ರಾವಲ್ಪಿಂಡಿ: ಪಾಕಿಸ್ತಾನ ಕ್ರಿಕೆಟ್ ತಂಡದ ವಿಕೆಟ್ ಕೀಪರ್ ಕಮ್-ಬ್ಯಾಟರ್ ಮೊಹಮ್ಮದ್ ರಿಜ್ವಾನ್(Mohammad Rizwan) ಅವರು ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಲ್ಲಿ ನೂತನ ದಾಖಲೆಯೊಂದನ್ನು ತಮ್ಮ ಹೆಸರಿಗೆ ಬರೆದಿದ್ದಾರೆ. ಅತಿ ಕಡಿಮೆ ಇನಿಂಗ್ಸ್ಗಳಿಂದ ವೇಗವಾಗಿ 3 ಸಾವಿರ ರನ್ಗಳಿಸಿದ(fastest to 3,000 T20I runs) ಆಟಗಾರ ಎನ್ನುವ ಮೈಲುಗಲ್ಲು ನಿರ್ಮಿಸಿದ್ದಾರೆ. ಈ ಮೂಲಕ ತನ್ನದೇ ದೇಶದ ಬಾಬರ್ ಅಜಂ(Babar Azam) ಮತ್ತು ಟೀಮ್ ಇಂಡಿಯಾದ ವಿರಾಟ್ ಕೊಹ್ಲಿ(Virat Kohli) ಹೆಸರಿನಲ್ಲಿದ್ದ ಜಂಟಿ ದಾಖಲೆಯನ್ನು ಮುರಿದಿದ್ದಾರೆ.
ಶನಿವಾರ ರಾತ್ರಿ ರಾವಲ್ಪಿಂಡಿಯಲ್ಲಿ ನಡೆದಿದ್ದ ನ್ಯೂಜಿಲ್ಯಾಂಡ್ ವಿರುದ್ಧದದ 2ನೇ ಟ್ವಿ20 ಪಂದ್ಯದಲ್ಲಿ ಅಜೇಯ 45 ರನ್ ಬಾರಿಸುವ ಮೂಲಕ ಮೊಹಮ್ಮದ್ ರಿಜ್ವಾನ್ ಈ ದಾಖಲೆ ಬರೆದರು. ಮೊಹಮ್ಮದ್ ರಿಜ್ವಾನ್ ಕೇವಲ 79 ಇನಿಂಗ್ಸ್ಗಳಿಂದ 3 ಸಾವಿರ ರನ್ಗಳ ಗಡಿ ದಾಟಿದರು. ವಿರಾಟ್ ಮತ್ತು ಬಾಬರ್ ಜಂಟಿಯಾಗಿ 81 ಇನಿಂಗ್ಸ್ನಲ್ಲಿ ಈ ಸಾಧನೆ ಮಾಡಿದ್ದರು. ರಿಜ್ವಾನ್ ಪಾಕ್ ಪರ ಟಿ20ಯಲ್ಲಿ ಒಟ್ಟು 3026* ರನ್ ಬಾರಿಸಿದ್ದಾರೆ. ಇದರಲ್ಲಿ ಒಂದು ಶತಕ ಮತ್ತು 26 ಅರ್ಧಶತಕ ಒಳಗೊಂಡಿದೆ.
Take a bow, Mohammad Rizwan 🙇 pic.twitter.com/yRes5QqCnv
— CricWick (@CricWick) April 20, 2024
ಟಿ20ಯಲ್ಲಿ ಅತಿ ವೇಗವಾಗಿ 3 ಸಾವಿರ ರನ್ ಪೂರೈಸಿದ ಬ್ಯಾಟರ್ಗಳು
ಮೊಹಮ್ಮದ್ ರಿಜ್ವಾನ್-79 ಇನಿಂಗ್ಸ್
ಬಾಬರ್ ಅಜಂ-81 ಇನಿಂಗ್ಸ್
ವಿರಾಟ್ ಕೊಹ್ಲಿ-81 ಇನಿಂಗ್ಸ್
ಆರಾನ್ ಫಿಂಚ್-98 ಇನಿಂಗ್ಸ್
ನ್ಯೂಜಿಲ್ಯಾಂಡ್ಗೆ ಹೀನಾಯ ಸೋಲು
ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಪ್ರವಾಸಿ ನ್ಯೂಜಿಲ್ಯಾಂಡ್ ತಂಡ 18.1 ಓವರ್ಗಳಲ್ಲಿ 90 ರನ್ಗೆ ಸರ್ವಪತನ ಕಂಡಿತು. ಗುರಿ ಬೆನ್ನತ್ತಿದ ಪಾಕಿಸ್ತಾನ ರಿಜ್ವಾನ್ ಅವರ ಅಜೇಯ ಆಟದಿಂದ 12.1 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 92 ರನ್ ಬಾರಿಸಿ 7 ವಿಕೆಟ್ ಅಂತರದ ಗೆಲುವು ತನ್ನದಾಗಿಸಿಕೊಂಡಿತು. ಉಭಯ ತಂಡಗಳ ಮೊದಲ ಮುಖಾಮುಖಿ ಮಳೆಯಿಂದ ರದ್ದುಗೊಂಡಿತ್ತು. ಮೂರನೇ ಪಂದ್ಯ ಇಂದು(ಭಾನುವಾರ) ರಾತ್ರಿ ನಡೆಯಲಿದೆ. 5 ಪಂದ್ಯಗಳ ಸರಣಿ ಇದಾಗಿದೆ.
ಇದನ್ನೂ ಓದಿ IPL 2024: ಈ ಬಾರಿಯ ಐಪಿಎಲ್ ಆವೃತ್ತಿಯಲ್ಲಿ ವೇಗದ ಅರ್ಧಶತಕ ಬಾರಿಸಿದ ಮೆಕ್‌ಗುರ್ಕ್
Mohammad Rizwan becomes the fastest to complete 𝟑𝟎𝟎𝟎 T20I runs
— Jerry Bach (@JerryBach333066) April 21, 2024
Big Achievement for him and his team. pic.twitter.com/R26zScbFXd
ಟಿ20 ವಿಶ್ವಕಪ್ ಆಡುವ ಸಲುವಾಗಿ ನಿವೃತ್ತಿಯಿಂದ ಹೊರಬಂದು ಮತ್ತೆ ಕ್ರಿಕೆಟ್ ಆಡುತ್ತಿರುವ ಮೊಹಮ್ಮದ್ ಆಮೀರ್ 3 ಓವರ್ ಎಸೆದು ಕೇವಲ 13 ರನ್ ವೆಚ್ಚದಲ್ಲಿ 2 ವಿಕೆಟ್ ಕಿತ್ತರು. ಮಾಜಿ ನಾಯಕ ಶಾಹೀನ್ ಅಫ್ರಿದಿ ಮೂರು, ಶಾದಾಬ್ ಖಾನ್ ಮತ್ತು ಅಬ್ರಾರ್ ಅಹ್ಮದ್ ತಲಾ 2 ವಿಕೆಟ್ ಉರುಳಿಸಿದರು. ನಾಯಕನಾಗಿ ಮರು ನೇಮಕಗೊಂಡ ಬಾಬರ್ ಅಜಂ 14 ರನ್ಗೆ ಔಟಾಗುವ ಮೂಲಕ ವೈಫಲ್ಯ ಕಂಡರು.