ಹೈದರಾಬಾದ್: ಇಲ್ಲಿನ ರಾಜೀವ್ಗಾಂಧಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ಮಂಗಳವಾರ ನಡೆದ ಶ್ರೀಲಂಕಾ ವಿರುದ್ಧದ ಏಕದಿನ ವಿಶ್ವಕಪ್ 2023ರ ಪಂದ್ಯದಲ್ಲಿ ಪಾಕಿಸ್ತಾನವು 345 ರನ್ಗಳನ್ನು ಬೆನ್ನಟ್ಟುವ ಮೂಲಕ ವಿಶ್ವಕಪ್ನಲ್ಲಿ ಅತಿ ಹೆಚ್ಚು ಯಶಸ್ವಿ ರನ್ ಚೇಸ್ ದಾಖಲೆಯನ್ನು ಮಾಡಿದೆ. ಅಬ್ದುಲ್ಲಾ ಶಫೀಕ್ ಮತ್ತು ಮುಹಮ್ಮದ್ ರಿಜ್ವಾನ್ ಅವರ ಶತಕಗಳು ಪಾಕಿಸ್ತಾನವನ್ನು ಗೆಲುವಿನತ್ತ ಮುನ್ನಡೆಸಿತ್ತು. ಈ ಹಿಂದೆ 2011ರಲ್ಲಿ ಇಂಗ್ಲೆಂಡ್ ವಿರುದ್ಧ ಐರ್ಲೆಂಡ್ 329 ರನ್ ಚೇಸ್ ಮಾಡಿದ್ದು ದಾಖಲೆಯಾಗಿತ್ತು. ಆ ದಾಖಲೆಯನ್ನು ಪಾಕ್ ತಂಡ ಮುರಿದಿದೆ.
ಈ ಸುದ್ದಿಗಳನ್ನೂ ಓದಿ
ICC World Cup 2023 : ಶತಕಗಳ ಮೇಲೆ ಶತಕ ಬಾರಿಸಿ ಹೊಸ ದಾಖಲೆ ಬರೆದ ಡೇವಿಡ್ ಮಲಾನ್
ICC World Cup 2023 : 31 ವರ್ಷಗಳ ಹಳೆಯ ದಾಖಲೆ ಮುರಿದ ಜೋ ರೂಟ್
ICC world Cup 2023 : ಇಂಗ್ಲೆಂಡ್ ತಂಡಕ್ಕೆ ಬಾಂಗ್ಲಾ ವಿರುದ್ಧ ಭರ್ಜರಿ ಜಯ
ಪಂದ್ಯದಲ್ಲಿ ಆರಂಭಿಕ ಬ್ಯಾಟರ್ ಅಬ್ದುಲ್ಲಾ ಶಫಿಕ್ (113ರನ್) ಹಾಗೂ ಮೊಹಮ್ಮದ್ ರಿಜ್ವಾನ್ (ಅಜೇಯ 131 ರನ್) ಜೋಡಿಯ ಅಮೋಘ ಶತಕದ ನೆರವಿನಿಂದ ಮಿಂಚಿದ ಪಾಕಿಸ್ತಾನ ತಂಡ ಶ್ರೀಲಂಕಾ ತಂಡದ ವಿರುದ್ಧದ 6 ವಿಕೆಟ್ ಭರ್ಜರಿ ಗೆಲುವು ದಾಖಲಿಸಿದೆ. ಇದರೊಂದಿಗೆ ಪಾಕಿಸ್ತಾನ ತಂಡ ಹಾಲಿ ವಿಶ್ವ ಕಪ್ನಲ್ಲಿ ಸತತ ಎರಡನೇ ಗೆಲುವು ಪಡೆದುಕೊಂಡಿದೆ. ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ ತಂಡ ನೆದರ್ಲೆಂಡ್ಸ್ ವಿರುದ್ಧ 81 ರನ್ಗಳ ವಿಜಯ ದಾಖಲಿಸಿತ್ತು. ವಿಶ್ವ ಕಪ್ ಅಂಕಪಟ್ಟಿಯಲ್ಲಿ ಒಟ್ಟು 4 ಅಂಕಗಳನ್ನು ಪಡೆದುಕೊಂಡು ಎರಡನೇ ಸ್ಥಾನ ಗಿಟ್ಟಿಸಿದೆ. ನ್ಯೂಜಿಲ್ಯಾಂಡ್ ತಂಡ ಮೊದಲ ಸ್ಥಾನದಲ್ಲಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಶ್ರೀಲಂಕಾ ತಂಡ ನಿಗದಿತ 50 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 344 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಪಾಕಿಸ್ತಾನ ತಂಡ ಇನ್ನೂ 10 ಎಸೆತಗಳು ಬಾಕಿ ಇರುವಂತೆಯೇ 4 ವಿಕೆಟ್ ನಷ್ಟಕ್ಕೆ 345 ರನ್ ಬಾರಿಸಿ ಜಯ ಗಳಿಸಿತು. ಈ ಪಂದ್ಯದಲ್ಲಿ ಒಟ್ಟು ನಾಲ್ಕು ಶತಕಗಳು ದಾಖಲಾಗಿದ್ದು, ಲಂಕಾ ಪರ ಕುಸಾಲ್ ಮೆಂಡಿಸ್ (122) ಹಾಗೂ ಸದೀರಾ ಸಮರ ವಿಕ್ರಮ (108) ಮೂರಂಕಿ ಮೊತ್ತ ಬಾರಿಸಿದರು. ಪಾಕ್ ಪರ ಶಫಿಕ್ ಹಾಗೂ ರಿಜ್ವಾನ್ ಶತಕಗಳನ್ನು ಬಾರಿಸಿದರು. ಇದು ಪಾಕಿಸ್ತಾನ ತಂಡ ವಿಶ್ವ ಕಪ್ನಲ್ಲಿ ಚೇಸ್ ಮಾಡಿದ ಗರಿಷ್ಠ ರನ್ಗಳ ಗುರಿಯೆನಿಸಿಕೊಂಡಿದೆ.
Tons from Abdullah Shafique and Mohammed Rizwan guide Pakistan to the most successful chase in @cricketworldcup history 🔥#CWC23 #PAKvSL 📝: https://t.co/qVJCYjJyt3 pic.twitter.com/xfEl6xTBwl
— ICC (@ICC) October 10, 2023
ಮೊದಲು ಬ್ಯಾಟ್ ಮಾಡಿದ ಲಂಕಾ ತಂಡ 5 ರನ್ಗೆ ಮೊದಲ ವಿಕೆಟ್ ಕಳೆದುಕೊಂಡು ಆರಂಭಿಕ ಆಘಾತಕ್ಕೆ ಒಳಗಾಯಿತು. ಆದರೆ, ಮೂರನೇ ವಿಕೆಟ್ಗೆ ಪಾಥುಮ್ ನಿಸ್ಸಾಂಕ (51) ಹಾಗೂ ಕುಸಾಲ್ ಮೆಂಡಿಸ್ (122) 102 ರನ್ಗಳ ಜತೆಯಾಟವಾಡಿದರು. ಬಳಿಕ ಬಂದ ಸದೀರ ಸಮರವಿಕ್ರಮ ಕೂಡ ಉತ್ತಮವಾಗಿ ಬ್ಯಾಟ್ ಬೀಸಿದರು. ಇವರಿಬ್ಬರು ನಾಲ್ಕನೇ ವಿಕೆಟ್ಗೆ 111 ರನ್ಗಳ ಜತೆಯಾಟ ಕೊಟ್ಟರು. ಈ ವೇಳೆ ಶ್ರೀಲಂಕಾ 3 ವಿಕೆಟ್ಗೆ 218 ರನ್ ಗಳಿಸಿತ್ತು. ಆ ಬಳಿಕ ಪಾರಮ್ಯ ಸಾಧಿಸಿದ ಪಾಕಿಸ್ತಾನದ ಬೌಲರ್ಗಳು ಲಂಕಾ ವಿಕೆಟ್ಗಳನ್ನು ಸತತವಾಗಿ ಪಡೆದರು. ಹೀಗಾಗಿ ಲಂಕಾ ತಂಡದ ಮೊತ್ತ 344ಕ್ಕೆ ಕೊನೆಗೊಂಡಿತು.
