ವೆಲ್ಲಿಂಗ್ಟನ್: ಪ್ರವಾಸಿ ಶ್ರೀಲಂಕಾ ತಂಡವನ್ನು ಎರಡನೇ ಟೆಸ್ಟ್ (NZvsSL) ಪಂದ್ಯದಲ್ಲಿ ಇನಿಂಗ್ಸ್ ಹಾಗೂ 58 ರನ್ಗಳಿಂದ ಸೋಲಿಸಿ ನ್ಯೂಜಿಲ್ಯಾಂಡ್ ತಂಡ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಕ್ಲೀನ್ ಸ್ವೀಪ್ ಮಾಡಿದೆ. ಮೊದಲ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ಬಳಗ 1 ರನ್ ವಿರೋಚಿತ ವಿಜಯ ದಾಖಲಿಸಿತ್ತು.
ಮೊದಲು ಬ್ಯಾಟ್ ಮಾಡಿದ ನ್ಯೂಜಿಲ್ಯಾಂಡ್ ತಂಡ ನಾಲ್ಕು ವಿಕೆಟ್ ನಷ್ಟಕ್ಕೆ 580 ರನ್ ಬಾರಿಸಿತ್ತು. ಪ್ರತಿಯಾಗಿ ಬ್ಯಾಟ್ ಮಾಡಿದ್ದ ಶ್ರೀಲಂಕಾ ತಂಡ ಮೊದಲ ಇನಿಂಗ್ಸ್ನಲ್ಲಿ 164 ರನ್ಗಳಿಗೆ ಆಲ್ಔಟ್ ಆಗಿತ್ತು. 416 ರನ್ಗಳ ಹಿನ್ನಡೆಯೊಂದಿಗೆ ಫಾಲೊ ಆನ್ ಪಡೆದುಕೊಂಡಿದ್ದ 358 ರನ್ಗಳಿಗೆ ಮತ್ತೆ ಆಲ್ಔಟ್ ಆಯಿತು. ಹೀಗಾಗಿ ನ್ಯೂಜಿಲ್ಯಾಂಡ್ ತಂಡಕ್ಕೆ ಜಯ ಲಭಿಸಿತು. ಈ ಗೆಲುವಿನೊಂದಿಗೆ ನ್ಯೂಜಿಲ್ಯಾಂಡ್ ತಂಡ ಸತತ ಮೂರು ಟೆಸ್ಟ್ ಪಂದ್ಯಗಳ ವಿಜಯ ಸಾಧನೆ ಮಾಡಿತು. ಲಂಕಾ ಪ್ರವಾಸಕ್ಕಿಂತ ಮೊದಲು ನಡೆದ ಇಂಗ್ಲೆಂಡ್ ವಿರುದ್ಧದ ಸರಣಿಯ ಕೊನೇ ಪಂದ್ಯದಲ್ಲಿ ಒಂದು ರನ್ ಜಯ ದಾಖಲಿಸಿತ್ತು. ಆ ಪಂದ್ಯವೂ ವೆಲ್ಲಿಂಗ್ಟನ್ನಲ್ಲಿಯೇ ನಡೆದಿತ್ತು.
ಇದನ್ನೂ ಓದಿ : ಹೊಸ ಇನಿಂಗ್ಸ್ ಆರಂಭಿಸಿದ ಆರ್ಸಿಬಿ ಸ್ಪಿನ್ನರ್ ವಾನಿಂದು ಹಸರಂಗ, ಐಪಿಎಲ್ಗೆ ಬರುವುದು ತಡ?
