ಲೀಡ್ಸ್: ಆ್ಯಶಸ್ ಸರಣಿಯ ಮೂರನೇ ಪಂದ್ಯ ಲೀಡ್ಸ್ ನ ಹೆಡಿಂಗ್ಲೆ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಗುರುವಾರ ಆರಂಭವಾಗಿದ್ದು ಮೊದಲ ದಿನ 13 ವಿಕೆಟ್ಗಳು ಪತನಗೊಂಡಿವೆ. ಟಾಸ್ ಸೋತ ಆಸ್ಟ್ರೇಲಿಯಾ ತಂಡ ಮೊದಲು ಬ್ಯಾಟ್ ಮಾಡಲು ಅಹ್ವಾನ ಪಡೆಯಿತು. ಮಿಚೆಲ್ ಮಾರ್ಷ್ (118) ಅವರ ಶತಕದ ಹೊರತಾಗಿಯೂ 263 ರನ್ಗಳಿಗೆ ಆಲ್ಔಟ್ ಆಯಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಇಂಗ್ಲೆಂಡ್ ದಿನದಾಟ ಅಂತ್ಯಗೊಂಡಾಗ 3 ವಿಕೆಟ್ ನಷ್ಟಕ್ಕೆ 68 ರನ್ ಬಾರಿಸಿದೆ. ಆತಿಥೇಯ ಇಂಗ್ಲೆಂಡ್ ತಂಡ 195 ರನ್ಗಳ ಹಿನ್ನಡೆಯಲ್ಲಿದೆ.
An eventful day one saw 13 wickets fall in Leeds in the third #Ashes Test.#WTC25 | #ENGvAUS 📝: https://t.co/CIqx6cW10r pic.twitter.com/Huu5aCgC3G
— ICC (@ICC) July 6, 2023
ಟಾಸ್ ಸೋತು ಬ್ಯಾಟ್ ಮಾಡಲು ಆರಂಭಿಸಿದ ಆಸ್ಟ್ರೇಲಿಯಾ ತಂಡ ಡೇವಿಡ್ ವಾರ್ನರ್ (4 ರನ್) ವಿಕೆಟ್ ಬೇಗನೆ ಕಳೆದುಕೊಳ್ಳುವ ಮೂಲಕ ಆರಂಭಿಕ ಹಿನ್ನಡೆಗೆ ಒಳಗಾಯಿತು. ಉಸ್ಮಾನ್ ಖ್ವಾಜಾ 13 ರನ್ಗಳಿಗೆ ಔಟಾದರೆ, ಮರ್ನಸ್ ಲಾಬುಶೇನ್ 21 ರನ್ ಬಾರಿಸಿ ಔಟಾದರು. ಬಳಿಕ ಸ್ಟೀವ್ ಸ್ಮಿತ್ (22) ಹಾಗೂ ಟ್ರಾವಿಡ್ ಹೆಡ್ (39) ಸ್ವಲ್ಪ ಹೊತ್ತು ರನ್ ಪೇರಿಸಿದರು.
ಮಾರ್ಷ್ ಶತಕ:
ಒಂದು ಬದಿಯಲ್ಲಿ ವಿಕೆಟ್ಗಳು ಉರುಳುತ್ತಿದ್ದರೂ ಮತ್ತೊಂದು ತುದಿಯಲ್ಲಿ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಆಸ್ಟ್ರೇಲಿಯಾ ತಂಡದ ಮಧ್ಯಮ ಕ್ರಮಾಂಕದ ಬ್ಯಾಟರ್ ಮಿಚೆಲ್ ಮಾರ್ಷ್ ಶತಕ ಬಾರಿಸಿದರು. ಕೇವಲ 2 ಗಂಟೆಗಳ ಕಾಲ ಕ್ರೀಸ್ನಲ್ಲಿ ನಿಂತ ಅವರು 118 ಎಸೆತಗಳನ್ನು ಎದುರಿಸಿದ ಅಷ್ಟೇ ರನ್ ಬಾರಿಸಿದರು. ಫೋರ್, ಸಿಕ್ಸರ್ಗಳ ಮೂಲಕವೇ ಅವರು ದೊಡ್ಡ ಮೊತ್ತ ಪೇರಿಸಿದರು. ಅವರ ಇನಿಂಗ್ಸ್ನಲ್ಲಿ 17 ಫೋರ್ ಹಾಗೂ 4 ಸಿಕ್ಸರ್ಗಳಿವೆ. ಅವರು ಔಟಾದ ಬಳಿಕ ಮತ್ತೆ ಆಸೀಸ್ ಬ್ಯಾಟಿಂಗ್ ಪಡೆ ಪತನಗೊಂಡಿತು. ಅಲೆಕ್ಸ್ ಕ್ಯೇರಿ 8 ರನ್ ಬಾರಿಸಿದರೆ ಸ್ಟಾರ್ಕ್ 2 ರನ್ಗೆ ಸೀಮಿತಗೊಂಡರು. ಪ್ಯಾಟ್ ಕಮಿನ್ಸ್ ಶೂನ್ಯಕ್ಕೆ ಔಟಾದರು. ಇಂಗ್ಲೆಂಡ್ ತಂಡ ಪರ ಮಾರ್ಕ್ ವುಡ್ 34 ರನ್ ನೀಡಿ 5 ವಿಕೆಟ್ ಉರುಳಿಸಿದರೆ, ಕ್ರಿಸ್ ವೋಕ್ಸ್ 3 ವಿಕೆಟ್ ಪಡೆದರು. ಬ್ರಾಡ್ ಉಳಿದೆರಡು ವಿಕೆಟ್ಗಳನ್ನು ತಮ್ಮದಾಗಿಸಿಕೊಂಡರು.
ಇದನ್ನೂ ಓದಿ : ನಾವಿಬ್ಬರು ಪ್ರತಿಸ್ಪರ್ಧಿಗಳು: sledging ಸಣ್ಣ ವಿಷಯ ಎಂದು ಜಾನಿ ಬೈರ್‌ಸ್ಟೋವ್‌
ಪ್ರತಿಯಾಗಿ ಬ್ಯಾಟ್ಮಾಡಿದ ಇಂಗ್ಲೆಂಡ್ ತಂಡವೂ ಸತತವಾಗಿ ವಿಕೆಟ್ಗಳನ್ನು ಕಳೆದುಕೊಂಡಿತು. ಜಾಕ್ ಕ್ರಾವ್ಲಿ 33 ರನ್ ಬಾರಿಸಿ ಔಟಾದರೆ, ಜೂ ರೂಟ್ 19 ರನ್ ಬಾರಿಸಿ ಆಟ ಮುಂದುವರಿಸಿದ್ದಾರೆ. ಆಸೀಸ್ ಬೌಲಿಂಗ್ ವಿಭಾಗದಲ್ಲಿ ಪ್ಯಾಟ್ ಕಮಿನ್ಸ್ 2 ವಿಕೆಟ್ ಉರುಳಿಸಿದ್ದಾರೆ.