ಚೆನ್ನೈ: ಟೀಮ್ ಇಂಡಿಯಾದ ವಿಶ್ವ ಕಪ್ ವಿಜೇತ ನಾಯಕ ಮಹೇಂದ್ರ ಸಿಂಗ್ ಧೋನಿ (MS Dhoni) ನಟನೆಗೆ ಮುಂದಾಗುವ ಸಾಧ್ಯತೆ ಇದೆ ಎಂದು ಈಗಾಗಲೇ ಅವರ ಪತ್ನಿ ಸಾಕ್ಷಿ ಸುಳಿವೊಂದನ್ನು ನೀಡಿದ್ದರು. ಇದೀಗ ಈ ಮಾತು ನಿಜವಾಗುವಂತೆ ತೋರುತ್ತಿದೆ. ‘ಕ್ಯಾಪ್ಟನ್ ಕೂಲ್’ ಮಾಹಿ ಅವರು ತಲಪತಿ ವಿಜಯ್‌ ಜತೆ ಚಮಕ್ ತೋರಲು ಸಿದ್ಧರಾಗಿದ್ದಾರೆ.
ಎಂ.ಎಸ್ ಧೋನಿ ಪತ್ನಿ ಸಾಕ್ಷಿ(Sakshi Dhoni) ಜತೆಗೂಡಿ ತಮ್ಮದೇ ಧೋನಿ ಎಂಟರ್‌ಟೇನ್‌ಮೆಂಟ್‌ ಮೂಲಕ ಈಗಾಗಲೇ ಚೊಚ್ಚಲ ತಮಿಳು ಸಿನಿಮಾ’ಎಲ್‌ಜಿಎಂ-ಲೆಟ್ಸ್ ಗೆಟ್ ಮ್ಯಾರೀಡ್’ ಎಂಬ ಚಿತ್ರವನ್ನು ನಿರ್ಮಿಸಿದ್ದಾರೆ. ಮಾಡಿದ್ದಾರೆ. ಇದೀಗ ತಾವೇ ಚಿತ್ರದಲ್ಲಿ ನಟಿಸಲು ಮುಂದಾಗಿರುವುದು ಅವರ ಅಭಿಮಾನಿಗಳಿಗೆ ಸಂತಸ ಉಂಟುಮಾಡಿದೆ.
ಈ ಸ್ಟಾರ್ ನಟನೊಂದಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ ಮಾಹಿ
ಧೋನಿ ಅವರು ಯಾವ ನಟನೊಂದಿಗೆ ನಟಿಸಲಿದ್ದಾರೆ ಎಂಬ ಕುತೂಹಲ ಎಲ್ಲರಲ್ಲೂ ಕಾಡಲಾರಂಭಿಸಿದೆ. ಇದಕ್ಕೆ ಉತ್ತರವೂ ಲಭಿಸಿದೆ. ಹೌದು ಧೋನಿ ಅವರು ದಕ್ಷಿಣ ಭಾರತದ ಸೂಪರ್ ಸ್ಟಾರ್ ನಟ ತಲಪತಿ ವಿಜಯ್‌ ಜತೆ ತೆರೆಯ ಮೇಲೆ ಮಿಂಚಲು ರೆಡಿಯಾಗಿದ್ದಾರೆ ಎನ್ನುವ ಸುದ್ದಿಯೊಂದು ಸಾಮಾಜಿಕ ಜಾಲತಾಣದಿಂದ ಬಯಲಾಗಿದೆ. ಇದಕ್ಕೆ ಪೂರಕವೆಂಬಂತೆ ಇಬ್ಬರು ಪರಸ್ಪರ ಭೇಟಿಯಾಗಿ ಮಾತುಕತೆ ನಡೆಸಿ ಜತೆಯಾಗಿ ತೆಗಿಸಿಕೊಂಡ ಫೋಟೊ ಮತ್ತಷ್ಟು ಪುಷ್ಠಿ ನೀಡಿದೆ.
‘ತಲಪತಿ 69’ ಸಿನಿಮಾದಲ್ಲಿ ನಟನೆ
ತಲಪತಿ ವಿಜಯ್‌(Thalapathy Vijay) ಅವರ ಬಹುನಿರೀಕ್ಷಿತ ಚಿತ್ರವಾಗಿರುವ ‘ತಲಪತಿ 68’ ಸಿನಿಮಾದಲ್ಲಿ(Thalapathy 68’) ಧೋನಿ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಧೋನಿ ಅವರು ಯಾವ ಪಾತ್ರವನ್ನು ಮಾಡಲಿದ್ದಾರೆ ಅಥವಾ ಧೋನಿ ನಿಜವಾಗಿಯೂ ಈ ಚಿತ್ರದಲ್ಲಿ ನಟಿಸಲಿದ್ದಾರಾ ಎಂಬುದನ್ನು ಧೋನಿ ಮತ್ತು ಚಿತ್ರ ತಂಡ ಅಧಿಕೃತಪಡಿಸಿಲ್ಲ. ಸದ್ಯಕ್ಕೆ ಇದೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದ ವೈರಲ್ ಸುದ್ದಿಯಾಗಿದೆ.
