ಮುಂಬಯಿ: ಅತ್ಯಂತ ರೋಚಕವಾಗಿ ಸಾಗಿದ ಬೆಂಗಾಲ್ ವಾರಿಯರ್ಸ್ ಮತ್ತು ತಮಿಳ್ ತಲೈವಾಸ್ ವಿರುದ್ಧದ ಪ್ರೊ ಕಬಡ್ಡಿ(Pro Kabaddi) ಪಂದ್ಯ ಅಂತಿಮವಾಗಿ 41-41 ಅಂಕದೊಂದಿಗೆ ಟೈ ಆಗಿದೆ. ಉಭಯ ತಂಡಗಳ ಆಟಗಾರರು ಪಂದ್ಯದುದ್ದಕ್ಕೂ ಅಮೋಘ ಪ್ರದರ್ಶನ ತೋರುವ ಮೂಲಕ ನೆರೆದಿದ್ದ ಸ್ಥಳೀಯ ಕಬಡ್ಡಿ ಅಭಿಮಾನಿಗಳನ್ನು ರಂಜಿಸಿದರು.
ಶ್ರೀ ಛತ್ರಪತಿ ಶಿವಾಜಿ ಸ್ಪೋರ್ಟ್ಸ್ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಈ ಮುಖಾಮುಖಿಯಲ್ಲಿ ತಮಿಳ್ ತಂಡದ ಪರ ನರೀಂದರ್(15), ಅಜಿಂಕ್ಯಾ ಪವಾರ್(9) ಮತ್ತು ಮೋಹಿತ್(5) ಉತ್ತಮ ಪ್ರದರ್ಶನ ತೋರಿದರು. ತಮಿಳ್ ತಲೈವಾಸ್ ತಮಡ ಪಂದ್ಯದ ಆರಂಭದಲ್ಲಿ ಹಿನ್ನಡೆ ಅನುಭವಿಸಿದ್ದರೂ ಬಳಿಕದ ಆಟದಲ್ಲಿ ತಿರುಗಿ ಬಿತ್ತು. ತನ್ನ ತಪ್ಪನ್ನು ಅರಿತು ರೇಡಿಂಗ್ ಮತ್ತು ರಕ್ಷಣಾ ವಿಭಾಗವನ್ನು ಬಲಗೊಳಿಸಿ ಪಂದ್ಯದಲ್ಲಿ ಹಿಡಿತ ಸಾಧಿಸಿತು.
ಬೆಂಗಾಲ್ ಪರ ನಾಯಕ ಮಣೀಂದರ್ ಸಿಂಗ್ 18 ಬಾರಿ ಎದುರಾಳಿ ಕೋಟೆಗೆ ನುಗ್ಗಿ 19 ಅಂಕ ಕಲೆಹಾಕಿದರು. ಇದರಲ್ಲಿ 15 ಟಚ್ ಪಾಯಿಂಟ್ ಮತ್ತು 4 ಬೋನಸ್ ಅಂಕ ಸೇರಿತ್ತು. ಉಳಿದಂತೆ ದೀಪಕ್ ಹೂಡಾ 11 ಅಂಕ ಕಲೆಹಾಕಿದರು.
ಇದನ್ನೂ ಓದಿ Pro Kabaddi | ಪಾಟ್ನಾ ಪೈರೇಟ್ಸ್‌, ಯುಪಿ ಯೋಧಾಸ್‌ಗೆ ತಂಡಗಳಿಗೆ ಜಯ