ನ್ಯೂಜಿಲ್ಯಾಂಡ್ ತಂಡದ ಪರವಾಗಿ ಮೊದಲ ಇನಿಂಗ್ಸ್ನಲ್ಲಿ ಕೇನ್ ವಿಲಿಯಮ್ಸನ್ (215) ಹಾಗೂ ಹೆನ್ರಿ ನಿಕೋಲ್ಸ್ (200) ದ್ವಿಶತಕ ಬಾರಿಸಿದ್ದರು. ಆದರೆ, ಶ್ರೀಲಂಕಾ ತಂಡ ಮೊದಲ ಇನಿಂಗ್ಸ್ನಲ್ಲಿ ಹೀನಾಯ ಪ್ರದರ್ಶನ ನೀಡಿತ್ತು. ದಿಮುತ್ ಕರುಣಾರತ್ನೆ (89) ಅರ್ಧ ಶತಕ ಬಿಟ್ಟರೆ ಮಿಕ್ಕವರೆಲ್ಲರೂ ಪೆವಿಲಿಯನ್ ಪರೇಡ್ ನಡೆಸಿದ್ದರು. ಎರಡನೇ ಇನಿಂಗ್ಸ್ನಲ್ಲಿ ದಿಮುತ್ ಕರುಣಾರತ್ನೆ (51) ಮತ್ತೆ ಅರ್ಧ ಶತಕ ಬಾರಿಸಿದ್ದರು. ಉಳಿದಂತೆ ಕುಸಾಲ್ ಮೆಂಡಿಸ್ (50), ದಿನೇಶ್ ಚಂಡಿಮಾಲ್ (62), ಧನಂಜಯ ಡಿಸಿಲ್ವಾ (98) ಹೋರಾಟ ಸಂಘಟಿಸಿದ್ದರು. ಆದರೆ ಮೊದಲ ಇನಿಂಗ್ಸ್ ಹಿನ್ನಡೆಯ ಕಾರಣಕ್ಕೆ ಚೇತರಿಸಿಕೊಳ್ಳುವುದಕ್ಕೆ ಸಾಧ್ಯವಾಗಲಿಲ್ಲ.
ಇಂಗ್ಲೆಂಡ್ ವಿರುದ್ಧದ ಸರಣಿಯೂ ರೋಚಕವಾಗಿತ್ತು
ನ್ಯೂಜಿಲ್ಯಾಂಡ್ ಮತ್ತು ಇಂಗ್ಲೆಂಡ್(ENG VS NZ) ವಿರುದ್ಧದ ದ್ವಿತೀಯ ಟೆಸ್ಟ್ ಪಂದ್ಯ ವೆಲ್ಲಿಂಗ್ಟನ್ನಲ್ಲಿಯೇ ನಡೆದಿತ್ತು. ಅದು ಕೂಡ ರೋಚಕವಾಗಿತ್ತು ಆ ಹಣಾಹಣಿಯಲ್ಲಿ ಒಂದು ರನ್ ಅಂತರದಿಂದ ಜಯ ಸಾಧಿಸುವ ಮೂಲಕ ನ್ಯೂಜಿಲ್ಯಾಂಡ್ ಐತಿಹಾಸಿಕ ಗೆಲುವೊಂದನ್ನು ದಾಖಲಿಸಿತ್ತು.
ಮೊದಲ ಪಂದ್ಯದಲ್ಲಿ ಹೀನಾಯವಾಗಿ ಸೋತು ಮುಖಭಂಗ ಅನುಭವಿಸಿದ್ದ ಕಿವೀಸ್ ಎರಡನೇ ಪಂದ್ಯದಲ್ಲಿ ಆಂಗ್ಲರನ್ನು ಮಣಿಸುವ ಮೂಲಕ ಸರಣಿಯನ್ನು 1-1 ಸಮಬಲದೊಂದಿಗೆ ಮುಕ್ತಾಯಗೊಳಿಸಿತು. ಗೆಲುವಿಗೆ 258 ರನ್ ಪಡೆದ ಬೆನ್ ಸ್ಟೋಕ್ಸ್ ಬಳಗ 4ನೇ ದಿನದಾಟದ ಅಂತ್ಯಕ್ಕೆ ಒಂದು ವಿಕೆಟ್ ಕಳೆದುಕೊಂಡು 48 ರನ್ ಮಾಡಿತ್ತು.
