ಅಹಮದಾಬಾದ್: ಗುರುವಾರದ ಅತ್ಯಂತ ಜಿದ್ದಾಜಿದ್ದಿನ ಪ್ರೊ ಕಬಡ್ಡಿ ಲೀಗ್‌(Pro Kabaddi) ಪಂದ್ಯದಲ್ಲಿ ಪಾಟ್ನಾ ಪೈರೇಟ್ಸ್‌ ತಂಡ ಆತಿಥೇಯ ಗುಜರಾತ್ ಜೈಂಟ್ಸ್ ತಂಡವನ್ನು 33-30 ಅಂಕದ ಅಂತರದಿಂದ ಮಣಿಸಿ ರೋಚಕ ಗೆಲುವು ಕಂಡಿದೆ. ಬೆಂಗಾಲ್ ವಾರಿಯರ್ಸ್ ಮತ್ತು ಜೈಪುರ ಪಿಂಕ್ ಪ್ಯಾಂಥರ್ಸ್ ನಡುವಣ ಪಂದ್ಯ 28-28 ಅಂಕದೊಂದಿಗೆ ಟೈಗೊಂಡಿತು.
ಗುಜರಾತ್ಗೆ ಮೊದಲ ಸೋಲು
ಹ್ಯಾಟ್ರಿಕ್ ಗೆಲುವಿನೊಂದಿಗೆ ಅಜೇಯ ಓಟ ಕಾಯ್ದುಕೊಂಡಿದ್ದ ಗುಜರಾತ್ ಜೈಂಟ್ಸ್ ತಂಡ ಈ ಅಬ್ಬರಕ್ಕೆ ಬ್ರೇಕ್ ಹಾಕುವಲ್ಲಿ ಪಾಟ್ನಾ ಪೈರೇಟ್ಸ್‌ ಯಶಸ್ಸು ಕಂಡಿತು. ಪಾಟ್ನಾ ಪೈರೇಟ್ಸ್‌ ಆಡಿದ 2 ಪಂದ್ಯಗಳಲ್ಲಿಯೂ ಗೆದ್ದು ಈಗ ಅಜೇಯ ಓಟ ಮುಂದುವರಿಸಿದೆ. ಸದ್ಯ ಅಂಕಪಟ್ಟಿಯಲ್ಲಿ 10 ಅಂಕದೊಂದಿಗೆ ದ್ವಿತೀಯ ಸ್ಥಾನ ಕಾಯ್ದುಕೊಂಡಿದೆ. ಸೋಲು ಕಂಡ ಗುಜರಾತ್ 16 ಅಂಕದೊಂದಿಗೆ ಅಗ್ರಸ್ಥಾನದಲ್ಲೇ ಮುಂದುವರಿದಿದೆ. ಪಾಟ್ನಾ ವಿರುದ್ಧ 5ಕ್ಕಿಂತ ಕಡಿಮೆ ಅಂಕದ ಅಂತರದಿಂದ ಸೋಲು ಕಂಡ ಕಾರಣ ಒಂದು ಅಂಕ ಲಭಿಸಿದೆ.
ಇದನ್ನೂ ಓದಿ Pro Kabaddi: ಗೆಲುವಿನ ನಗೆ ಬೀರಿದ ಪಾಟ್ನಾ ಪೈರೇಟ್ಸ್‌, ಯುಪಿ ಯೋಧಾಸ್
Pirates nahi toh kaun? 💚
— ProKabaddi (@ProKabaddi) December 7, 2023
Watching this raid on loop 😁#ProKabaddi #PKL #PKLSeason10 #HarSaansMeinKabaddi #GGvPAT #GujaratGiants #PatnaPirates pic.twitter.com/NI8H0rt7LS
ಎಡವಿದ ಫಜಲ್ ಅತ್ರಾಚಲಿ
ಗುಜರಾತ್ ನಾಯಕ ಫಜಲ್ ಅತ್ರಾಚಲಿ ಅವರು ಡಿಫೆಂಡಿಂಗ್ನಲ್ಲಿ ಅನುಭವಿಸಿದ ವೈಫಲ್ಯ ತಂಡದ ಸೋಲಿಗೆ ಪ್ರಮುಖ ಕಾರಣವಾಯಿತು. ಈ ಹಿಂದಿನ ಮೂರು ಪಂದ್ಯಗಳಲ್ಲಿ ಅವರು ಅದ್ಭುತ ಕ್ಯಾಚಿಂಗ್ ಮೂಲಕ ಎದುರಾಳಿ ರೇಡರ್ಗಳನ್ನು ಕಟ್ಟಿ ಹಾಕಿದ್ದರು. ಆದರೆ ಈ ಪಂದ್ಯದಲ್ಲಿ ಅವರ ಎಲ್ಲ ಪ್ರಯತ್ನಗಳು ವಿಫಲಗೊಂಡವು. ಸೌರವ್ ಗುಲಿಯಾ ಡಿಫೆಂಡಿಂಗ್ನಲ್ಲಿ 4 ಅಂಕ ಪಡೆದರೂ ಕೂಡ ಗ್ರೀನ್ ಮತ್ತು ಹಳದಿ ಕಾರ್ಡ್ ಪಡೆದು ಕೆಲ ಕಾಲ ಮ್ಯಾಟ್ನಿಂದ ಹೊರಗುಳಿಯಬೇಕಾಯಿತು. ಇದು ಕೂಡ ತಂಡದ ಹಿನ್ನಡೆಗೆ ಕಾರಣವಾಯಿತು. ರೇಡರ್ ರಾಕೇಶ್ 11 ಅಂಕ ಗಳಿಸಿ ತಂಡದ ಸೋಲಿನ ಅಂತರವನ್ನು ಕಡಿಮೆಗೊಳಿಸಿದರು.
