ಪಂದ್ಯಕ್ಕೂ ಮುನ್ನ ನವೀನ್​ ಉಲ್​ ಹಕ್​ಗೆ ನಡುಕ; ಇದಕ್ಕೆ ಕಾರಣ ಕಿಂಗ್​ ಕೊಹ್ಲಿ

ನವದೆಹಲಿ: ಬುಧವಾರ ನಡೆಯುವ ಭಾರತ ಮತ್ತು ಅಫಘಾನಿಸ್ತಾನ(India vs Afghanistan) ನಡುವಣ ಪಂದ್ಯವನ್ನು ಬ್ಯಾಟಲ್​ ಆಫ್​ ಕೊಹ್ಲಿ vs ನವೀನ್​ ಉಲ್​ ಹಕ್​ ಎಂದೇ ಬಣಿಸಲಾಗಿದೆ. ಇದಕ್ಕೆ ಕಾರಣ ಉಭಯ ಆಟಗಾರರು ಈ ಬಾರಿಯ ಐಪಿಎಲ್​ನಲ್ಲಿ ಕಿತ್ತಾಟ ನಡೆಸಿದ್ದು. ಇದೀಗ ಇದರ ಮುಂದುವರಿದ ಭಾಗ ವಿಶ್ವಕಪ್​ನಲ್ಲಿಯೂ ಕಾಣಸಿಗಲಿದೆ. ಈ ಮನರಂಜನೆಗಾಗಿ ಅಭಿಮಾನಿಗಳು ಕಾದು ಕುಳಿತಿದ್ದಾರೆ.

ನವೀನ್​ ಉಲ್​ ಹಕ್​(Naveen-ul-Haq) 16ನೇ ಆವೃತ್ತಿಯ ಐಪಿಎಲ್​ ವೇಳೆ ವಿರಾಟ್​ ಕೊಹ್ಲಿ(Naveen-ul-Haq and virat kohli) ಜತೆ ಕಿರಿಕ್​ ಮಾಡಿದ್ದರು. ಇದಕ್ಕೆ ಗಂಭೀರ್​ ಕೂಡ ಸಾಥ್​ ನೀಡಿದ್ದರು. ಬಳಿಕ ನವೀನ್​ ಅವರು ಕೊಹ್ಲಿ(virat kohli) ಔಟಾದಾಗಲೆಲ್ಲ ಟ್ವೀಟರ್​ನಲ್ಲಿ ಕೆಣಕುತ್ತಿದ್ದರು. ಇದು ಕೊಹ್ಲಿ ಅಭಿಮಾನಿಗಳನ್ನು ಕೆರಳುವಂತೆ ಮಾಡಿತ್ತು. ಆ ಬಳಿಕ ನವೀನ್​ ಯಾವುದೇ ಪಂದ್ಯ ಆಡಲಿಳಿದರೂ ಆಗ ಕೊಹ್ಲಿ ಅಭಿಮಾನಿಗಳು ಜೋರಾಗಿ ಕೊಹ್ಲಿಯ ಹೆಸರನ್ನು ಕೂಗುವ ಮೂಲಕ ನವೀನ್​ಗೆ ಕಾಟ ಕೊಡಲಾರಂಭಿಸಿದ್ದಾರೆ.

ಶನಿವಾರ ಧರ್ಮಶಾಲದಲ್ಲಿ ನಡೆದಿದ್ದ ವಿಶ್ವಕಪ್​ನ(icc world cup 2023) ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ ನವೀನ್​ ಉಲ್​ ಹಕ್​ ಫೀಲ್ಡಿಂಗ್​ ನಡೆಸುತ್ತಿದ್ದ ವೇಳೆ ಗ್ಯಾಲರಿಯಲ್ಲಿದ್ದ ಕೊಹ್ಲಿ ಅಭಿಮಾನಿಗಳು ಕೊಹ್ಲಿ..ಕೊಹ್ಲಿ ಎಂದು ಜೋರಾಗಿ ಕೂಗುವ ಮೂಲಕ ನವೀನ್​ಗೆ ಕಾಡಿದ್ದರು. ಈ ವಿಡಿಯೊ ವೈರಲ್​ ಆಗಿತ್ತು. ಇದೀಗ ಭಾರತ ವಿರುದ್ಧದ ಪಂದ್ಯದಲ್ಲಿ ಅವರಿಗೆ ಮತ್ತೆ ಇಂತಹ ಸಂಕಷ್ಟ ಎದುರಾಗುವುದು ನಿಶ್ಚಿತ.

ಇದನ್ನೂ ಓದಿ ಭಾರತ-ಆಫ್ಘನ್​ ಪಂದ್ಯಕ್ಕೆ ಮಳೆ ಕಾಟ ಇದೆಯೇ?; ಪಿಚ್​ ರಿಪೋರ್ಟ್, ಸಂಭಾವ್ಯ ತಂಡ ಹೀಗಿದೆ​

