ಮೊಹಾಲಿ : ಐಪಿಎಲ್‌ನ (Indian Premier League) ಪಂಜಾಬ್‌ ಕಿಂಗ್ಸ್‌ ತಂಡದ ನಾಯಕತ್ವದಿಂದ ಮಯಾಂಕ್ ಅಗರ್ವಾಲ್‌ಗೆ ಕೊಕ್‌ ನೀಡಲಾಗಿದೆ ಎಂಬ ಗಾಳಿ ಸುದ್ದಿಯನ್ನು ತಂಡದ ಮಾಲೀಕರು ಸಾರಾಸಗಟಾಗಿ ತಳ್ಳಿ ಹಾಕಿದ್ದಾರೆ. ಇಂಥದ್ದೊಂದು ಸಾಧ್ಯತೆಗಳ ಬಗ್ಗೆ ಚರ್ಚೆ ನಡೆದಿಲ್ಲ. ಎಲ್ಲವೂ ಸುಳ್ಳು ಎಂದು ಹೇಳಿದ್ದಾರೆ. ಪಂಬಾಬ್‌ ಕಿಂಗ್ಸ್‌ ತಂಡದ ನಾಯಕತ್ವವನ್ನು ಇಂಗ್ಲೆಂಡ್‌ನ ವಿಕೆಟ್‌ಕೀಪರ್ ಬ್ಯಾಟ್ಸ್‌ಮನ್‌ ಜಾಣನಿ ಬೈರ್‌ಸ್ಟೋವ್‌ ಅವರಿಗೆ ನೀಡಲು ತಂಡದ ಮ್ಯಾನೇಜ್ಮೆಂಟ್‌ ಯೋಜನೆ ರೂಪಿಸಿದೆ ಎಂದು ಕೆಲವು ದಿನಗಳಿಂದ ಸುದ್ದಿ ಹರಡಿತ್ತು. ಅವೆಲ್ಲವೂ ಸುಳ್ಳು ಎಂದು ಹೇಳಿದ್ದಾರೆ.
ಕೆಲವು ವೆಬ್‌ಸೈಟ್‌ಗಳಲ್ಲಿ ಮಯಾಂಕ್ ಅಗರ್ವಾಲ್‌ ಅವರನ್ನು ಪಂಜಾಬ್‌ ಕಿಂಗ್ಸ್‌ ತಂಡದ ನಾಯಕತ್ವದಿಂದ ಇಳಿಸುವ ಯೋಜನೆಯಿದೆ ಎಂಬ ಸುದ್ದಿ ಪ್ರಕಟಗೊಂಡಿವೆ. ಇಂಥದ್ದೊಂದು ಸುದ್ದಿ ಸುಳ್ಳು. ಈ ಬಗ್ಗೆ ಯಾವುದೇ ಅಧಿಕೃತ ಪ್ರಕಟಣೆಯನ್ನು ನಾವು ಹೊರಡಿಸಿಲ್ಲ ಎಂದು ಪಂಜಾಬ್‌ ಕಿಂಗ್ಸ್‌ ತಂಡ ಟ್ವೀಟ್‌ ಮಾಡಿದೆ.
೨೦೨೨ರ ಐಪಿಎಲ್‌ಗೆ ಮೊದಲು ಮಯಾಂಕ್ ಅಗರ್ವಾಲ್‌ ಅವರು ಪಂಜಾಬ್‌ ಕಿಂಗ್ಸ್‌ ತಂಡದ ನಾಯಕತ್ವದ ಹೊಣೆಗಾರಿಕೆ ವಹಿಸಿಕೊಂಡಿದ್ದರು. ಅದಕ್ಕಿಂತ ಹಿಂದಿನ ಆವೃತ್ತಿಗಳಲ್ಲಿ ಕೆ.ಎಲ್‌ ರಾಹುಲ್ ಪಂಜಾಬ್‌ ತಂಡದ ನಾಯಕರಾಗಿದ್ದರು. ಅವರು ಲಖನೌ ಸೂಪರ್‌ ಜಯಂಟ್ಸ್‌ ತಂಡದ ನಾಯಕರಾಗಿ ಅಯ್ಕೆಯಾದ ಬಳಿಕ ಮಯಾಂಕ್‌ಗೆ ನಾಯಕತ್ವ ನೀಡಲಾಗಿತ್ತು.
ಇದನ್ನೂ ಓದಿ | IPL 2023 | ಇಂಗ್ಲೆಂಡ್‌ ತಂಡದ ಮಾಜಿ ನಾಯಕನನ್ನು ಕೋಚಿಂಗ್‌ ವಿಭಾಗಕ್ಕೆ ಸೇರಿಲು ಪಂಜಾಬ್‌ ಉತ್ಸುಕ