ಪರ್ತ್‌: ಆಸ್ಟ್ರೇಲಿಯಾದ ಅನುಭವಿ ಸ್ಪಿನ್ನರ್ ನಾಥನ್ ಲಿಯಾನ್(Nathan Lyon) ಅವರು ಟೆಸ್ಟ್ ಕ್ರಿಕೆಟ್ನಲ್ಲಿ ನೂತನ ಮೈಲುಗಲ್ಲೊಂದುನ್ನು ತಲುಪಿದ್ದಾರೆ. 500 ವಿಕೆಟ್ಗಳ ಕ್ಲಬ್ಗೆ ಸೇರ್ಪಡೆಗೊಂಡಿದ್ದಾರೆ. ಪಾಕಿಸ್ತಾನ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಅವರು ಈ ದಾಖಲೆಯನ್ನು ನಿರ್ಮಿಸಿದ್ದಾರೆ.
ದೀರ್ಘಕಾಲ ಗಾಯದ ಸಮಸ್ಯೆಯಿಂದಾಗಿ ಹೊರಗುಳಿದಿದ್ದ ನಾಥನ್ ಲಿಯಾನ್ ಅವರು ಪಾಕಿಸ್ತಾನ ವಿರುದ್ಧದ ತವರಿನ ಟೆಸ್ಟ್ ಪಂದ್ಯದಲ್ಲಿ ಆಡುವ ಮೂಲಕ ಮತ್ತೆ ಕ್ರಿಕೆಟ್ಗೆ ಕಮ್ಬ್ಯಾಕ್ ಮಾಡಿದ್ದರು. ಪಾಕ್ ವಿರುದ್ಧ ಆಡಿದ ಮೊದಲ ಪಂದ್ಯದಲ್ಲಿ ಫಹೀಮ್ ಅಶ್ರಫ್ ಅವರನ್ನು ಔಟ್ ಮಾಡುವ ಮೂಲಕ ಲಿಯಾನ್ ತಮ್ಮ ವೃತ್ತಿಜೀವನದ 500 ನೇ ಟೆಸ್ಟ್ ವಿಕೆಟ್ ಪಡೆದರು.
36 ವರ್ಷದ ಅನುಭವಿ ಬೌಲರ್ ಲಿಯಾನ್ ಈ ಸಾಧನೆ ಮಾಡಿದ ಆಸ್ಟ್ರೇಲಿಯಾದ ಮೂರನೇ ಬೌಲರ್ ಎನಿಸಿಕೊಂಡರು. ಉಳಿದ ಇಬ್ಬರೆಂದರೆ ಶೇನ್ ವಾರ್ನ್ (708) ಮತ್ತು ಗ್ಲೆನ್ ಮೆಕ್‌ಗ್ರಾತ್ (563).
FIVE HUNDRED! #AUSvPAK #PlayOfTheDay @nrmainsurance pic.twitter.com/DyDC5hUdTJ
— cricket.com.au (@cricketcomau) December 17, 2023
ಲಿಯಾನ್ ತನ್ನ 500 ನೇ ವಿಕೆಟ್ ಡಿಆರ್ಎಸ್ ಪಡೆದು ಪೂರ್ಣಗೊಳಿಸಿದರು. ಎಲ್ಬಿಡಬ್ಲ್ಯು ಆಗಿದ್ದ ಫಹೀಮ್ ಅವರನ್ನು ಫೀಲ್ಡ್ ಅಂಪೈರ್ ನಾಟ್ಔಟ್ ಎಂದು ತೀರ್ಪು ನೀಡಿದ್ದರು. ಆದರೆ ಮೂರನೇ ಅಂಪೈರ್ಗೆ ಡಿಆರ್ಎಸ್ ಮೂಲಕ ಮನವಿ ಸಲ್ಲಿಸಿದ ಆಸೀಸ್ ಆಟಗಾರರು ಇದರಲ್ಲಿ ಯಶಸ್ಸು ಸಾಧಿಸಿದರು. ಚೆಂಡು ಪಿಚಿಂಗ್ ಇನ್ಸೈಡ್ ಮತ್ತು ವಿಕೆಟ್ಗೆ ಬಡಿದಿರುವುದು ಸ್ಪಷ್ಟವಾದ ಕಾರಣ ಅಂಪೈರ್ ಔಟ್ ನೀಡಿದರು. ಈ ವಿಕೆಟ್ ಪಡೆಯುತ್ತಿದ್ದಂತೆ ಲಿಯಾನ್ 500 ವಿಕೆಟ್ಗಳನ್ನು ಕೂಡ ಪೂರ್ತಿಗೊಳಿಸಿದರು.
