ಬೆಂಗಳೂರು: ಭಾರತ ಹಾಗೂ ಆಸ್ಟ್ರೇಲಿಯಾ ತಂಡಗಳ ನಡುವಿನ ಬಾರ್ಡರ್- ಗವಾಸ್ಕರ್ ಟ್ರೋಫಿ (Border Gavaskar Trophy) ಟೆಸ್ಟ್ ಸರಣಿ ಬಗ್ಗೆ ಜೋರು ಚರ್ಚೆ ನಡೆಯುತ್ತಿದೆ. ಪ್ರಮುಖವಾಗಿ ಬಿಸಿಸಿಐ, ಸ್ಪಿನ್ ಪಿಚ್ಗಳನ್ನು ತಯಾರಿಸುವ ಮೂಲಕ ಪ್ರವಾಸಿ ತಂಡವನ್ನು ಹಿನ್ನಡೆ ಉಂಟು ಮಾಡುವ ಯೋಜನೆ ರೂಪಿಸಿಕೊಂಡಿದೆ ಎಂದು ಎದುರಾಳಿ ತಂಡದ ಆಟಗಾರರು ಹೇಳುತ್ತಿದ್ದಾರೆ. ಹೀಗಾಗಿ ಎಲ್ಲಿ ನೋಡಿದರೂ ಸ್ಪಿನ್ ಪಿಚ್ನದ್ದೇ ಮಾತು. ಆದರೆ, ಆಸ್ಟ್ರೇಲಿಯಾ ತಂಡದ ವಿಕೆಟ್ಕೀಪರ್ ಬ್ಯಾಟರ್ ಅಲೆಕ್ಸ್ ಕ್ಯೇರಿಗೆ ಬೇರೆಯದ್ದೇ ಚಿಂತೆ. ನಾವೆಲ್ಲರೂ ಸ್ಪಿನ್ ಬಗ್ಗೆ ಚರ್ಚೆ ನಡೆಸುತ್ತಿರುವ ವೇಳೆ ಭಾರತ ತಂಡ ರಿವರ್ಸ್ ಸ್ವಿಂಗ್ ದಾಳಿ ನಡೆಸಲು ಸಜ್ಜಾಗಿದೆ ಎಂದು ಅವರು ಎಚ್ಚರಿಕೆ ಕೊಟ್ಟಿದ್ದಾರೆ.
ಪಾಕಿಸ್ತಾನಕ್ಕೆ ಪ್ರವಾಸ ಮಾಡುವ ವೇಳೆಯೂ ಇದೇ ರೀತಿ ಸ್ಪಿನ್ ಬೌಲಿಂಗ್ ದಾಳಿಯ ಕುರಿತು ಚರ್ಚೆ ನಡೆಸಿದ್ದೆವು. ಆದರೆ ಅಲ್ಲಿಗೆ ಹೋದ ಬಳಿಕ ನಾವು ರಿವರ್ಸ್ ಸ್ವಿಂಗ್ ಎಸೆತಗಳಿಗೆ ಬ್ಯಾಟ್ ಮಾಡುವುದಕ್ಕೆ ಸಮಸ್ಯೆ ಎದುರಿಸಿದೆವು ಎಂದು ಕ್ಯೇರಿ ಹೇಳಿದ್ದಾರೆ.
ಇದನ್ನೂ ಓದಿ : Team India | ಮಾಜಿ ಕೋಚ್ ರವಿ ಶಾಸ್ತ್ರಿಗೆ ಪ್ರತ್ಯುತ್ತರ ಕೊಟ್ಟ ಸ್ಪಿನ್ನರ್‌ ಆರ್ ಅಶ್ವಿನ್‌
2018ರಲ್ಲಿ ಭಾರತ ಎ ತಂಡದ ವಿರುದ್ಧ ನಾನು ಆಡಿದ್ದೆ. ಈ ವೇಳೆಯೂ ಸ್ಪಿನ್ ಬೌಲಿಂಗ್ ಕುರಿತು ಹೆಚ್ಚು ಚರ್ಚೆಗಳ ನಡೆದಿದ್ದವು. ಆದರೆ, ವಾಸ್ತವದಲ್ಲಿ ಭಾರತದ ವೇಗದ ಬೌಲರ್ಗಳು ರಿವರ್ಸ್ ಸ್ವಿಂಗ್ ಬೌಲಿಂಗ್ ಮೂಲಕ ಹೆಚ್ಚು ಹಾನಿ ಉಂಟು ಮಾಡುತ್ತಿದ್ದರು ಎಂಬುದಾಗಿ ಕ್ಯೇರಿ ಹೇಳಿದ್ದಾರೆ.