ಇದನ್ನೂ ಓದಿ Viral Video: ರೇಸರ್ಗಳಂತೆ ರಾಂಚಿಯಲ್ಲಿ ಬೈಕ್ ಓಡಿಸಿದ ಧೋನಿ; ಬೈಕ್ ಬೆಲೆ ಎಷ್ಟು?
ಧೋನಿಗೆ ನಟನೆ ಹೊಸತಲ್ಲ
ಮಹೇಂದ್ರ ಸಿಂಗ್ ಧೋನಿಗೆ ನಟನೆಯೇನು ಹೊಸತಲ್ಲ. ಕ್ರಿಕೆಟ್ ಮೈದಾನದಲ್ಲಿ ಹೇಗೆ ಸೈ ಎನಿಸಿಕೊಂಡಿದ್ದಾರೋ ಹಾಗೆ ನಟನೆಯಲ್ಲೂ ಒಂದು ಕೈ ಮುಂದಿದ್ದಾರೆ. ಈಗಾಗಲೇ ಹಲವಾರು ಜಾಹಿರಾತುಗಳಲ್ಲಿ ನಟಿಸಿ ಪಳಗಿರುವ ಧೋನಿ ಒಂದೊಮ್ಮೆ ಸಿನೆಮಾದಲ್ಲಿ ನಟಿಸಿದರೂ ಅವರಿಗೆ ಇದು ಕಬ್ಬಿಣದ ಕಡಲೆಯಾಗದು. ಅವರು 2006ರಿಂದ ಹಲವು ವಾಣಿಜ್ಯ ಜಾಹಿರಾತಿನಲ್ಲಿ ನಟಿಸಿದ್ದಾರೆ. ಐಪಿಎಲ್ ವೇಳೆ ಗೌತಮ ಬುದ್ಧ ರೀತಿಯಲ್ಲಿಯೂ ಕಾಣಿಸಿಕೊಂಡು ಎಲ್ಲರನ್ನು ಬೆರಗುಗೊಳಿಸಿದ್ದರು.
𝐄𝐗𝐂𝐋𝐔𝐒𝐈𝐕𝐄 : If rumours are to be believed, #MSDhoni𓃵 might be roped in to play the main antagonist in #Thalapathy68 directed by #VenkatPrabu where he will play role a role of a criminal in reel too for first time.#ThalapathyVijay #Leo #LeoFilm #Dhoni #MSDhoni pic.twitter.com/1WU3zAR3bs
— Tweets from the Underground (@DensityWave) August 14, 2023
ಐಪಿಎಲ್ ಮಾತ್ರ ಆಡುತ್ತಿರುವ ಧೋನಿ
ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿರುವ ಧೋನಿ ಕೇವಲ ಐಪಿಎಲ್ ಟೂರ್ನಿಯಲ್ಲಿ ಮಾತ್ರ ಆಡುತ್ತಿದ್ದಾರೆ. (Indian Premier League) 2023ನೇ ಸಾಲಿನ ಐಪಿಎಲ್ ಟೂರ್ನಿಯಲ್ಲಿ ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು 5ನೇ ಬಾರಿಗೆ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು. ಈ ಬಾರಿ ಐಪಿಎಲ್ ಬಳಿಕ ಧೋನಿ ನಿವೃತ್ತಿ ಹೇಳಲು ನಿರ್ಧರಿಸಿದ್ದರು. ಆದರೆ ಅಭಿಮಾನಿಗಳ ಆಸೆಯಂತೆ ಇನ್ನೊಂದು ಆವೃತ್ತಿಯ ಐಪಿಎಲ್ ಆಡುವುದಾಗಿ ಫೈನಲ್ ಬಳಿಕ ಧೋನಿ ಹೇಳಿದ್ದರು. ಹೀಗಾಗಿ ಅವರ ಆಟವನ್ನು ಮುಂದಿನ ಆವೃತ್ತಿಯಲ್ಲಿಯೂ ಕಣ್ತುಂಬಿಕೊಳ್ಳಬಹುದಾಗಿದೆ.