ಮುಂಬಯಿ: ಉದ್ಘಾಟನಾ ಆವೃತ್ತಿಯ ಮಹಿಳೆಯ ಪ್ರೀಮಿಯರ್ ಲೀಗ್ಗೆ (WPL 2023) ಇನ್ನು ಕೆಲವೇ ದಿನಗಳು ಬಾಕಿ ಉಳಿದಿವೆ. ಈ ಹಿನ್ನೆಲೆಯಲ್ಲಿ ಫ್ರಾಂಚೈಸಿಗಳೆಲ್ಲವೂ ಜೋರು ಸಿದ್ಧತೆಗಳನ್ನು ನಡೆಸುಕೊಂಡಿವೆ. ಏತನ್ಮಧ್ಯೆ, ರಿಲಯನ್ಸ್ ಒಡೆತನದ ಮುಂಬಯಿ ಇಂಡಿಯನ್ಸ್ ಸೂಪರ್ ಲೀಗ್ಗೆ ತನ್ನ ಜರ್ಸಿಯನ್ನು ಶನಿವಾರ (ಫೆಬ್ರವರಿ 25ರಂದು) ಅನಾವರಣಗೊಳಿಸಿದೆ. ಪುರುಷರ ತಂಡದ ಜರ್ಸಿಯ ನೀಲಿ ಬಣ್ಣವನ್ನೇ ಇದು ಕೂಡು ಹೊಂದಿದೆ.
ಮಾರ್ಚ್ 4ರಂದು ಡಬ್ಲ್ಯುಪಿಎಲ್ನ ಮೊದಲ ಪಂಧ್ಯ ನಡೆಯಲಿದೆ. ಗುಜರಾತ್ ಜಯಂಟ್ಸ್ ಹಾಗೂ ಮುಂಬಯಿ ಇಂಡಿಯನ್ಸ್ ತಂಡದ ನಡುವೆ ಪಂದ್ಯ ನಡೆಯಲಿದೆ. ಮುಖ್ಯ ಕೋಚ್ ಶಾರ್ಲೆಟ್ ಎಡ್ವರ್ಡ್ ತರಬೇತಿಯಲ್ಲಿ ಮುಂಬಯಿ ಇಂಡಿಯನ್ಸ್ ತಂಡದ ಆಟಗಾರರು ಅಭ್ಯಾಸ ಆರಂಭಿಸಿದ್ದಾರೆ. ದೇವಿಕಾ ಪಲ್ಸಿಕರ್ ಜತೆ ಸೇರಿಕೊಂಡು ಲಭ್ಯ ಇರುವ ಆಟಗಾರ್ತಿಯರೊಂದಿಗೆ ಟೂರ್ನಿಗಾಗಿ ಸಿದ್ಧತೆ ನಡೆಸಿಕೊಳ್ಳುತ್ತಿದ್ದಾರೆ.
ಮುಂಬಯಿ ಇಂಡಿಯನ್ಸ್ ತಂಡದ ಟ್ವೀಟ್ ಇಲ್ಲಿದೆ
ಇಲ್ಲೊಂದು ಸುದ್ದಿಯಿದೆ. ಬ್ಲ್ಯೂ ಮತ್ತು ಗೋಲ್ಡ್ ಮುಂಬಯಿ. ಇಲ್ಲಿದೆ ಉದ್ಘಾಟನಾ ಆವೃತ್ತಿಯ ಡಬ್ಲ್ಯುಪಿಎಲ್ನ ಜರ್ಸಿ ಎಂದು ಮುಂಬಯಿ ಇಂಡಿಯನ್ಸ್ ತಂಡ ಪ್ರಕಟಿಸಿದೆ.
ಇದನ್ನೂ ಓದಿ : WPL 2023 Schedule: ಡಬ್ಲ್ಯುಪಿಎಲ್ ಟೂರ್ನಿಯ ವೇಳಾಪಟ್ಟಿ ಪ್ರಕಟ; ಆರ್ಸಿಬಿಗೆ ಮೊದಲ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಎದುರಾಳಿ
ಉದ್ಘಾಟನಾ ಆವೃತ್ತಿಯ ಡಬ್ಲ್ಯುಪಿಎಲ್ ಟೂರ್ನಿಗೆ ಟಾಟಾ ಕಂಪನಿಯು ಪ್ರಾಯೋಜಕತ್ವ ನೀಡಿದೆ. ಡ್ರೀಮ್ ಇಲೆವೆನ್ ಹಾಗೂ ಸಿಯೆಟ್ ಕಂಪನಿಯ ಜತೆಯೂ ಬಿಸಿಸಿಐ ಒಪ್ಪಂದ ಮಾಡಿಕೊಂಡಿದೆ.