ಅಂತಿಮ ದಿನವಾದ ಮಂಗಳವಾರ(ಫೆ.28) ಆಟ ಮುಂದುವರಿಸಿದ ಇಂಗ್ಲೆಂಡ್ ತಂಡಕ್ಕೆ ಕಿವೀಸ್ ವೇಗಿಗಳಾದ ನೀಲ್ ವೆಗ್ನರ್(4) ಮತ್ತು ಟಿಮ್ ಸೌಥಿ(3) ಘಾತಕ ಬೌಲಿಂಗ್ ನಡೆಸಿ ಸೋಲಿನ ರುಚಿ ತೋರಿಸಿದರು. ಇಂಗ್ಲೆಂಡ್ 256 ರನ್ ಗಳಿಗೆ ಸರ್ವಪತನ ಕಂಡು ಕೇವಲ ಒಂದು ರನ್ ಅಂತರದ ಸೋಲು ಕಂಡಿತು.
ಕೊನೆಯ ವಿಕೆಟ್ಗೆ ಇಂಗ್ಲೆಂಡ್ ತಂಡಕ್ಕೆ ಗೆಲುವಿಗೆ ಏಳು ರನ್ ಅಗತ್ಯವಿತ್ತು. ಇದೇ ವೇಳೆ ಜೇಮ್ಸ್ ಆ್ಯಂಡರ್ಸನ್ ಬೌಂಡರಿ ಬಾರಿಸಿ ಇನ್ನೇನು ಪಂದ್ಯಕ್ಕೆ ಗೆಲುವು ಸಾರಲಿದ್ದಾರೆ ಎಂದು ಭಾವಿಸಲಾಗಿತ್ತು. ಆದರೆ ವ್ಯಾಗ್ನರ್ ಎಸೆತದಲ್ಲಿ ಕೀಪರ್ ಬ್ಲಂಡಲ್ಗೆ ಆ್ಯಂಡರ್ಸನ್ ಕ್ಯಾಚಿ ನೀಡಿ ನಿರಾಸೆ ಮೂಡಿಸಿದರು. ಇದರೊಂದಿಗೆ ಆಂಗ್ಲರು ಸೋಲನುಭವಿಸಿದರು. ಇಂಗ್ಲೆಂಡ್ ಪರ ದ್ವಿತೀಯ ಇನಿಂಗ್ಸ್ನಲ್ಲಿ ಜೋ ರೂಟ್ 95, ವಿಕೆಟ್ ಕೀಪರ್ ಬೆನ್ ಫೋಕ್ಸ್ 35, ನಾಯಕ ಬೆನ್ ಸ್ಟೋಕ್ಸ್ 33 ರನ್ ಮಾಡಿದರು.
ಇದನ್ನೂ ಓದಿ ENG VS NZ: ಕಿವೀಸ್ನಲ್ಲಿ 15 ವರ್ಷಗಳ ಬಳಿಕ ಟೆಸ್ಟ್ ಪಂದ್ಯ ಗೆದ್ದ ಇಂಗ್ಲೆಂಡ್
ಅಂತಾರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್ನ 146 ವರ್ಷಗಳ ಇತಿಹಾಸದಲ್ಲಿ ಈವರೆಗೆ 2,494 ಪಂದ್ಯಗಳು ನಡೆದಿದ್ದು ಅದರಲ್ಲಿ ಫಾಲೋ ಆನ್ ಹೇರಿದ ಮೇಲೆಯೂ ಗೆದ್ದ ಮೂರನೇ ತಂಡ ಎಂಬ ಹಿರಿಮೆಗೆ ನ್ಯೂಜಿಲ್ಯಾಂಡ್ ಪಾತ್ರವಾಗಿದೆ. ಜತೆಗೆ ಈ ರೀತಿ ಗೆಲುವು ದಾಖಲಾದ ನಾಲ್ಕನೇ ಪಂದ್ಯ ಇದಾಗಿದೆ. ಇದಕ್ಕೂ ಮೊದಲು ಭಾರತ ಮ