ದುಬೈ: ಇಂಗ್ಲೆಂಡ್‌ ವಿರುದ್ಧದ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಭರ್ಜರಿ ೧೦ ವಿಕೆಟ್‌ಗಳ ವಿಜಯ ಸಾಧಿಸಿದ ಭಾರತ ತಂಡ ICC ODI RANKING ಪಟ್ಟಿಯಲ್ಲಿ ಒಂದು ಸ್ಥಾನ ಬಡ್ತಿ ಪಡೆದುಕೊಂಡಿದೆ. ಅಲ್ಲದೆ, ಸಾಂಪ್ರದಾಯಿಕ ಪ್ರತಿಸ್ಪರ್ಧಿ ಪಾಕಿಸ್ತಾನವನ್ನು ಓವರ್‌ಟೇಕ್‌ ಮಾಡಿ ಮೂರನೇ ಸ್ಥಾನ ಗಿಟ್ಟಿಸಿಕೊಂಡಿದೆ.
ಮಂಗಳವಾರ ನಡೆದ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಭಾರತ ತಂಡ ಶ್ರೇಷ್ಠ ಪ್ರದರ್ಶನ ನೀಡಿತ್ತು. ಆ ಪಂದ್ಯದಲ್ಲಿ ಭಾರತ ತಂಡ ೧೧೧ ರನ್‌ಗಳ ಗುರಿಯನ್ನು ೧೮.೪ ಓವರ್‌ಗಳಲ್ಲಿ ದಾಟುವ ಮೂಲಕ ಗೆಲುವಿನ ಸವಿಯುಂಡಿತ್ತು. ಈ ಪರಾಕ್ರಮದ ಹಿನ್ನೆಲೆಯಲ್ಲಿ ಭಾರತ ತಂಡ ಒಟ್ಟಾರೆ ICC ODI RANKING ಪಟ್ಟಿಯಲ್ಲಿನ ರೇಟಿಂಗ್ಸ್‌ ೧೦೮ಕ್ಕೇರಿದೆ. ಹೀಗಾಗಿ ೧೦೬ ರೇಟಿಂಗ್ಸ್‌ ಹೊಂದಿರುವ ಪಾಕಿಸ್ತಾನವನ್ನು ಹಿಂದಕ್ಕೆ ತಳ್ಳಿ ಮೂರನೇ ಸ್ಥಾನವನ್ನು ಆಕ್ರಮಿಸಿಕೊಂಡಿದೆ.
ನ್ಯೂಜಿಲೆಂಡ್‌ಗೆ ಮೊದಲ ಸ್ಥಾನ̳
೧೩ ಪಂದ್ಯಗಳಲ್ಲಿ ೧೬೪೦ ಅಂಕ ಪಡೆದು, ೧೨೬ ರೇಟಿಂಗ್ಸ್‌ ಹೊಂದಿರುವ ನ್ಯೂಜಿಲೆಂಡ್‌ ತಂಡ ICC ODI RANKING ಪಟ್ಟಿಯಲ್ಲಿ ಅಗ್ರ ಸ್ಥಾನ ಪಡೆದುಕೊಂಡಿದೆ. ೨೩ ಪಂದ್ಯಗಳಲ್ಲಿ 2,811 ಅಂಕಗ ಹಾಗೂ 122 ರೇಟಿಂಗ್ಸ್‌ ಹೊಂದಿರುವ ಇಂಗ್ಲೆಂಡ್‌ ತಂಡ ಎರಡನೇ ಸ್ಥಾನ ಪಡೆದುಕೊಂಡಿದೆ. ೧೦೧ ರೇಟಿಂಗ್ಸ್‌ ಹೊಂದಿರುವ ಆಸ್ಟ್ರೇಲಿಯಾ ತಂಡ ನಾಲ್ಕನೇ ಶ್ರೇಯಾಂಕ ಹೊಂದಿದೆ. ಅಂತೆಯೇ ದಕ್ಷಿಣ ಆಫ್ರಿಕಾ ತಂಡ ೯೯ ರೇಟಿಂಗ್ಸ್‌ನೊಂದಿಗೆ ಐದನೇ ಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ : INDvsENG ODI: ರೋಹಿತ್‌ ಶರ್ಮ ಪ್ರೇಕ್ಷಕರ ಗ್ಯಾಲರಿಗೆ ನುಗ್ಗಿ ಬಾಲಕಿಗೆ ಸಮಾಧಾನ ಹೇಳಿದ್ದು ಯಾಕೆ?