Nathan Lyon is an All-time legend of Test cricket. 🫡 pic.twitter.com/qjP4wYv5lg
— Johns. (@CricCrazyJohns) December 17, 2023
ದಾಖಲೆ ಮುರಳೀಧರನ್ ಹೆಸರಿನಲ್ಲಿದೆ
ಟೆಸ್ಟ್ ಕ್ರಿಕೆಟ್ನಲ್ಲಿ ಅತ್ಯಧಿಕ ವಿಕೆಟ್ ಕಿತ್ತ ದಾಖಲೆ ಶ್ರೀಲಂಕಾದ ದಿಗ್ಗಜ ಕ್ರಿಕೆಟಿಗ ಮುತ್ತಯ್ಯ ಮುರಳೀಧರನ್ ಹೆಸರಿನಲ್ಲಿದೆ. ಅವರು ಸಾರ್ವಕಾಲಿಕ ದಾಖಲೆಯ 800 ವಿಕೆಟ್ ಪಡೆದಿದ್ದಾರೆ. ದ್ವಿತೀಯ ಸ್ಥಾನ ಆಸೀಸ್ನ ದಿವಂಗತ ಶೇನ್ ವಾರ್ನ್ ಹೆಸರಿನಲ್ಲಿದೆ. ವಾರ್ನ್ 708 ವಿಕೆಟ್ ಪಡೆದಿದ್ದಾರೆ. ಮೂರನೇ ಸ್ಥಾನದಲ್ಲಿ ಪ್ರಸ್ತುತ ಇಂಗ್ಲೆಂಡ್ ಪರ ಆಡುವ ಜೇಮ್ಸ್ ಆ್ಯಡಂರ್ಸನ್ ಹೆಸರಿನಲ್ಲಿದೆ. ಅವರು ಸದ್ಯ 690 ವಿಕೆಟ್ ಉರುಳಿಸಿದ್ದಾರೆ. 619 ವಿಕೆಟ್ ಪಡೆದ ಭಾರತದ ಅನೀಲ್ ಕುಂಬ್ಳೆ ನಾಲ್ಕನೇ ಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ Ind vs SA : ಭಾರತ ವಿರುದ್ಧ ಪಿಂಕ್ ಡ್ರೆಸ್ನಲ್ಲಿ ಕಣಕ್ಕೆ ಇಳಿಯಲಿದ್ದಾರೆ ದ. ಆಫ್ರಿಕಾ ಆಟಗಾರರು!
“ನಾನು ದಾಖಲೆಗಾಗಿ ಆಡುವ ಆಟಗಾರನಲ್ಲ. ನನಗೆ ಸಾಧ್ಯವಾದಷ್ಟು ಕಾಲ ಕ್ರಿಕೆಟ್ ಆಡಲು ಬಯಸುತ್ತೇನೆ. “ನಾನು ನಿಜವಾಗಿಯೂ ಆತ್ಮವಿಶ್ವಾಸವನ್ನು ಅನುಭವಿಸುತ್ತಿದ್ದೇನೆ. ಗಾಯದಿಂದ ಚೇತರಿಸಿಕೊಂಡು ಮತ್ತೆ ಕ್ರಿಕೆಟ್ ಅಂಗಳಕ್ಕೆ ಮರಳಿದ್ದು ಸಂತಸ ತಂದಿದೆ” ಎಂದು ಪಂದ್ಯದ ಬಳಿಕ ಲಿಯಾನ್ ಹೇಳಿದರು.
ಪಂದ್ಯ ಗೆದ್ದ ಆಸೀಸ್
ಈ ಪಂದ್ಯವನ್ನು ಆಸ್ಟ್ರೇಲಿಯಾ ಬೃಹತ್ ಮೊತ್ತದ ಅಂತರದಿಂದ ಗೆದ್ದು ಬೀಗಿತು. 360 ರನ್ಗಳ ಭರ್ಜರಿ ಅಂತರದಿಂದ ಗೆದ್ದ ಆಸೀಸ್ ಸರಣಿಯಲ್ಲಿ 1-0 ಮುನ್ನಡೆ ಕಾಯ್ದುಕೊಂಡಿದೆ. ಆಸ್ಟ್ರೇಲಿಯಾ ಪರ ಡೇವಿಡ್ ವಾರ್ನರ್ ಅವರು ಮೊದಲ ಇನಿಂಗ್ಸ್ನಲ್ಲಿ ಶತಕ ಬಾರಿಸಿ ಮಿಂಚಿದ್ದರು. ಆದರೆ ದ್ವಿತೀಯ ಇನಿಂಗ್ಸ್ನಲ್ಲಿ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ್ದರು.