310(TVS Apache RR310) ಬೈಕ್ ಓಡಿಸಿ ಗಮನ ಸೆಳೆದಿದ್ದಾರೆ. ಧೋನಿ ಬೈಕ್ ಓಡಿಸುತ್ತಿರುವ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಧೋನಿ ಅವರು ಬೈಕ್ ಪ್ರೇಮಿಯಾಗಿದ್ದು ಅವರ ಬಳಿ ಹಲವು ಕಂಪೆನಿಗಳ ಸ್ಪೋರ್ಟ್ಸ್ ಬೈಕ್ಗಳಿವೆ. ಹಲವಾರು ಬಾರಿ ಅವರು ಬೈಕ್ ರೈಡಿಂಗ್ ಮಾಡಿ ಗಮನ ಸೆಳೆದಿದ್ದಾರೆ. ಇದೀಗ ರಾಂಚಿ ಸ್ಟೇಡಿಯಂಗೆ ಅವರು ಬೈಕ್ ಮೂಲಕ ಏಕಾಂಗಿಯಾಗಿ ಬಂದು ಪಂದ್ಯ ವೀಕ್ಷಿಸಿ ತೆರಲಿದ್ದಾರೆ. ಧೋನಿ ಸ್ಟೇಡಿಯಂನಿಂದ ಬೈಕ್ನಲ್ಲಿ ಮನೆಗೆ ತೆರಳುತ್ತಿರುವ ವಿಡಿಯೊ ವೈರಲ್ ಆಗಿದೆ.
ಧೋನಿ ಅವರು ಟೀಮ್ ಇಂಡಿಯಾ ಪರ ಆಡುತ್ತಿದ್ದ ಸಮಯದಲ್ಲಿ ಸಹ ಆಟಗಾರರಿಗೆ ಪಂದ್ಯಶ್ರೇಷ್ಠ ಪ್ರಶಸ್ತಿಯು ಬೈಕ್ ರೂಪದಲ್ಲಿ ಸಿಕ್ಕಿದ ವೇಳೆ ಮೈದಾನದಲ್ಲಿ ಒಂದೆಡರು ಸುತ್ತು ಓಡಿಸುತ್ತಿದ್ದರು. ಸದ್ಯ ಧೋನಿ ಮುಂಬರುವ 2023ನೇ ಸಾಲಿನ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಗೆ ಭರ್ಜರಿ ಅಭ್ಯಾಸ ನಡೆಸುತ್ತಿದ್ದಾರೆ.