ಪಾಟ್ನಾ ಪರ ಕಳೆದ ಪಂದ್ಯದಲ್ಲಿ ಮಿಂಚಿನ ರೇಡಿಂಗ್ ನಡೆಸಿದ ಸಚಿನ್ ಅವರ ಆಟ ಈ ಪಂದ್ಯದಲ್ಲಿ ಕೊಂಚ ಮಂಕಾಗಿತ್ತು. ಕೇವಲ 4 ಅಂಕಕ್ಕೆ ಮಾತ್ರ ಸೀಮಿತರಾದರು. ಬುಧವಾರದ ಪಂದ್ಯದಲ್ಲಿ 14 ಅಂಕ ಗಳಿಸಿದ್ದರು. ಸುಧಾಕರ್ ಅವರು ರೇಡಿಂಗ್ನಲ್ಲಿ (5) ಮತ್ತು ನಾಯಕ ನೀರಜ್ ಕುಮಾರ್ ಡಿಫೆಂಡಿಂಗ್ನಲ್ಲಿ (4), ಅಂಕಿತ್ (4) ಸಂಘಟಿತ ಪ್ರದರ್ಶನ ನೀಡಿ ತಂಡಕ್ಕೆ ಗೆಲುವು ತಂದುಕೊಟ್ಟರು.
Anything you can do, Shri-kan do better 😁#ProKabaddi #PKLSeason10 #PKL #BENvJPP #BengalWarriors #JaipurPinkPanthers #HarSaansMeinKabaddi pic.twitter.com/SZjxFnGzqK
— ProKabaddi (@ProKabaddi) December 7, 2023
ಗೆಲ್ಲುವ ಅವಕಾಶ ಕಳೆದುಕೊಂಡ ಬೆಂಗಾಲ್
ದಿನದ ಮೊದಲ ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ ತಂಡ ಜೈಪುರ ಪಿಂಕ್ ಪ್ಯಾಂಥರ್ಸ್ ವಿರುದ್ಧ ಗೆಲ್ಲುವ ಅವಕಾಶವನ್ನು ಕಳೆದುಕೊಂಡು ಟೈ ಆಗುವಂತೆ ಮಾಡಿತು. ಪಂದ್ಯದ ಆರಂಭದಿಂದ ಮುನ್ನಡೆ ಕಾಯ್ದುಕೊಂಡಿದ್ದ ಬೆಂಗಾಲ್ ಇನ್ನೇನು ಪಂದ್ಯ ಮುಗಿಯಲು ಒಂದು ನಿಮಿಷ ಬಾಕಿ ಇರುವಾಗ ಇಬ್ಬರು ಆಟಗಾರರು ಟ್ಯಾಕಲ್ ಮಾಡುವ ಭರದಲ್ಲಿ ನಿಯಂತ್ರಣ ಕಳೆದುಕೊಂಡು ಬ್ಯಾಕ್ ಲೈನ್ ಮೆಟ್ಟಿ ಸೆಲ್ಫ್ ಔಟ್ ಆಗುವ ಮೂಲಕ ಎದುರಾಳಿ ತಂಡಕ್ಕೆ ಅನಗತ್ಯವಾಗಿ 2 ಅಂಕ ಬಿಟ್ಟುಕೊಟ್ಟರು. ಇದು ಜೈಪುರ ತಂಡಕ್ಕೆ ವರದಾನವಾಯಿತು. ಇದೇ ಅಂಕವನ್ನು ಬಳಸಿಕೊಂಡು ಸೋಲಿನ ದಡವೆಯಿಂದ ಪಾರಾಗಿ ಪಂದ್ಯವನ್ನು ಟೈಗೊಳಿಸುವಲ್ಲಿ ಯಶಸ್ಸು ಸಾಧಿಸಿತು.
Another thriller of the night ✨🤩
— ProKabaddi (@ProKabaddi) December 7, 2023
Pirates hand the Giants their first defeat of #PKLSeason10.
Watch all the action in #PKLSeason10 LIVE on the Star Sports Network and for free on the Disney+ hotstar mobile app 📲#GGvPAT #PKL #ProKabaddi #HarSaansMeinKabaddi pic.twitter.com/eny8xRIq8u