Site icon Vistara News

Viral Video: ಸ್ಟೀವನ್​ ಸ್ಮಿತ್ ಟೆನಿಸ್ ಆಟಕ್ಕೆ ಶಿರಬಾಗಿದ ನೊವಾಕ್ ಜೊಕೊವಿಕ್

Abhilash B C
Novak Djokovic and Steve Smith

ಮೆಲ್ಬೊರ್ನ್​: ಸರ್ಬಿಯಾದ ಸ್ಟಾರ್​ ಟೆನಿಸ್ ಆಟಗಾರ ನೊವಾಕ್ ಜೊಕೊವಿಕ್ (Novak Djokovic) ಆಸ್ಟ್ರೇಲಿಯಾ ಓಪನ್​ ಟೆನಿಸ್ ಟೂರ್ನಿಯಲ್ಲಿ ಸ್ಟಾರ್​ ಕ್ರಿಕೆಟಿಗ ಸ್ಟೀವನ್​ ಸ್ಮಿತ್ (Steve Smith) ಜತೆ ಕ್ರಿಕೆಟ್ ಆಡುವ ಮೂಲಕ ಗಮನ ಸೆಳೆದಿದ್ದಾರೆ. ಸ್ಮಿತ್ ಆಟಕ್ಕೆ ಜೋಕೊ ಶಿರಬಾಗಿ ನಮಿಸಿದ್ದಾರೆ. ಬಳಿಕ ಜೋಕೊ ಅವರು ಸ್ಮಿತ್​ ಜತೆ ಕ್ರಿಕೆಟ್​ ಆಡಿ ಸಿಕ್ಸರ್​ ಬಾರಿಸಿದ್ದಾರೆ. ಈ ವಿಡಿಯೊವನ್ನು ಆಸ್ಟ್ರೇಲಿಯಾ ಓಪನ್​ ತನ್ನ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಆಸ್ಟ್ರೇಲಿಯನ್ ಓಪನ್ ಆರಂಭಕ್ಕೂ ಮುನ್ನ ಸ್ಟೀವನ್​ ಸ್ಮಿತ್​ ಮತ್ತು ಜೋಕೊ ಟೆನಿಸ್ ಅಂಗಳದಲ್ಲಿ ಟೆನಿಸ್​ ಜತೆಗೆ ಕ್ರಿಕೆಟ್​ ಕೂಡ ಆಡುವ ಮೂಲಕ ಗಮನಸೆಳೆದರು. ‘ಎ ನೈಟ್ ವಿತ್ ನೊವಾಕ್ ಆ್ಯಂಡ್​ ಫ್ರೆಂಡ್ಸ್’ ಎಂಬ ವಿಶಿಷ್ಟ ಕಾರ್ಯಕ್ರಮದಲ್ಲಿ ಜೋಕೊ ಕ್ರಿಕೆಟಿಗ​ ಸ್ಟೀವನ್​ ಸ್ಮಿತ್ ಜತೆಗೆ ಟೆನಿಸ್ ಆಡುವ ಗಮನ ಸೆಳೆದರು. ಬ್ಯಾಟ್​ನಿಂದ ಚೆಂಡನ್ನು ಬಾರಿಸಲು ಸಾಧ್ಯವಾಗದಿದ್ದಾಗ ಟೆನಿಸ್​ ರಾಕೆಟ್​ನಿಂದ ಸಿಕ್ಸರ್​ ಬಾರಿಸಿದರು. ಜೊಕೊವಿಕ್ ಆಸ್ಟ್ರೇಲಿಯನ್ ಓಪನ್​​ನಲ್ಲಿ ಗೆದ್ದು ದಾಖಲೆಯ 25ನೇ ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿಗೆ ಮುತ್ತಿಕ್ಕಲು ಸಜ್ಜಾಗಿದ್ದಾರೆ.

ಇದನ್ನೂ ಓದಿ Viral Video: ಟೋಲ್ ಗೇಟ್​ನಲ್ಲಿ ಕೆಲಸ ಆರಂಭಿಸಿದರೇ ಮೊಹಮ್ಮದ್​ ಶಮಿ?; ವಿಡಿಯೊ ವೈರಲ್​​


ಆರಂಭಿಕನಾಗಿ ಭಡ್ತಿ ಪಡೆದ ಸ್ಮಿತ್​


ಟೆಸ್ಟ್ ಮತ್ತು ಏಕದಿನ ಕ್ರಿಕೆಟ್​ನಿಂದ ಡೇವಿಡ್​ ವಾರ್ನರ್​ ನಿವೃತ್ತಿಯಾದ ಕಾರಣ ಅವರ ಆರಂಭಿಕ ಸ್ಥಾನದಲ್ಲಿ ಸ್ಟೀವನ್​ ಸ್ಮಿತ್​ ಆಡಲಿದ್ದಾರೆ. ಟಿ20ಯಲ್ಲಿ ಕೆಲ ಪಂದ್ಯಗಳಲ್ಲಿ ಸ್ಮಿತ್​ ಆರಂಭಿಕನಾಗಿ ಆಡಿದ ಅನುಭವ ಹೊಂದಿದ್ದಾರೆ. ಆದರೆ ದೀರ್ಘ ಸ್ವರೂಪದ ಕ್ರಿಕೆಟ್​ನಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಆಡುತ್ತಿದ್ದರು. ಇದೀಗ ಆರಂಭಿಕನಾಗಿ ಭಡ್ತಿ ಪಡೆದಿದ್ದಾರೆ.

ವೆಸ್ಟ್ ಇಂಡೀಸ್ ವಿರುದ್ಧದ ತವರಿನಲ್ಲಿ ನಡೆಯಲಿರುವ ಟೆಸ್ಟ್ ಮತ್ತು ಏಕದಿನ ಸರಣಿಗೆ ಆಸ್ಟ್ರೇಲಿಯಾ ತಮ್ಮ ತಂಡವನ್ನು ಬುಧವಾರ ಪ್ರಕಟಿಸಿತ್ತು. ಖಾಯಂ ನಾಯಕ ಪ್ಯಾಟ್​ ಕಮಿನ್ಸ್​ ವಿಶ್ರಾಂತಿ ಪಡೆದ ಕಾರಣ ಸ್ಟೀವನ್​ ಸ್ಮಿತ್ ಏಕದಿನ ತಂಡವನ್ನು ಮುನ್ನಡೆಸಲಿದ್ದಾರೆ.

ಆಸ್ಟ್ರೇಲಿಯಾ ಏಕದಿನ ಪಂದ್ಯ

ಸ್ಟೀವನ್​ ಸ್ಮಿತ್ (ನಾಯಕ), ಸೀನ್ ಅಬಾಟ್, ನಾಥನ್ ಎಲ್ಲಿಸ್, ಕ್ಯಾಮೆರಾನ್ ಗ್ರೀನ್, ಆರನ್ ಹಾರ್ಡಿ, ಟ್ರಾವಿಸ್ ಹೆಡ್ (ಉ.ನಾ), ಜೋಶ್ ಇಂಗ್ಲಿಸ್, ಮಾರ್ನಸ್ ಲಬುಶೇನ್, ಗ್ಲೆನ್ ಮ್ಯಾಕ್ಸ್‌ವೆಲ್, ಲ್ಯಾನ್ಸ್ ಮೋರಿಸ್, ಜೇ ರಿಚರ್ಡ್ಸನ್, ಮ್ಯಾಟ್ ಶಾರ್ಟ್, ಆ್ಯಡಂ ಝಂಪಾ.

Exit mobile version