ಚೆನ್ನೈ: ಸೋಮವಾರದ ಪ್ರೊ ಕಬಡ್ಡಿ ಲೀಗ್ನ ಡಬಲ್ ಹೆಡರ್ನ ದ್ವಿತೀಯ ಪಂದ್ಯದಲ್ಲಿ ಗೆಲುವಿನ ಇರಾದೆಯೊಂದಿಗೆ ತವರಿನ ಅಂಗಳದಲ್ಲಿ ಆಡಲಿಳಿದ ತಮಿಳ್ ತಲೈವಾಸ್ಗೆ(Tamil Thalaivas) ಹರ್ಯಾಣ ಸ್ಟೀಲರ್(Haryana Steelers) ಸೋಲಿನ ಏಟು ನೀಡಿದೆ. ಅದು ಕೂಡ ಬೃಹತ್ ಅಂತರದಿಂದ.
ಇಲ್ಲಿನ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಹರ್ಯಾಣ ಸ್ಟೀಲರ್ ಅಮೋಘ ಆಟ ಪ್ರದರ್ಶಿಸಿತು. ಫುಲ್ ಜೋಶ್ನಿಂದಲೇ ಆಡುವ ಮೂಲಕ 42-29 ಅಂಕಗಳಿಂದ ಎದುರಾಳಿ ತಮಿಳ್ ತಂಡವನ್ನು ಮಣಿಸಿತು. ಗೆಲುವಿನ ಅಂತರ 13 ಅಂಕ. ಹರ್ಯಾಣ ಸ್ಟೀಲರ್ ಪರ ಮಿಂಚಿದ್ದು ಬದಲಿ ಆಟಗಾರನಾಗಿ ಕಣಕ್ಕಿಳಿದ ಶಿವಂ ಪತಾರೆ. 9 ರೇಡಿಂಗ್ ನಡೆಸಿ 8 ಅಂಕಗಳಿಸಿದರು. ಈ ಮೂಲಕ ತಮ್ಮ ಆಯ್ಕೆಯನ್ನು ಸಮರ್ಥಿಸಿಕೊಂಡರು. ಉಳಿದಂತೆ ಜೈದೀಪ್(7), ವಿನಯ್(5), ರಾಹುಲ್(7)ಮತ್ತು ಮೋಹಿತ್ (3) ಅಂಕ ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಕೊಡುಗೆ ಸಲ್ಲಿಸಿದರು. ಆದರೆ ಬಾಹುಬಲಿ ಖ್ಯಾತಿಯ ಸ್ಟಾರ್ ರೇಡರ್ ಸಿದ್ದಾರ್ಥ್ ಒಂದಂಕಕ್ಕೆ ಸೀಮಿತರಾದರು.
𝐒𝐚𝐠𝐚𝐫 – The captain of the Thalaivas' ship ⚓#ProKabaddiLeague #ProKabaddi #PKLSeason10 #PKL #HarSaansMeinKabaddi #CHEvHS #TamilThalaivas #HaryanaSteelers pic.twitter.com/tzFAzyje8j
— ProKabaddi (@ProKabaddi) December 25, 2023
ತಮಿಳ್ ಪರ ಮಿಂಚಿದ ಆಟಗಾರರೆಂದರೆ ಶಾಹೀಲ್ ಗುಲಿಯಾ(10), ಹಿಮಾಂಶು(9) ಮತ್ತು ನಾಯಕ ಸಾಗರ್(4). ಅಜಿಂಕ್ಯಾ ಪವಾರ್ ಅವರು ಈ ಪಂದ್ಯದಲ್ಲಿ ನಿರೀಕ್ಷಿತ ಪ್ರದರ್ಶನ ತೋರುವಲ್ಲಿ ವಿಫಲವಾದದ್ದು ತಮಿಳ್ ತಲೈವಾಸ್ಗೆ ಬಾರಿ ಹಿನ್ನೆಡೆಯಾಗಿ ಪರಿಣಮಿಸಿತು.
ಇದನ್ನೂ ಓದಿ Pro Kabaddi: ಟೈಟಾನ್ಸ್ ಮುಳುಗಿಸಿ ಗೆಲುವಿನ ಹಳಿ ಏರಿದ ಬುಲ್ಸ್
इसे कहते हैं देसी छोरों का धाकड़ खेल 💪
— ProKabaddi (@ProKabaddi) December 25, 2023
हरियाणा स्टीलर्स ने दर्ज की 5वीं जीत 🙌#ProKabaddiLeague #ProKabaddi #PKLSeason10 #PKL #HarSaansMeinKabaddi #CHEvHS #TamilThalaivas #HaryanaSteelers pic.twitter.com/EvoryHGi0D
ಸತತ 2ನೇ ಸೋಲು ಕಂಡ ಬೆಂಗಾಲ್ ವಾರಿಯರ್ಸ್
ದಿನದ ಮೊದಲ ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ ತಂಡ ದಬಾಂಗ್ ಡೆಲ್ಲಿ(Dabang Delhi K.C) ವಿರುದ್ಧ 38-29 ಅಂಕಗಳಿಂದ ಸೋಲು ಕಂಡಿತು. ಭಾನುವಾರದ ಪಂದ್ಯದಲ್ಲಿ ಸೋಲು ಕಂಡಿದ್ದ ಬೆಂಗಾಲ್ ವಾರಿಯರ್ಸ್(Bengal Warriors)ಗೆ ಇದು ಸತತ ಎರಡನೇ ಸೋಲಾಗಿದೆ.