ಕೊಹ್ಲಿಯ ತವರೂರು

ಅಷ್ಟಕ್ಕೂ ಈ ಪಂದ್ಯ ನಡೆಯುವುದು ಕೊಹ್ಲಿಯ ತವರಾದ ಡೆಲ್ಲಿಯಲ್ಲಿ. ಹೀಗಾಗಿ ಅವರ ಅಭಿಮಾನಿಗಳ ಸಂಖ್ಯೆ ತುಸು ಹೆಚ್ಚಾಗಿಯೇ ಇರಲಿದೆ. ಈ ಮಧ್ಯೆ ನವೀನ್​ ಅವರು ಅಪ್ಪಚ್ಚಿಯಾಗುವುದು ಖಚಿತ. ನವೀನ್​ ಉಲ್​ ಹಕ್​ ಅವರ ಎಸೆತಗಳನ್ನು ಕೊಹ್ಲಿ ಬೆಂಡೆತ್ತಲು ಅಭಿಮಾನಿಗಳು ತುದಿಗಾಲಲ್ಲಿ ನಿಂತು ಕಾದು ಕಾಯುತ್ತಿದ್ದಾರೆ. ಫೀಲ್ಡಿಂಗ್​​​ ನಡೆಸುವಾಗಲು ನವೀನ್​ಗೆ ಚಿತ್ರ ಚಿಂಸೆ ನೀಡುವುದು ಕೊಹ್ಲಿ ಅಭಿಮಾನಿಗಳ ಯೋಜನೆಯಾಗಿದೆ. ಒಟ್ಟಾರೆ ನಾಳೆ ಅರುಣ್​ ಜೇಟ್ಲಿ ಸ್ಟೇಡಿಯಂನಲ್ಲಿ ಕೊಹ್ಲಿಯ ಹೆಸರು ಗುಂಯ್‌ ಗುಟ್ಟಲಿದೆ.

ಐಪಿಎಲ್​ ವೇಳೆ ಕೊಹ್ಲಿ ಜತೆ ಕಿರಿಕ್​

ಮೇ 1ರಂದು ಲಕ್ನೋದ ಏಕಾನ ಕ್ರಿಕೆಟ್​ ಸ್ಟೇಡಿಯಂನಲ್ಲಿ ನಡೆದಿದ್ದ ಪಂದ್ಯದಲ್ಲಿ ವಿರಾಟ್​ ಕೊಹ್ಲಿ(virat kohli) ಮತ್ತು ನವೀನ್​ ಉಲ್​-ಹಕ್​ ಮಧ್ಯೆ ಮೈದಾನದಲ್ಲಿಯೇ ಕಿರಿಕ್​ ಆಗಿತ್ತು. ಬಳಿಕ ಪಂದ್ಯ ಮುಗಿದ ಬಳಿಕ ಗಂಭೀರ್​ ಅವರು ಇದೇ ವಿಚಾರವಾಗಿ ಕೊಹ್ಲಿ ಜತೆ ವಾಗ್ವಾದ ನಡೆಸಿದ್ದರು. ಈ ಘಟನೆ ನಡೆದ ಬಳಿಕ ನವೀನ್ ಅವರು ವಿರಾಟ್​ ಕೊಹ್ಲಿ ಮತ್ತು ಆರ್​ಸಿಬಿ ಸೋತ ಬಳಿಕ ಮಾವಿನ ಹಣ್ಣಿನ ಫೋಟೊ ಹಾಕಿ ಪರೋಕ್ಷವಾಗಿ ಟ್ರೋಲ್​ ಮಾಡಿದ್ದರು. ಇಲ್ಲಿಂದ ಆರಂಭಗೊಂಡ ಈ ಸಮರವನ್ನು ಮುಂದೆ ವಿರಾಟ್​ ಅಭಿಮಾನಿಗಳು ಮುಂದುವರಿಸಿದ್ದರು.

ಕೊನೆಯ ವಿಶ್ವಕಪ್​ ಟೂರ್ನಿ

24 ವರ್ಷದ ವೇಗಿ ನವೀನ್​ ಉಲ್​ ಹಕ್​ಗೆ ಇದು ಕೊನೆಯ ವಿಶ್ವಕಪ್​ ಟೂರ್ನಿ. ಕೂಟ ಮುಗಿದ ಬಳಿಕ ಅವರು ಅಂತಾರಾಷ್ಟ್ರೀಯ ಏಕದಿನಕ್ಕೆ ನಿವೃತ್ತಿ ಹೇಳಲಿದ್ದಾರೆ. ಟೂರ್ನಿ ಆರಂಭಕ್ಕೂ ಮುನ್ನವೇ ಅವರು ಈ ನಿರ್ಧಾರವನ್ನು ಪ್ರಕಟಿಸಿದ್ದರು. ಟಿ20 ಕ್ರಿಕೆಟ್​ ಕಡೆ ಹೆಚ್ಚಿನ ಗಮನ ನೀಡುವ ಸಲುವಾಗಿ ಅವರು ಏಕದಿನ ಕ್ರಿಕೆಟ್​ಗೆ ಗುಡ್​ಬೈ ಹೇಳುತ್ತಿರುವುದಾಗಿ ತಿಳಿಸಿದ್ದರು. ನವೀನ್​ ನಿವೃತ್ತಿ ಘೋಷಿದ ವೇಳೆಯೂ ವಿರಾಟ್​ ಕೊಹ್ಲಿ ಅವರ ಅಭಿಮಾನಿಗಳು ಇದು ಕೊಹ್ಲಿಯ ಭಯದಿಂದಲೇ ಹೇಳಿದ ನಿವೃತ್ತಿಯಾಗಿದೆ ಎಂದಿದ್ದರು.