ಪಾಕ್ ಅಬ್ಬರ
ದೊಡ್ಡ ಮೊತ್ತವನ್ನು ಬೆನ್ನಟ್ಟಲು ಆರಂಭಿಸಿದ ಭಾರತ ತಂಡ ಇಮಾಮ್ ಉಲ್ ಹಕ್ ಅವರನ್ನು 12 ರನ್ಗೆ ಕಳೆದುಕೊಳ್ಳುವ ಮೂಲಕ ಆತಂಕಕ್ಕೆ ಒಳಗಾಯಿತು. ಬಳಿಕ ಬಾಬರ್ ಅಜಮ್ ಕೂಡ 10 ರನ್ ಬಾರಿಸಿ ಔಟಾದರು. ಈ ವೇಳೆ ಜತೆಯಾದ ಅಬ್ದುಲ್ಲಾ ಮತ್ತು ಮಹಮ್ಮದ್‌ ರಿಜ್ವಾನ್ 176 ರನ್ಗಳ ಜತೆಯಾಟವಾಡಿದರು. ಲಂಕಾ ಬೌಲ್ಗಳನ್ನು ಹಿಮ್ಮೆಟ್ಟಿಸಿ ಗೆಲುವಿನ ಕಡೆಗೆ ಹೆಜ್ಜೆಯಿಟ್ಟರು. ಬಳಿಕ ಬಂದ ಸೌದ್ ಶಕಿಲ್ 31 ರನ್ ಬಾರಿಸಿದರೆ ಇಫ್ತಿಕಾರ್ ಅಹಮದ್ 22 ರನ್ ಹೊಡೆದರು.
ಒಂದೇ ಪಂದ್ಯದಲ್ಲಿ ನಾಲ್ಕು ಶತಕ: ಇದು ಮೂರನೇ ಬಾರಿ
ಪಾಕಿಸ್ತಾನ ಮತ್ತು ಶ್ರೀಲಂಕಾ ನಡುವಿನ ಪಂದ್ಯದಲ್ಲಿ ನಾಲ್ಕು ಶತಕಗಳು ದಾಖಲಾದವು. ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ಒಂದೇ ಪಂದ್ಯದಲ್ಲಿ ನಾಲ್ವರು ಶತಕ ಬಾರಿಸಿದ್ದು ಇದು ಮೂರನೇ ಬಾರಿ. ಮತ್ತು ಎರಡನೇ ಬಾರಿ ಪಾಕಿಸ್ತಾನ ಈ ಸಾಧನೆಯಲ್ಲಿ ಭಾಗಿಯಾಗಿರುವುದು ವಿಶೇಷ. ಆಸ್ಟ್ರೇಲಿಯಾ ಕೂಡಾ ಈ ಗೌರವವನ್ನು ಹೊಂದಿದೆ.
1.2023ರ ವಿಶ್ವ ಕಪ್: ಪಾಕಿಸ್ತಾನ ಮತ್ತು ಶ್ರೀಲಂಕಾ ನಡುವಿನ ಪಂದ್ಯ
ಶ್ರೀಲಂಕಾ ಪರ ಕುಸಾಲ್ ಮೆಂಡಿಸ್ ಮತ್ತು ಸದೀರ ಸಮರವಿಕ್ರಮ
ಪಾಕಿಸ್ತಾನದ ಪರ ಅಬ್ದುಲ್ಲಾ ಶಫೀಕ್ ಮತ್ತು ಮಹಮ್ಮದ್‌ ರಿಜ್ವಾನ್
ಪಂದ್ಯದ ಸ್ಕೋರ್‌ ಕಾರ್ಡ್‌ಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ
2.2013ರ ಸರಣಿ: ಭಾರತ ಮತ್ತು ಆಸ್ಟ್ರೇಲಿಯಾ ತಂಡದ ನಡುವೆ
ಭಾರತದ ಪರ ಶಿಖರ್‌ ಧವನ್‌ ಮತ್ತು ವಿರಾಟ್‌ ಕೊಹ್ಲಿ
ಆಸ್ಟ್ರೇಲಿಯಾ ಪರ ಜಾರ್ಜ್‌ ಬೈಲಿ ಮತ್ತು ಶೇನ್‌ ವಾಟ್ಸನ್‌
3.1998ರ ಸರಣಿ: ಪಾಕಿಸ್ತಾನ ಮತ್ತು ಆಸ್ಟ್ರೇಲಿಯಾ ತಂಡದ ನಡುವೆ
ಪಾಕಿಸ್ತಾನ ಪರ ಇಜಾಜ್‌ ಅಹಮದ್ ಮತ್ತು ಮೊಹಮ್ಮದ್ ಯೂಸುಫ್‌
ಆಸ್ಟ್ರೇಲಿಯಾ ಪರ ಆಡಂ ಗಿಲ್‌ಕ್ರಿಸ್ಟ್‌ ಮತ್ತು ರಿಕಿ ಪಾಂಟಿಂಗ್‌