ಕರಾಚಿ: ನ್ಯೂಜಿಲ್ಯಾಂಡ್(PAK VS NZ) ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಅಂಪೈರ್ ಅಲೀಂ ದಾರ್ ಕೋಪಗೊಂಡು ಪಾಕಿಸ್ತಾನ ಆಟಗಾರನ ಜೆರ್ಸಿಯನ್ನು ಬಿಸಾಡಿದ್ದಾರೆ. ಇದಕ್ಕೆ ಕಾರಣ ಅವರ ಕಾಲಿಗೆ ಚೆಂಡು ಬಡಿದದ್ದು. ಮೊಹಮ್ಮದ್ ವಾಸಿಂ ಎಸೆದ ಎಸೆತವೊಂದು ಅಲೀಂ ದಾರ್ ಕಾಲಿಗೆ ಬಡಿದಿದೆ. ನೋವು ತಾಳಲಾರದೆ ಅಲೀಂ ದಾರ್ ಕೋಪಗೊಂಡು ಜೆರ್ಸಿಯನ್ನು ಬಿಸಾಡಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನ್ಯೂಜಿಲ್ಯಾಂಡ್ ಇನಿಂಗ್ಸ್ನ 36ನೇ ಓವರ್‌ನಲ್ಲಿ ಈ ಘಟನೆ ನಡೆದಿದೆ. ಪಾಕ್ ಬೌಲರ್ ಹ್ಯಾರಿಸ್ ರವೂಫ್ ಬೌಲಿಂಗ್ ನಡೆಸುತ್ತಿದ್ದರು. ಅವರ ನಾಲ್ಕನೇ ಎಸೆತವನ್ನು ಗ್ಲೆನ್ ಫಿಲಿಪ್ಸ್ ಮಿಡ್ ವಿಕೆಟ್ ಕಡೆ ಬಾರಿಸಿ 2 ರನ್ ಗಳಿಸಲು ಯತ್ನಿಸಿದರು. ಇದೇ ವೇಳೆ ಮೊಹಮ್ಮದ್ ವಾಸಿಂ ಚುರುಕಿನ ವೇಗದಲ್ಲಿ ಫೀಲ್ಡಿಂಗ್ ನಡೆಸಿ ಚೆಂಡನ್ನು ನಾನ್ ಸ್ಟ್ರೈಕ್ಗೆ ಎಸೆದರು. ಈ ವೇಳೆ ಚೆಂಡು ಅಂಪೈರ್ ಅಲೀಂ ದಾರ್ ಕಾಲಿಗೆ ನೇರವಾಗಿ ಬಡಿದಿದೆ.
ಚೆಂಡು ಬಡಿದ ತಕ್ಷಣ ಅಲೀಂ ದಾರ್ ನೋವಿನಿಂದ ನರಳುತ್ತಾ ತನ್ನ ಕೈಯಲ್ಲಿದ್ದ ಹಾರಿಸ್ ರವೂಫ್ ಅವರ ಜೆರ್ಸಿಯನ್ನು ನೆಲದ ಮೇಲೆ ಬಿಸಾಡಿದ್ದಾರೆ. ಬಳಿಕ ಅಲೀಂ ದಾರ್ ನೋವಿನಿಂದ ಬಳಲುತ್ತಿರುವುದನ್ನು ನೋಡಿದ ನಸೀಮ್ ಶಾ ಅವರು ಅಲೀಂ ಕಾಲನ್ನು ಉಜ್ಜಿದ್ದಾರೆ. ಇದೇ ವೇಳೆ ಅಲೀಂ ದಾರ್ ಪಾಕ್ ಆಟಗಾರರಿಗೆ ಸರಿಯಾಗಿ ನೋಡಿಕೊಂಡು ಚೆಂಡನ್ನು ಎಸೆಯುವಂತೆ ಸೂಚನೆ ನೀಡಿದ್ದಾರೆ. ಇನ್ನು ಈ ಪಂದ್ಯದಲ್ಲಿ ಪಾಕ್ ತಂಡ ಕಿವೀಸ್ ವಿರುದ್ಧ 79 ರನ್ಗಳ ಸೋಲು ಕಂಡಿತು.
ಇದನ್ನೂ ಓದಿ | PAK VS ENG | ಪಾಕಿಸ್ತಾನಕ್ಕೆ ತವರಿನಲ್ಲೇ ಕ್ಲೀನ್ ಸ್ವೀಪ್ ಮುಖಭಂಗ; ಅಂತಿಮ ಪಂದ್ಯದಲ್ಲಿ ಇಂಗ್ಲೆಂಡ್ಗೆ 8 ವಿಕೆಟ್ ಗೆಲುವು