ಬೆಂಗಳೂರು: ಆಸ್ಟ್ರೇಲಿಯಾದ ಮಾಜಿ ಆಟಗಾರ್ತಿ, ಪ್ರಸ್ತುತ ಡೆಲ್ಲಿ ತಂಡದ ನಾಯಕಿಯಾಗಿರುವ ಮೆಗ್ ಲ್ಯಾನಿಂಗ್ (Meg Lanning) ಅವರು ಟಿ20 ಕ್ರಿಕೆಟ್ನಲ್ಲಿ ನೂತನ ದಾಖಲೆಯೊಂದನ್ನು ಬರೆದಿದ್ದಾರೆ. ಟಿ20 ಮಾದರಿಯಲ್ಲಿ ಅತ್ಯಂತ ವೇಗವಾಗಿ 9000 ರನ್ ಗಳಿಸಿದ ಮಹಿಳಾ ಆಟಗಾರ್ತಿ ಎಂಬ ಹಿರಿಮೆಗೆ ಪಾತ್ರರಾಗಿದ್ದಾರೆ. ಭಾನುವಾರ ನಡೆದ ಮಹಿಳಾ ಪ್ರೀಮಿಯರ್ ಲೀಗ್ನ(WPL 2024) ಗುಜರಾತ್ ಜೈಂಟ್ಸ್ ಅರ್ಧಶತಕ ಬಾರಿಸುವ ಮೂಲಕ ಈ ವಿಶೇಷ ಸಾಧನೆ ತಮ್ಮದಾಗಿಸಿಕೊಂಡರು.
ಗುಜರಾತ್ ವಿರುದ್ಧ ಭಾನುವಾರ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಡಬ್ಲ್ಯುಪಿಎಲ್ ಪಂದ್ಯದಲ್ಲಿ ಬಿರುಸಿನ ಬ್ಯಾಟಿಂಗ್ ನಡೆಸಿದ ಮೆಗ್ ಲ್ಯಾನಿಂಗ್ 41 ಎಸೆತ ಎದುರಿಸಿ 6 ಬೌಂಡರಿ ಮತ್ತು 1 ಸಿಕ್ಸರ್ ನೆರವಿನಿಂದ 55 ರನ್ ಬಾರಿಸಿದರು. ಇದೇ ವೇಳೆ ಅವರು ಟಿ20ಯಲ್ಲಿ ಅತಿ ಕಡಿಮೆ ಇನಿಂಗ್ಸ್ ಆಡಿ 9 ಸಾವಿರ ರನ್ಗಳಿಸಿದ ಆಟಗಾರ್ತಿಯಾಗಿ ಎನಿಸಿಕೊಳ್ಳುವ ಮೂಲಕ ಆರ್ಸಿಬಿಯ ಆಟಗಾರ್ತಿ, ನ್ಯೂಜಿಲ್ಯಾಂಡ್ನ ಸೋಫಿ ಡಿವೈನ್ ದಾಖಲೆಯನ್ನು ಮುರಿದರು.
Meg Lanning helps Delhi Capitals to register their third win of the season.
— Sujeet Suman (@sujeetsuman1991) March 3, 2024
They are on the top of the table with back to back three wins.
Delhi looks like on mission and Need some special efforts to beat this new Delhi Teampic.twitter.com/uF6UfAGZJU
ಸೋಫಿ ಡಿವೈನ್ ಅವರು 297 ಇನಿಂಗ್ಸ್ಗಳಿಂದ 9 ಸಾವಿರ ರನ್ ಬಾರಿಸಿ ಇದುವರೆಗೆ ಅಗ್ರಸ್ಥಾನದಲ್ಲಿದ್ದರು. ಆದರೆ, ಈಗ ಅಗ್ರಸ್ಥಾನ ಮೆಗ್ ಲ್ಯಾನಿಂಗ್ ಪಾಲಾಗಿದೆ. ಲ್ಯಾನಿಂಗ್ 289 ಇನಿಂಗ್ಸ್ನಲ್ಲಿ ಈ ಮೈಲಿಗಲ್ಲು ತಲುಪಿದ್ದಾರೆ. ಈ ಸಾಧಕಿಯರ ಪಟ್ಟಿಯಲ್ಲಿ ಆಸ್ಟ್ರೇಲಿಯಾದವರೇ ಆದ ಬೆತ್ ಮೂನಿಗೆ ಮೂರನೇ ಸ್ಥಾನ. ಮೂನಿ 299 ಇನಿಂಗ್ಸ್ನಲ್ಲಿ ಈ ದಾಖಲೆ ಬರೆದಿದ್ದರು.