वॉरियर्स के खिलाफ छा गई नवीन एंड कंपनी की दबंगई 🤘
— ProKabaddi (@ProKabaddi) December 25, 2023
दिल्ली वालों तीसरी जीत के लिए शोर तो बनता है बॉस 😎#ProKabaddiLeague #ProKabaddi #PKLSeason10 #PKL #HarSaansMeinKabaddi #BENvDEL #BengalWarriors #DabangDelhiKC pic.twitter.com/F5oqWh1dnx
ಈ ಪಂದ್ಯದಲ್ಲಿ ಬೆಂಗಾಲ್ ತಂಡ ಎಲ್ಲ ವಿಭಾಗದಲ್ಲಿಯೂ ವೈಫಲ್ಯ ಕಂಡಿತು. ನಾಯಕ ಮತ್ತು ಸ್ಟಾರ್ ಆಟಗಾರ ಮಣೀಂದರ್ ಸಿಂಗ್ ಒಟ್ಟು 13 ರೇಡ್ ನಡೆಸಿ ಗಳಿಸಿದ್ದು ಕೇವಲ 6 ಅಂಕ. ಇವರ ಈ ವೈಫಲ್ಯ ತಂಡದ ಸೋಲಿಗೆ ಪ್ರಮುಖ ಕಾರಣ. ಕಳೆದ ಪಂದ್ಯದಲ್ಲಿಯೂ ಕೂಡ ಅವರು ಅತಿ ಬುದ್ಧಿವಂತಿಕೆ ತೋರಲು ಮುಂದಾಗಿ ಪಂದ್ಯವನ್ನು ಸೋಲಿಗೆ ಸೋಲಿನ ಸುಳಿಗೆ ತಳ್ಳಿದ್ದರು.
ಬೆಂಗಾಲ್ ಪರ ಇಂದಿನ ಪಂದ್ಯದಲ್ಲಿ ಮಿಂಚಿದ್ದು ಯುವ ಆಟಗಾರ ನಿತೀನ್ ಕುಮಾರ್. ಅವರು 14 ರೇಡ್ ನಡೆಸಿ 9 ಅಂಕ ಗಳಿಸಿದರು. ಇವರದ್ದೇ ತಂಡದ ಗರಿಷ್ಠ ಗಳಿಕೆ. ಇವರನ್ನು ಹೊರತುಪಡಿಸಿ ವೈಭವ್ ಮತ್ತಯ ಶುಭಂ ತಲಾ 4 ಅಂಕ ಗಳಿಸಿದರು. ಶ್ರೀಕಾಂತ್ ಜಾಧವ್ 3 ಅಂಕ ಕಲೆಹಾಕಿದರು.
Nitin 𝐤𝐧𝐢𝐭𝐭𝐢𝐧𝐠 crucial points for Bengal Warriors 💪#ProKabaddiLeague #ProKabaddi #PKLSeason10 #PKL #HarSaansMeinKabaddi #BENvDEL #BengalWarriors #DabangDelhiKC pic.twitter.com/7t4qzALhAm
— ProKabaddi (@ProKabaddi) December 25, 2023
ಮಿಂಚಿದ ನವೀನ್
ಎಕ್ಸ್ಪ್ರೆಸ್ ವೇಗದಲ್ಲಿ ರೇಡಿಂಗ್ ಮಾಡುವ ಡೆಲ್ಲಿ ತಂಡದ ರೇಡರ್ ನವೀನ್ ಕುಮಾರ್ ಅವರು ಗಾಯದ ಮಧ್ಯೆಯೂ ಮಿಂಚಿನ ರೇಡಿಂಗ್ ನಡೆಸಿ 11 ಅಂಕ ಕಲೆಹಾಕಿದರು. ದ್ವಿತೀಯಾರ್ಧದ ಆಟದ ವೇಳೆ ಗಾಯದಿಂದಾಗಿ ಕೆಲ ಕಾಲ ಮ್ಯಾಟ್ನಿಂದ ಹೊರಗಿದ್ದ ಅವರು ಮತ್ತೆ ಮರಳಿ ಶರವೇಗದ ರೇಡಿಂಗ್ ನಡೆಸಿ ಗಮನ ಸೆಳೆದರು. ಇದೇ ವೇಳೆ ಪ್ರೋ ಕಬಡ್ಡಿ ಲೀಗ್ನಲ್ಲಿ 1 ಸಾವಿರ ರೇಡ್ ಅಂಕಗಳನ್ನು ಪೂರ್ತಿಗೊಳಿಸಿದರು.