ವೆಲ್ಲಿಂಗ್ಟನ್: ಆಸ್ಟ್ರೇಲಿಯಾದ ಸ್ಪಿನ್ನರ್ ನಥಾನ್ ಲಿಯೋನ್(Nathan Lyon) ಅವರು ಬ್ಯಾಟಿಂಗ್ನಲ್ಲಿ ವಿಶ್ವ ದಾಖಲೆಯೊಂದನ್ನು ಬರೆದಿದ್ದಾರೆ. ನ್ಯೂಜಿಲ್ಯಾಂಡ್ ವಿರುದ್ಧ ವೆಲ್ಲಿಂಗ್ಟನ್‌ನಲ್ಲಿ ನಡೆದ ಮೊದಲ ಟೆಸ್ಟ್‌ನ ದ್ವಿತೀಯ ಇನಿಂಗ್ಸ್ನಲ್ಲಿ 41 ರನ್ ಬಾರಿಸುವ ಮೂಲಕ ಒಂದೇ ಒಂದು ಅರ್ಧಶತಕವನ್ನು ಗಳಿಸದೆ 1,500 ಟೆಸ್ಟ್ ರನ್ ಗಳಿಸಿದ ವಿಶ್ವದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.
ಆಸ್ಟ್ರೇಲಿಯಾದ ದ್ವಿತೀಯ ಬ್ಯಾಟಿಂಗ್ ಇನಿಂಗ್ಸ್ನಲ್ಲಿ ಸ್ಟೀವನ್ ಸ್ಮಿತ್ ಮತ್ತು ಮಾರ್ನಸ್ ಲಬುಶೇನ್ ಔಟಾದ ನಂತರ ನೈಟ್ ವಾಚ್ಮ್ಯಾನ್ ಆಗಿ ಕ್ರೀಸ್ಗಿಳಿದ ಲಿಯೋನ್ 46 ಎಸೆತಗಳಲ್ಲಿ ಆರು ಬೌಂಡರಿಗಳೊಂದಿಗೆ 41 ರನ್ ಮಾಡಿದರು. ಸದ್ಯ ಲಿಯೋನ್ 128 ಟೆಸ್ಟ್‌ಗಳು ಮತ್ತು 162 ಇನ್ನಿಂಗ್ಸ್‌ಗಳಲ್ಲಿ, 12.72 ರ ಸರಾಸರಿಯಲ್ಲಿ 1,501 ರನ್ ಗಳಿಸಿದ್ದಾರೆ. ಅವರ ವೈಯಕ್ತಿಕ ಉತ್ತಮ ಸ್ಕೋರ್ 47. ಈ ಪಂದ್ಯವನ್ನು ಆಸ್ಟ್ರೇಲಿಯಾ 172 ರನ್ಗಳ ಅಂತರದಿಂದ ಗೆದ್ದು ಬೀಗಿತು.
ಇದನ್ನೂ ಓದಿ Nathan Lyon: ವಿಂಡೀಸ್ ದಿಗ್ಗಜ ವಾಲ್ಶ್ ದಾಖಲೆ ಮುರಿದ ನಥಾನ್ ಲಿಯೋನ್
ಬೌಲಿಂಗ್ನಲ್ಲಿಯೂ ಪರಾಕ್ರಮ ತೋರಿದ ನಥಾನ್ ಲಿಯೋನ್ 2 ಇನಿಂಗ್ಸ್ ಸೇರಿ 10 ವಿಕೆಟ್ ಉಡಾಯಿಸಿದರು. ಗಾಯದ ಸಮಸ್ಯೆಯಿಂದಾಗಿ ಕೆಲವು ವರ್ಷ ಕ್ರಿಕೆಟ್ನಿಂದ ದೂರ ಉಳಿದಿದ್ದ ಅವರು ಇದೀಗ ಕಮ್ಬ್ಯಾಕ್ ಮಾಡಿದ ಪಂದ್ಯದಲ್ಲಿ ವಿಕೆಟ್ಗಳ ದಾಹ ತೀರಿಸುವಂತಿದೆ. ಮೊದಲ ಇನಿಂಗ್ಸ್ನಲ್ಲಿ 4 ವಿಕೆಟ್ ಕಿತ್ತ ವೇಳೆ ಸ್ಟ್ ಇಂಡೀಸ್ ದಿಗ್ಗಜ ಬೌಲರ್ ಕೊರ್ಟ್ನಿ ವಾಲ್ಶ್(Courtney Walsh) ಅವರ ಟೆಸ್ಟ್ ವಿಕೆಟ್ ದಾಖಲೆನ್ನು ಮುರಿದು ಅತ್ಯಧಿಕ ಟೆಸ್ಟ್ ವಿಕೆಟ್ ಕಿತ್ತ ಬೌಲರ್ಗಳ ಪಟ್ಟಿಯಲ್ಲಿ ಏಳನೇ ಸ್ಥಾನಕ್ಕೇರಿದ್ದರು. ಇದೀಗ ದ್ವಿತೀಯ ಇನಿಂಗ್ಸ್ನಲ್ಲಿ ಮತ್ತೆ 6 ವಿಕೆಟ್ ಪಡೆಯುವ ಮೂಲಕ ವಿಕೆಟ್ಗಳ ಸಂಖ್ಯೆಯನ್ನು ಮತ್ತಷ್ಟು ಹೆಚ್ಚಿಸಿಕೊಂಡಿದ್ದಾರೆ. ಟೆಸ್ಟ್ನಲ್ಲಿ ಅವರು ಸದ್ಯ 527* ವಿಕೆಟ್ ಕಲೆಹಾಕಿದ್ದಾರೆ. ಇನ್ನು 36 ವಿಕೆಟ್ ಕಿತ್ತರೆ ತನ್ನದೇ ದೇಶದ ಗ್ಲೆನ್ ಮೆಕ್‌ಗ್ರಾತ್ ಅವರ ಟೆಸ್ಟ್ ವಿಕೆಟ್ಗಳ ದಾಖಲೆ ಮುರಿದು ಅತಿ ಹೆಚ್ಚು ಟೆಸ್ಟ್ ವಿಕೆಟ್ ಕಿತ್ತ ಸಾಧಕರ ಪಟ್ಟಿಯಲ್ಲಿ 6ನೇ ಸ್ಥಾನಕ್ಕೇರಲಿದ್ದಾರೆ.
Muthiah Muralidaran, Shane Warne and NATHAN LYON are the only players with a five-for in Test cricket in 9 host countries.
— Cricketopia (@CricketopiaCom) March 3, 2024
pic.twitter.com/G7tic1Z0zO
ಟೆಸ್ಟ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ಗಳ ಪಟ್ಟಿ
| ಆಟಗಾರ | ದೇಶ | ವಿಕೆಟ್ |
| ಮುತ್ತಯ್ಯ ಮುರಳೀಧರನ್ | ಶ್ರೀಲಂಕಾ | 800 |
| ಶೇನ್ ವಾರ್ನ್ | ಆಸ್ಟ್ರೇಲಿಯಾ | 708 |
| ಜೇಮ್ಸ್ ಆಂಡರ್ಸನ್ | ಇಂಗ್ಲೆಂಡ್ | 696* |
| ಅನಿಲ್ ಕುಂಬ್ಳೆ | ಭಾರತ | 619 |
| ಸ್ಟುವರ್ಟ್ ಬ್ರಾಡ್ | ಇಂಗ್ಲೆಂಡ್ | 604 |
| ಗ್ಲೆನ್ ಮೆಕ್‌ಗ್ರಾತ್ | ಆಸ್ಟ್ರೇಲಿಯಾ | 563 |
| ನಥಾನ್ ಲಿಯೊನ್ | ಆಸ್ಟ್ರೇಲಿಯಾ | 527* |
| ಕರ್ಟ್ನಿ ವಾಲ್ಷ್ | ವೆಸ್ಟ್ ಇಂಡೀಸ್ | 519 |
| ರವಿಚಂದ್ರನ್ ಅಶ್ವಿನ್ | ಭಾರತ | 501* |
| ಡೇಲ್ ಸ್ಟೈನ್ | ದಕ್ಷಿಣ ಆಫ್ರಿಕಾ | 439 |