ಇದನ್ನೂ ಓದಿ T20 World Cup : ಟಿ20 ವಿಶ್ವ ಕಪ್ನಲ್ಲಿ ಭಾರತಕ್ಕೆ ಎಷ್ಟು ಪಂದ್ಯಗಳಿವೆ?
ಅತಿ ವೇಗವಾಗಿ 9 ಸಾವಿರ ಟಿ20 ರನ್ ಗಳಿಸಿದ ಆಟಗಾರ್ತಿಯರು
1. ಮೆಗ್ ಲ್ಯಾನಿಂಗ್-289 ಇನಿಂಗ್ಸ್.
2. ಸೋಫಿ ಡಿವೈನ್-297 ಇನಿಂಗ್ಸ್.
3. ಬೆತ್ ಮೂನಿ-299 ಇನಿಂಗ್ಸ್.
4. ಸುಜಿ ಬೇಟ್ಸ್-323 ಇನಿಂಗ್ಸ್.
Meg Lanning leads the chart! pic.twitter.com/7ihoDW3uYQ
— CricTracker (@Cricketracker) March 4, 2024
5 ವಿಶ್ವಕಪ್‌ ವಿಜೇತ ಆಸ್ಟ್ರೇಲಿಯಾ ತಂಡದ ನಾಯಕಿ ಹಾಗೂ ಸ್ಟಾರ್‌ ಆಟಗಾರ್ತಿಯಾಗಿದ್ದ ಮೆಗ್ ಲ್ಯಾನಿಂಗ್ ಅವರು ಕಳೆದ ವರ್ಷ ನವೆಂಬರ್ನಲ್ಲಿ ದಿಢೀರ್ ಆಗಿ ಎಲ್ಲ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಘೋಷಿಸಿದ್ದರು. ತಮ್ಮ 13 ವರ್ಷಗಳ ಅಂತಾರಾಷ್ಟ್ರೀಯ ಕ್ರಿಕೆಟ್ ವೃತ್ತಿ ಬದುಕಿಗೆ ತೆರೆ ಎಳೆದಿದ್ದರು. 31 ವರ್ಷದ ಮೆಗ್ ಲ್ಯಾನಿಂಗ್ ಅವರು ಬಿಡುವಿಲ್ಲದಷ್ಟು ಕ್ರಿಕೆಟ್ ಪಂದ್ಯಗಳನ್ನು ಆಡುತ್ತ ಬಂದಿರುವ ಕಾರಣ ಮಾನಸಿಕವಾಗಿ ಕುಸಿದಿದ್ದೇನೆ ಎಂದು ಹೇಳುವ ಮೂಲಕ ನಿವೃತ್ತಿ ಹೇಳಿಒದ್ದರು. ಸದ್ಯ ಲೀಗ್ ಕ್ರಿಕೆಟ್ನಲ್ಲಿ ಮಾತ್ರ ಅವರು ತಮ್ಮ ಆಡ ಮುಂದುವರಿಸಿದ್ದಾರೆ. ಲ್ಯಾನಿಂಗ್ ಆರು ಟೆಸ್ಟ್ ಪಂದ್ಯಗಳು, 103 ಏಕದಿನ ಪಂದ್ಯಗಳು ಹಾಗೂ 132 ಟಿ20 ಪಂದ್ಯಗಳಲ್ಲಿ ಪಾಲ್ಗೊಂಡಿದ್ದಾರೆ. 17 ಶತಕಗಳು ಸೇರಿದಂತೆ ಒಟ್ಟಾರೆ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 8000 ರನ್ ಬಾರಿಸಿದ್ದಾರೆ.