ಪರ್ತ್‌ : ಆಲ್‌ರೌಂಡರ್‌ ಮಾರ್ಕಸ್‌ ಸ್ಟೊಯ್ನಿಸ್‌ (೫೯ ರನ್, ೧೮ ಎಸೆತ, ೪ ಫೋರ್‌, ೬ ಸಿಕ್ಸರ್‌) ಅವರ ಸ್ಫೋಟಕ ಬ್ಯಾಟಿಂಗ್‌ ನೆರವಿನಿಂದ ಮಿಂಚಿದ ಆತಿಥೇಯ ಆಸ್ಟ್ರೇಲಿಯಾ ತಂಡ, ಟಿ೨೦ ವಿಶ್ವ ಕಪ್‌ ಪಂದ್ಯದಲ್ಲಿ ಶ್ರೀಲಂಕಾ ತಂಡದ ವಿರುದ್ಧ ಜಯ ಸಾಧಿಸಿತು. ಈ ಮೂಲಕ ಗುಂಪು ಹಂತದ ತನ್ನ ಎರಡನೇ ಪಂದ್ಯದಲ್ಲಿ ಏಷ್ಯಾ ಕಪ್‌ ಚಾಂಪಿಯನ್‌ ತಂಡ ಸೋಲು ಕಂಡಿತು.
ಪರ್ತ್‌ ಕ್ರಿಕೆಟ್‌ ಸ್ಟೇಡಿಯಮ್‌ನಲ್ಲಿ ಮಂಗಳವಾರ ಮಧ್ಯಾಹ್ನ (ಭಾರತೀಯ ಕಾಲಮಾನ) ನಡೆದ ಪಂದ್ಯದಲ್ಲಿ ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ ಶ್ರೀಲಂಕಾ ತಂಡ ನಿಗದಿತ ೨೦ ಓವರ್‌ಗಳಲ್ಲಿ ೬ ವಿಕೆಟ್ ನಷ್ಟಕ್ಕೆ ೧೫೭ ರನ್ ಬಾರಿಸಿತು. ಗುರಿ ಬೆನ್ನಟ್ಟಿದ ಆಸೀಸ್‌ ಬಳಗ ಇನ್ನೂ ೨೧ ಎಸೆತಗಳು ಬಾಕಿ ಇರುವಂತೆಯೇ ೩ ವಿಕೆಟ್ ಕಳೆದುಕೊಂಡು ೧೫೮ ರನ್ ಬಾರಿಸಿ ಜಯ ಶಾಲಿಯಾಯಿತು.
ಸ್ಪರ್ಧಾತ್ಮಕ ಗುರಿ ಬೆನ್ನಟ್ಟಿದ ಆಸೀಸ್‌ ತಂಡದ ಪರ ಸ್ಟೋಯ್ನಿಸ್ ಅವರಲ್ಲದೆ, ಆರೋನ್‌ ಫಿಂಚ್‌ (೩೧), ಗ್ಲೆನ್‌ ಮ್ಯಾಕ್ಸ್‌ವೆಲ್‌ (೨೩) ತಂಡದ ಗೆಲುವಿಗೆ ನೆರವಾದರು.
ಅದಕ್ಕಿಂತ ಮೊದಲು ಬ್ಯಾಟ್‌ ಮಾಡಿದ ಲಂಕಾ ತಂಡದ ಪರ ಆರಂಭಿಕ ಬ್ಯಾಟರ್‌ ಪಾಥುಮ್‌ ನಿಸ್ಸಾಂಕ ೪೦ ರನ್ ಬಾರಿಸಿ ಗರಿಷ್ಠ ಸ್ಕೋರರ್‌ ಎನಿಸಿಕೊಂಡರು. ಚರಿತ್‌ ಅಸಲಂಕಾ (೩೮) ಹಾಗೂ ಧನಂಜಯ ಡಿಸಿಲ್ವಾ (೨೬) ತಮ್ಮ ಕೊಡುಗೆ ಕೊಟ್ಟರು.
ಇದನ್ನೂ ಓದಿ | Team India | ಚಂದದ ಕಾರನ್ನು ಶೆಡ್‌ನಲ್ಲಿಡಲಾಗಿದೆ; ಟೀಮ್‌ ಇಂಡಿಯಾ ಬಗ್ಗೆ ಬ್ರೆಟ್‌ ಲೀ ಮಾತಿನ ಹುರುಳೇನು?