ದುಬೈ: ಪ್ರವಾಸಿ ಆಸ್ಟ್ರೇಲಿಯಾ ಹಾಗೂ ಭಾರತ ತಂಡಗಳು ನಡುವೆ ನಡೆಯುತ್ತಿರುವ (INDvsAUS) ಬಾರ್ಡರ್ – ಗವಾಸ್ಕರ್ ಟ್ರೋಫಿಯ ಮೊದಲೆರಡು ಪಂದ್ಯಗಳು ನಡೆದ ನಾಗ್ಪುರ ಹಾಗೂ ನವ ದೆಹಲಿ ಪಿಚ್ಗೆ ಅಂತಾರಾಷ್ಟ್ರೀಯ ಕ್ರಿಕಟ್ ಸಮಿತಿ (ಐಸಿಸಿ) ಸಾಧಾರಣ ಪಿಚ್ ಎಂಬ ರೇಟಿಂಗ್ಸ್ ಕೊಟ್ಟಿದೆ. ಎರಡೂ ಸ್ಟೇಡಿಯಮ್ನಲ್ಲಿ ಪಂದ್ಯ ಎರಡೂವರೆ ದಿನಕ್ಕೆ ಮುಗಿದು ಹೋಗಿತ್ತು. ಹೀಗಾಗಿ ಸ್ಪರ್ಧಾತ್ಮಕ ಪಿಚ್ ಆಗಿರಲಿಲ್ಲ ಎಂದು ಘೋಷಿಸಿದ ಐಸಿಸಿ ಸಾಧಾರಣ ರೇಟಿಂಗ್ಸ್ ಕೊಟ್ಟಿದೆ. ಈ ಮಾದರಿಯ ರೇಟಿಂಗ್ನಿಂದಾಗಿ ಭಾರತ ತಂಡಕ್ಕೆ ಹಿನ್ನಡೆ ಉಂಟಾಗುವುದಿಲ್ಲ.
ಪಂದ್ಯ ಆರಂಭವಾಗುವ ಮೊದಲೇ ಈ ಎರಡೂ ಪಿಚ್ಗಳು ಸ್ಪಿನ್ಗೆ ಪೂರಕವಾಗಿವೆ ಎಂಬ ಚರ್ಚೆಗಳು ಮೊದಲೇ ನಡೆದಿದ್ದವು. ಅದಕ್ಕೆ ಪೂರಕವಾಗಿ ಎರಡೂ ಪಂದ್ಯ ಸಣ್ಣ ಮೊತ್ತಕ್ಕೆ ಸಮಾಪ್ತಿಗೊಂಡಿತ್ತು. ಇದೀಗ ಐಸಿಸಿ ಕೂಡ ಪಿಚ್ ಸಾಧಾರಣವಾಗಿತ್ತು ಎಂದು ಹೇಳಿದೆ.
ನಾಗ್ಪುರ್ ಪಿಚ್ನ ಗ್ರೌಂಡ್ ಸಿಬ್ಬಂದಿ ಪಂದ್ಯ ಅರಂಭಕ್ಕೆ ಮೊದಲು ಪಿಚ್ನ ಕೆಲವು ಪ್ರದೇಶಕ್ಕೆ ನೀರು ಸುರಿದಿದ್ದಾರೆ. ಇದರಿಂದ ಆಸ್ಟ್ರೇಲಿಯಾದ ಎಡಗೈ ಬ್ಯಾಟರ್ಗಳಿಗೆ ಬ್ಯಾಟ್ ಮಾಡಲು ಸಾಧ್ಯವಾಗದಂತೆ ನೋಡಿಕೊಳ್ಳಲಾಗಿತ್ತು ಎಂಬುದಾಗಿ ಆಸ್ಟ್ರೇಲಿಯಾದ ಮಾಧ್ಯಮಗಳು ದೂರಿದ್ದವು. ಆದರೆ, ಭಾರತದ ಹಿರಿಯ ಕ್ರಿಕೆಟಿಗರು ಇದಕ್ಕೆ ಪ್ರತಿಕ್ರಿಯೆ ಕೊಟ್ಟಿದ್ದರು. ಆದರೆ, ಬಿಸಿಸಿಐ ಉತ್ತರ ಕೊಟ್ಟಿರಲಿಲ್ಲ.
ಇದನ್ನೂ ಓದಿ : IPL 2023 | ಐಪಿಎಲ್ನಲ್ಲಿ ನನಗೆ ಸಿಕ್ಕಿದ ದುಡ್ಡು ಜಾಸ್ತಿಯಾಯಿತು ಎಂದ ಕ್ಯಾಮೆರಾನ್ ಗ್ರೀನ್!
ಇಂದೋರ್ ಹಾಗೂ ಅಹಮದಾಬಾದ್ನಲ್ಲಿ ಎರಡು ಹಾಗೂ ಮೂರನೇ ಪಂದ್ಯ ನಡೆಯಲಿದೆ. ಮಾರ್ಚ್ 1 ಹಾಗೂ 9ರಂದು ಪಂದ್ಯಗಳು ಆರಂಭವಾಗಲಿವೆ. ಭಾರತ ಈಗಾಗಲೇ ಎರಡು ಪಂದ್ಯಗಳನ್ನು ಗೆದ್ದು ಮುನ್ನಡೆ ಸಾಧಿಸಿದೆ.